¡JAMɅX A WUT! Núm. 2, 2020 | ¿Chucoch mi lac ñusan wocol?
Bajcheʼ jach ora miʼ mejlel lac taj jumpʼejl wocol, tajol tiʼ caj jumpʼejl cʼamʌjel, jumpʼejl accidente, cheʼ bʌ miʼ ñumel butʼjaʼ, yujquel lum o yan tac bʌ, o tiʼ caj wocol tac muʼ bʌ i tech jiñi quixtañujob.
Jiñi quixtañujob miʼ sʌclʌbeñob i jacʼbal tac.
An muʼ bʌ i yʌlob chaʼan cheʼix tsaʼ tiliyonla chaʼan mi la quilan wocol o yambʌ miʼ ñaʼtañob chaʼan maʼañic chuqui miʼ mejlel i melob chaʼan miʼ jilel jiñi wocol.
An yambʌ muʼ bʌ i yʌlob chaʼan cheʼ bʌ mi la quilan wocol tiʼ cajʌch chuqui woli lac mel ili ora o chaʼan an chuqui tsaʼ lac mele ti yambʌ laj cuxtʌlel.
Jiñi muʼ bʌ i yilañob wocol miʼ melbeñob i bʌ cʼajtiya tac pero maʼañic bʌ miʼ tajbeñob i jacʼbal.
I cʌntesa tac yambʌ ñopbalʌl
Miʼ mejlel a lajeʼ chuqui tac miʼ ñop yan tac bʌ ñopbalʌl chaʼan jiñi wocol.
1 ¿I mul ba Dios cheʼ an lac wocol?
Cabʌl quixtañujob an subebilob lot tac tiʼ tojlel Dios. ¿Baqui bʌ i sujmlel?
2 ¿Am ba ti lac mul jiñi lac wocol?
Mi joñoñʌchla an ti lac mul jiñi lac wocol tac, mucʼʌch i mejlel lac tsʼitaʼ lajmesan cheʼ jiñi.
3 ¿Chucoch miʼ ñusañob wocol jiñi mach bʌ jontolobic?
Jiñi Biblia miʼ coltañonla lac ñaʼtʌben i jacʼbal.
4 ¿Tsaʼ ba i meleyonla Dios chaʼan mi lac ñusan wocol?
Pejtelel i melbal Dios wen utsʼatax, jin chaʼan maʼañic i sujmlel cheʼ mi lac ñop chaʼan tsaʼ mejliyonla chaʼan mi la quilan wocol. Cheʼ jiñi, ¿chucoch mi la quilan wocol?
5 ¿Muʼ ba caj i jilel ti jumpʼejl bʌ qʼuin jiñi lac wocol?
Jiñi Biblia miʼ tsictesʌbeñonla bajcheʼ mi caj i jisan Dios jiñi wocol tac.
¿Baqui miʼ mejlel a taj a coltʌntel?
Anquese maʼan chuqui miʼ mejlel lac mel yilal cheʼ bʌ mi lac ñusan wocol, añʌch jumpʼejl cʌntesʌntel muʼ bʌ mejlel i coltañonla.
