¿Wen pejcʌbilix baʼ chaʼan jiñi temaj tac maxto bʌ wen jalic loqʼuem ti Lac Tsictesʌbentel? Qʼuele mi mucʼʌch i mejlel a jacʼ ili cʼajtiya tac:

¿Chuqui miʼ pʌsbeñonla Santiago 5:11 cheʼ bʌ miʼ yʌl chaʼan Jehová wen «uts i pusicʼal» yicʼot «wen yujil pʼuntaya»?

La cujil chaʼan Jehová wen yom i ñusan lac mul come yujil pʼuntaya. Santiago 5:11 miʼ pʌsbeñonla chaʼan miʼ coltañonla yicʼot i yutslel. Weñʌch cheʼ mi lac lajin (w21.01, página 21).

¿Chucoch Jehová tsiʼ waʼchoco eʼtel tac?

Chaʼañʌch i cʼuxbiya. Jin chaʼan, jiñi i familia Jehová utsʼat an yicʼot chajpʌbil chuqui miʼ mejlel. Yaʼ ti familia tac, pejtelel muʼ bʌ i qʼuel ti ñuc ili principio yujilob majqui mi caj i yʌl chuqui mi caj i ñoj mejlel yicʼot majqui mi caj i ñaxan mel (w21.02, página 3).

¿Chucoch yom mi laj cʌntan lac bʌ cheʼ bʌ mi laj cʼʌn jiñi aplicación chaʼan mensaje?

Mi an woli bʌ i ñaʼtañob i cʼʌn ili aplicación tac, yom miʼ wen yajcañob majqui mi caj i ñochtañob. Ñumen wocol ti melol iliyi ti jumpʼejl grupo wen colem bʌ (1 Tim. 5:13). Cheʼ jaʼel, an jiñi wocol chaʼan miʼ pujquel noticia tac mach bʌ i sujmic yicʼot chaʼan miʼ cʼʌñob jiñi hermanojob chaʼan miʼ tajob taqʼuin (w21.03, página 31).

¿Chucoch tsiʼ yʌcʼʌ Dios chaʼan Jesús miʼ ñusan wocol i miʼ chʌmel?

Ñaxam bʌ, tsaʼ chʌmi ti teʼ chaʼan mach chʌn chocbilix miʼ qʼuejlelob jiñi judíojob (Gál. 3:10, 13). I chaʼchajplel, Jehová woliʼ chajpan Jesús bajcheʼ Ñuc bʌ sacerdote. I yuxchajplel, cheʼ xucʼul tsaʼ ajñi Jesús tsiʼ pʌsʌ chaʼan jiñi quixtañujob xucʼul miʼ mejlelob ti ajñel anquese miʼ ñusañob tsʌts bʌ wocol tac (Job 1:9-11) (w21.04, página 16 yicʼot 17).

¿Chuqui miʼ mejlel lac mel mi maʼañic mi lac wen taj lac piʼʌlob tiʼ yotot?

Miʼ mejlel lac ñop lac chaʼlen subtʼan cheʼ bʌ yaʼix añob tiʼ yotot. Cheʼ jaʼel, miʼ mejlel laj qʼuextan baqui mi lac chaʼlen subtʼan. I miʼ mejlel laj qʼuextan bajcheʼ mi lac chaʼlen subtʼan, miʼ mejlel lac tsʼijbun carta tac (w21.05, página 15 yicʼot 16).

¿Chuqui tsiʼ yʌcʼʌ ti ñaʼtʌntel jiñi apóstol Pablo cheʼ bʌ tsiʼ yʌlʌ: «Tiʼ caj tsaʼ c jacʼʌ jiñi mandar, joñon tsaʼ chʌmiyon tiʼ tojlel jiñi mandar»? (Gá. 2:19, TNM).

Jiñi i Mandar Moisés tsiʼ pʌsʌ chaʼan xmulilonla i tsiʼ colta Israel chaʼan miʼ lʌcʼtesan i bʌ ti Cristo (Gál. 3:19, 24). Ili tsiʼ yʌcʼʌ chaʼan Pablo miʼ ñop Jesús. Cheʼ bajcheʼ jiñi, tsaʼ chʌmi tiʼ tojlel jiñi Mandar, i jiñi Mandar maʼañix i pʼʌtʌlel tiʼ tojlel (w21.06, página 31).

¿Bajcheʼ an i pʌsbeyonla Jehová chaʼan mi laj cuch wocol?

Jehová an i cuchu i bibʼesʌntel i cʼabaʼ, i contrajintel i yumʌntel, cheʼ chaʼtiqui uxtiquil i yalobilob tsiʼ chañʼesayob i bʌ, jiñi i lot tac jiñi Diablo, i wocol tac jiñi cʼuxbibil bʌ i wiñicob, cheʼ chʌmen jiñi i yamigojob, cheʼ jiñi jontoloʼ bʌ miʼ ticʼlañob yambʌlob yicʼot i jisʌntel jiñi Pañimil (w21.07, página 9 cʼʌlʌl 12).

¿Bajcheʼ tsiʼ pʌsbeyonla José chaʼan yom mi lac pʌs lac pijt?

José tsaʼ toʼol ticʼlʌnti tiʼ yerañob. Tiʼ caj jiñi, tsaʼ jopʼbenti i mul i cabʌl jab tsaʼ otsʌnti ti cárcel ti Egipto (w21.08, página 12).

¿Baqui bʌ i ñijcʌntel tejclum tac miʼ yʌjlel ti Ageo 2:6-9, 20-22?

Yonlel lac piʼʌlob maʼañic miʼ mulañob jiñi wen tʼan chaʼan bʌ Yumʌntel, pero cabʌlob mucʼʌch bʌ i mulañob jiñi i sujmlel. Tsʼitaʼ jax yom chaʼan miʼ ñumel jiñi cojix bʌ i ñijcʌntel pañimil cheʼ bʌ miʼ jisʌntelob (w21.09, página 15 cʼʌlʌl 19).

¿Chucoch mach yomic mi lac lujbʼan ti lac subtʼan?

Jehová miʼ qʼuel bajcheʼ mi lac chaʼlen wersa i tijicña miʼ yubin. Mi maʼañic mi lac lujbʼan, mi caj lac taj laj cuxtʌlel mach bʌ añic miʼ jilel (w21.10, página 25 yicʼot 26).

¿Bajcheʼ miʼ coltañonla Levítico 19 chaʼan mi lac jacʼ ili ticʼojel: «Yom chʼujuletla tiʼ pejtelel laʼ melbal»? (1 Ped. 1:15).

Tajol ili versículo loqʼuem ti Levítico 19:2. Jiñi capítulo 19 miʼ yʌcʼ cabʌl ejemplo chaʼan bajcheʼ miʼ mejlel lac jacʼ 1 Pedro 1:15 ti laj cuxtʌlel (w21.12, página 3 yicʼot 4).