¡JAMɅX A WUT! Núm. 1, 2024 | Wolix i jilel jiñi respeto ¿Chuqui miʼ mejlel a mel jatet?
Ili ora, jiñi lac piʼʌlob maʼañix miʼ qʼuelob ti ñuc yambʌlob, i cheʼ bʌ an majqui miʼ pʌs wem bʌ i melbal toj sajtelob i pusicʼal.
Cabʌl lac piʼʌlob maʼañix miʼ qʼuelob ti ñuc jiñi i tatob, jiñi añobix bʌ i jabilel, jiñi policíajob, i yumob ti eʼtel yicʼot jiñi maestrojob. Cheʼ jaʼel, jiñi lac piʼʌlob lecojax chuqui miʼ subeñob i bʌ yaʼ ti internet. Jiñi revista Harvard Business Review miʼ yʌl chaʼan wolix i jilel majlel jiñi respeto i cabʌl an i yʌlʌyob chaʼan cheʼʌch woliʼ yujtel ili ora.
Qʼuele ti ñuc yañoʼ bʌ
Cʌñʌ chucoch ñuc i cʼʌjñibal mi laj qʼuel ti ñuc yañoʼ bʌ i bajcheʼ miʼ mejlel lac mel.
Qʼuele ti ñuc a cuxtʌlel yicʼot i chaʼan yañoʼ bʌ
Qʼuele chuqui miʼ yʌl jiñi Biblia chaʼan bajcheʼ miʼ mejlel lac pʌs chaʼan mi laj qʼuel ti ñuc laj cuxtʌlel yicʼot i cuxtʌlel yañoʼ bʌ.
Qʼuele ti ñuc a familia
Ñumen an tijicñʌyel ti familia cheʼ bʌ tiʼ pejtelelob miʼ qʼuelob i bʌ ti ñuc.
Mach a ñaʼtan chaʼan maʼañic a cʼʌjñibal
Jiñi Biblia miʼ mejlel i coltan lac piʼʌlob chaʼan miʼ qʼuelob chaʼan añobʌch i cʼʌjñibal, i jin chaʼan ñumen tijicñayob.
Wolix i jilel jiñi respeto ¿Chuqui miʼ mejlel a mel jatet?
Cʌñʌ chuqui miʼ mejlel a mel chaʼan maʼ pʌs respeto yicʼot chuqui woliʼ melob jiñi i testigojob Jehová tiʼ petol pañimil.
