Mi lac mejlel ti chumtʌl yicʼot lac tijicñʌyel
Jiñi ticʼojel tac am bʌ ti Biblia miʼ mejlel i coltañonla chaʼan maʼañic chuqui mi laj cʌlʌx cʼojoʼtan. Joñonla maʼañic miʼ mejlel lac jisan tiʼ pejtelel chuqui muʼ bʌ i yʌcʼonla ti cʌlʌx pensar, pero jiñi tsaʼ bʌ i Meleyonla mucʼʌch i mejlel i mel. Cheʼ jaʼel, tsaʼix i waʼchoco juntiquil muʼ bʌ i coltañonla: Jiñʌch Jesucristo. Jesús lʌcʼʌlix mi caj i yʌcʼ bendición tac ila ti Lum i ñumento mi caj i mel cheʼ bajcheʼ tsiʼ mele ti wajali. Laʼ laj qʼuel chuqui tac mi caj i mel.
JESÚS MI CAJ I LAJMESAN JIÑI CʼAMOʼ BɅ
«Tsiʼ pʌyʌyob tilel pejtelel xcʼamʌjelob [...]. Tsiʼ luʼ lajmesayob» (MATEO 4:24).
JESÚS MI CAJ I YɅQʼUEÑONLA LA COTOT YICʼOT I BɅL LAC ÑɅCʼ
«Winicob mi caj i waʼchocoñob i yotot. Yaʼi mi caj i chumtʌlob. Maʼanic majch mi caj i chilbeñob. Cheʼ miʼ pʌcʼob tsʼusubil, mi caj i cʼuxbeñob i wut. Maʼanic majch mi caj i xujchʼibeñob» (ISAÍAS 65:21, 22).
JESÚS MI CAJ I CHʼɅM TILEL ÑɅCHʼTɅLEL YICʼOT TIJICÑɅYEL
«Mux i tajob i wenlel jini tojoʼ bʌ cheʼ woli ti yumʌl. Mux i tajob cabʌl i ñʌchʼtʌlel i pusicʼal winicob cheʼ anto uw. Laʼ i chaʼlen yumʌl ti pejtelel lum yicʼot ti ñajb. Laʼ i chaʼlen yumʌl baʼ an jini colem jaʼ cʼʌlʌl tiʼ joytilel pañimil [...]. Mi caj i pʌcchocoñob i bʌ i contrajob tiʼ tsʼubeñal lum» (SALMO 72:7-9).
JESÚS MI CAJ I JISAN JIÑI TOʼOL TICʼLɅNTEL
«Miʼ pʼuntan jini cʼun bʌ yicʼot jini pʼumpʼun bʌ. Miʼ coltan jini pʼumpʼuñoʼ bʌ. Mi caj i mʌn jini ticʼlʌbiloʼ bʌ yicʼot jini chuculoʼ bʌ ti jontolil chaʼan miʼ yʌcʼob ti colel» (SALMO 72:13, 14).
JESÚS MI CAJ I JISAN JIÑI WOCOL TAC YICʼOT JIÑI CHɅMEL
«Maʼanix majch miʼ caj ti chʌmel. Maʼanix ucʼtaya mi uqʼuel mi wocol» (APOCALIPSIS 21:4).
Miʼ mejlel a qʼuel jaʼel iliyi
CʼAJTIYA TAC CHAʼAN BɅ BIBLIA
¿Chuqui tac mi caj i mel jiñi i Yumʌntel Dios?
Qʼuele chuqui miʼ cajel cheʼ bʌ jiñix i Yumʌntel Dios woliʼ yuman ili Pañimil.
