Wen chajpan muʼ bʌ caj a cʼʌn ti cʌntesa. Yom maʼ wen chʼʌmben isujm jiñi temaj chaʼan mach wocolic bajcheʼ maʼ tsictesan yicʼot ti a bajñel tʼan maʼ mel.

Cʼʌñʌ pʼots tac bʌ tʼan yicʼot mach bʌ wocolic. Anquese mach lecojic cheʼ maʼ cʼʌn tam tac bʌ tʼan, ñumen wen cheʼ mach cabʌlic maʼ cʼʌn chaʼan maʼ tsictesan jiñi ñuc tac bʌ i cʼʌjñibal.

Tsictesan tʼan tac mach bʌ cʌmbilic. Chaʼlen wersa chaʼan maʼañic maʼ cʼʌn tʼan tac wocol bʌ ti ñaʼtʌntel, cheʼ maʼ wʌl jumpʼejl tʼan wocol bʌ, juntiquil quixtañu muʼ bʌ i yʌjlel ti Biblia, jumpʼejl costumbre mach bʌ cʌmbilic o bajcheʼ miʼ chaʼleñob pʼisoñel ti wajali, yom maʼ tsictesan.