Coltañob chaʼan miʼ cʌñob i bʌ. Mele cʼajtiya tac muʼ bʌ i mejlel i jacʼob tiʼ ñaʼtʌbal chaʼan miʼ qʼuelob chuqui añob tiʼ pensar.

Coltañob i ñaʼtan chuqui añob tiʼ pusicʼal. Coltañob i ñaʼtan chucoch miʼ melob chuqui tac wen. Coltañob chaʼan pejtelel chuqui miʼ melob chaʼan añobʌch i cʼuxbiya ti Jehová, tiʼ piʼʌlob yicʼot ti jiñi cʌntesa tac am bʌ ti Biblia. Acʼʌyob ti pensar, mach a cʌlʌx chaʼlen tʼan. Cheʼ bʌ miʼ yujtel jiñi a discurso, mach yomic quisintic miʼ yubiñob, yom ñuqʼuesʌbilob i pusicʼal chaʼan miʼ ñumen mulañob i mel chuqui tac wen.

Wen acʼʌ ti cʌjñel Jehová. Wen alʌ bajcheʼ jiñi cʌntesa, principio yicʼot mandar tac am bʌ ti Biblia miʼ yʌqʼueñonla laj cʌn Dios yicʼot miʼ pʌsbeñonla chaʼan mucʼʌch i cʼuxbiñonla. Aqʼueñob i mulan i ñaʼtan bajcheʼ yubil miʼ yubin i bʌ Jehová yicʼot bajcheʼ miʼ mejlel i tijicñesañob.