Miʼ mejlel a taj a ñaʼtʌbal
«Pejtelel jiñi Tsʼijbujel tilem ti Dios» (2 Timoteo 3:16). Jiñi tʼan tilem, yom i yʌl chaʼan jiñi Dios mach bʌ añic i pʼisol i pʼʌtʌlel, tsiʼ yʌcʼʌ i ñaʼtʌbal ti jiñi wiñicob tsaʼ bʌ i tsʼijbuyob jiñi Biblia.
Dios miʼ mulan chaʼan maʼ taj wem bʌ a ñaʼtʌbal
«Joñon a Yumon, [...] muʼ bʌ j cʌntesañet chaʼan maʼ taj chuqui wen. Joñon mic tojʼesañet ti a bijlel baʼ yom maʼ chaʼlen xʌmbal. Tsaʼic a jacʼʌ c mandar, cabʌlix i ñʌchʼtilel a pusicʼal cheʼ bajcheʼ colem jaʼ woli bʌ ti ajñel. Añʌch toj bʌ a pusicʼal yicʼot cabʌl a pʼʌtʌlel cheʼ bajcheʼ wetsʼecña bʌ jaʼ» (ISAÍAS 48:17, 18).
Dios woli (choncol) i subeñet chaʼan maʼ cʌn. Come miʼ mulan chaʼan maʼ taj a ñʌchʼtʌlel yicʼot chaʼan tijicñayet tiʼ pejtelel ora, i mucʼʌch i mejlel i coltañet chaʼan maʼ taj iliyi.
Miʼ mejlel a cʌmben i ñaʼtʌbal Dios
«Yom miʼ ñaxan sujbel jiñi wen tʼan tiʼ pejtelel tejclum» (MARCOS 13:10).
¿Chuqui miʼ chʼʌm tilel ili wen tʼan? Jiñʌch chaʼan Jehová tsʼitaʼ jax yom chaʼan miʼ jisan jiñi wocol tac i miʼ sujtesan ti jumpʼejl paraíso ili Pañimil yicʼot chaʼan mi caj i chaʼ chʼojyesan jiñi lac familia yicʼot la camigojob tsaʼ bʌ chʌmiyob. Jiñi i testigojob Jehová woli (yʌquel) i chaʼleñob subtʼan tiʼ pejtelel pañimil (mulawil).
Miʼ mejlel a qʼuel jaʼel iliyi
LAC TSICTESΛBENTEL
Jiñi Biblia miʼ yʌl i sujmlel
Miʼ mejlel a ñop chaʼan jiñi Biblia miʼ yʌl i sujmlel.
