Tiʼ caj muʼ bʌ lac ñusan mi lac mejlel ti cʼamʼan yicʼot lac taj lac chʼijyemlel. Jin chaʼan cabʌlob tsaʼix i sʌtʌyob i pijtaya. ¿Chuqui miʼ yujtel?

• An mach bʌ yomobix i ñaʼtan chaʼan jiñi talto bʌ qʼuin.

• Yambʌlob miʼ wen tech i japob lembal yicʼot i cʼʌñob droga.

• An yambʌlob muʼ bʌ i ñaʼtañob chaʼan maʼañix i cʼʌjñibal cheʼ bej cuxulobto i miʼ yʌlob: «¿Chuquito i cʼʌjñibal mic bej chaʼlen wersa?».

• Tajol jiñi wocol tac woli bʌ a ñusan mucʼʌch caj i tojʼan.

• Mi mach cheʼic miʼ yujtel, añʌch chuqui miʼ mejlel a mel chaʼan maʼ ñusan majlel.

• Jiñi Biblia miʼ yʌl chaʼan pejtelel jiñi wocol tac mi caj i jilel.

Jiñi Biblia miʼ yʌl: «Mach laʼ cʼojoʼtan chuqui mi caj i yujtel ijcʼʌl come yambʌyix chuqui mi caj laʼ cʼojoʼtan. Jasʌl jach jiñi wocol tac am bʌ ti jujumpʼejl qʼuin» (Mateo 6:34).

Mach a cʌlʌx cʼojoʼtan muʼ bʌ caj i yujtel tiʼ yijcʼʌlel, mele jach jiñi yom bʌ maʼ mel ti jiñi bʌ qʼuin.

Cheʼ mi laj cʌlʌx cʼojoʼtan jiñi mach tac bʌ weñic miʼ mejlel ti ujtel, mucʼ jach i ticʼlañonla yicʼot miʼ yʌqʼueñonla lac sʌt lac pijtaya.

Jiñi tsaʼ bʌ i tsʼijbu jumpʼejl salmo o cʼay am bʌ yaʼ ti Biblia tiʼ sube Dios: «Jini a tʼan lajalʌch bajcheʼ lámpara chaʼan coc. I sʌclelʌch c bijlel» (Salmo 119:105). ¿Chuqui yom i yʌl jiñi?

Jumpʼejl foco miʼ mejlel i coltañonla laj qʼuel lac bijlel cheʼ ti acʼʌlel. Cheʼ jaʼel, jiñi Biblia miʼ yʌqʼueñonla wen tac bʌ ticʼojel muʼ bʌ i coltañonla cheʼ bʌ an chuqui woli lac ñaʼtan lac mel.

Jumpʼejl foco miʼ coltañonla lac ñajti qʼuel jiñi lac bijlel. Cheʼ jaʼel, jiñi Biblia miʼ pʌsbeñonla muʼ bʌ caj i yujtel ti talto bʌ qʼuin.