CHAʼAN JIÑI ÑUJPUÑEMOʼ BɅ
2. Tem coltan laʼ bʌ
¿CHUQUI YOM I YɅL?
Jiñi ñujpuñemoʼ bʌ muʼ bʌ i tem coltañob i bʌ lajalob bajcheʼ juntiquil piloto yicʼot i yaj coltaya woli bʌ i ñijcañob juncojt avión. Laja lajal miʼ ñaʼtañob i bʌ, ñumento cheʼ bʌ an wocol tac.
PRINCIPIO AM BɅ TI BIBLIA: «Mach chʌn chaʼtiquilobix, juntiquilob jax» (Mateo 19:6).
«Jiñi wiñic yicʼot xʼixic yom miʼ coltañob i bʌ chaʼan wen miʼ yajñelob tiʼ ñujpuñel» (Christopher).
¿CHUCOCH ÑUC I CʼɅJÑIBAL?
Mi jiñi ñujpuñemoʼ bʌ maʼañic miʼ coltañob i bʌ cheʼ bʌ miʼ yujtel jumpʼejl wocol mucʼ jach caj i yʌʼleñob i bʌ i mach jiñic miʼ tojʼesañob jiñi wocol, i ti wiʼil jiñi mach bʌ jumpʼejlic wocol ti ñaxan muqʼuix i sujtel ti jumpʼejl tsʌts bʌ wocol.
«Ñucʌch i cʼʌjñibal cheʼ jiñi ñujpuñemoʼ bʌ miʼ coltañob i bʌ. Mi joñon quicʼot c ñoxiʼal maʼañic mij coltan lon c bʌ, lajalon jach lojon yubil bajcheʼ chaʼtiquil lajal chumuloʼ bʌ, pero maʼañic bʌ miʼ chʼʌmob i bʌ ti ñuc cheʼ bʌ an chuqui yomob i mel» (Alexandra).
¿CHUQUI MIʼ MEJLEL A MEL?
ÑAʼTAN ILIYI
-
¿Muʼ baʼ ñaʼtan chaʼan jiñi taqʼuin muʼ bʌ a taj bajñel a chaʼan jach?
-
Chaʼan maʼ wubin a tijicñʌyel, ¿mach ba i cʼʌjñibalic a chaʼan a piʼʌl maʼ wubin?
-
¿Mach ba añic maʼ wen pejcan jiñi i familia a piʼʌl anquese wen temelob aja?
TEM ALɅLA
-
¿Baqui tac mucʼʌch laj coltan lac bʌ?
-
¿Chuqui tac yomto bʌ mi lac tojʼesan?
-
¿Chuqui tac miʼ mejlel lac mel chaʼan ñumento mi laj coltan lac bʌ?
MUʼ BɅ MEJLEL LAʼ MEL
-
Ñaʼtancu chaʼan jiñi ñujpuñel lajal bajcheʼ jiñi fútbol. ¿Chuqui miʼ mejlel laʼ mel chaʼan lajal bajcheʼ jumpʼejl equipo mi laʼ chaʼlen alas i maʼañic mi laʼ contrajin laʼ bʌ?
-
Mach a ñaʼtan bajcheʼ maʼ mejlel a bajñel mʌl, ñaʼtan bajcheʼ miʼ mejlel laʼ coltan laʼ bʌ chaʼan lajal mi laʼ mʌl.
«Mach yʌlʌyic majqui jiñi toj bʌ an. Ñuc bʌ i cʼʌjñibal jiñʌch cheʼ an ñʌchʼtʌlel yicʼot cheʼ temelonla ti lac ñujpuñel» (Eric).
PRINCIPIO AM BɅ TI BIBLIA: «Mach bajñel laʼ wenlelic mi laʼ sʌclan, mi laʼ sʌclan i chaʼan yambʌlob jaʼel» (Filipenses 2:3, 4).
