Qʼuele chuqui an i yʌlʌ yambʌlob chaʼan bajcheʼ an i tajayob i coltʌntel cheʼ miʼ pejcañob jiñi Biblia yicʼot cheʼ miʼ jacʼob jiñi i ticʼojel tac.

«An i qʼuexta j cuxtʌlel. Cheʼ jaʼel, weñix chuqui mic ñaʼtan yicʼot chuqui mic mel. Yʌñʌlix bajcheʼ mic ñaʼtan ili ora» (Fiona).

«I pejcʌntel jiñi Biblia tsiʼ coltayon c tajben i sujmlel jiñi j cuxtʌlel» (Elena).

«Ñumen tijicñayoñix ili ora, maʼañix mic wen chaʼlen troñel i ñumen cabʌlix ora mi cajñel quicʼot c familia» (Andrew).

Mach cojach an i yʌlʌyob bajcheʼ ili. Tiʼ sujm, cabʌl lac piʼʌlob an i qʼueleyob chaʼan añʌch i cʼʌjñibal jiñi ticʼojel tac am bʌ ti Biblia.

Pero ¿bajcheʼ miʼ mejlel i coltañonla jiñi Biblia?

• Ti laj cʼocʼlel

• Mi lac taj lac tijicñʌyel

• Ti lac familia yicʼot ti la camigojob

• I cʼʌñol ti wen jiñi taqʼuin

• Lʌcʼʌl mi la cajñel ti Dios

Ti jiñi yan tac bʌ temaj mi caj laj qʼuel chaʼan jiñi Biblia mach jumpʼejlic jach chʼujul bʌ libro, jiñʌch jumpʼejl libro muʼ bʌ i mejlel i coltañonla ti jujumpʼejl qʼuin.