Cheʼ bʌ miʼ yujtel mach tac bʌ weñic, yonlel lac piʼʌlob miʼ ñajtʼesañob i bʌ tiʼ tojlel jiñi muʼ bʌ i cʼuxbiñob anquese mach yilolic i chaʼañob.

• Jiñi lac piʼʌlob maʼañic miʼ ñochtañob yañoʼ bʌ.

• Jiñi ñujpuñemoʼ bʌ miʼ ñumen chaʼleñob leto.

• Jiñi tatʌ ñaʼʌlob maʼañic miʼ wen chʼʌmob ti ñuc o maʼañic miʼ junyaj chʼʌmob ti ñuc muʼ bʌ i pensariñob i yalobilob.

• Cheʼ bʌ miʼ yujtel wocol, wen i cʼʌjñibalob jiñi la camigojob come miʼ coltañoñobla chaʼan tijicña mi la cajñel.

• Jiñi cʌlʌx pensar miʼ mejlel i wen ticʼlan jiñi a familia cheʼ bajcheʼ mach pijtʌbilic a chaʼan.

• Jiñi noticia tac mach bʌ weñic miʼ mejlel i wen ticʼlan jiñi a walobilob.

Jiñi Biblia miʼ yʌl: «Mi isujm miʼ cʼuxbiñonla laj cʌñʌ bʌ maʼanic miʼ cʌy i cʼuxbiñonla tiʼ pejtelel ora. Junlajalʌch bajcheʼ lac piʼʌl baʼ ora woli la cubin wocol» (Proverbios 17:17).

Chaʼlen tʼan a wicʼot juntiquil muʼ bʌ i chʼʌmben i sujm bajcheʼ yubil maʼ wubin yicʼot miʼ yʌqʼueñet wen tac bʌ ticʼojel. Cheʼ a wujil chaʼan an majqui miʼ cʼuxbiñet, mi caj i yʌqʼueñet a pʼʌtʌlel yicʼot mi caj i ñijcan a pusicʼal chaʼan maʼ lʌtʼ jiñi wocol tac.