¡JAMɅX A WUT! Núm. 1, 2023 | ¿Muʼto ba caj i chaʼ tojʼan jiñi Lum? Mucʼʌch caj i tojʼan
Ti lac pejtelel mi lac taj laj qʼuel bajcheʼ woliʼ jisʌntel chuqui tac an ila ti Lum. Tsiquil chaʼan woliʼ jilel jiñi jaʼ, woliʼ yʌsiyel jiñi mar, woliʼ jilel mateʼel yicʼot mach sʌquix jiñi icʼ. ¿Muʼto ba caj i chaʼ tojʼan jiñi Lum? Miʼ mejlel lac ñop chaʼan mucʼʌch caj i tojʼan ili wocol tac. Qʼuele chucoch miʼ mejlel lac ñop jiñi.
Jiñi jaʼ
¿Chuqui tac miʼ yujtel chaʼan maʼañic miʼ jilel jiñi jaʼ?
Jiñi mar
¿Muʼto caj i mejlel ti chaʼ tojʼan jiñi mar?
Jiñi mateʼel tac
¿Chuqui an i qʼueleyob jiñi xcʌnta mateʼelob ti jiñi lum tac baqui luʼ secʼbil jiñi teʼ tac?
Jiñi icʼ
Jiñi contaminación miʼ mejlel i wen ticʼlañonla. ¿Chuqui tac tsiʼ mele Dios chaʼan miʼ mejlel i bajñel sʌqʼuesan i bʌ jiñi icʼ?
Dios miʼ yʌl chaʼan mi caj i chaʼ tojʼan jiñi Lum
¿Bajcheʼ mi lac ñaʼtan chaʼan maʼañic mi caj i jilel ili Pañimil yicʼot tiʼ pejtelel ora miʼ cajel cuxtʌlel?
Ti ili revista ¡Jamʌx a wut!
Ti ili revista mi caj a qʼuel chuqui woliʼ chaʼlen jiñi Pañimil yicʼot chucoch miʼ mejlel lac ñop chaʼan mucʼʌch caj i chaʼ tojʼan.
