LAC TSICTESΛBENTEL (CHAʼAN BɅ ESTUDIO) Junio de 2020
Ili revista miʼ chʼʌm tilel jiñi estudio tac muʼ bʌ caj i qʼuejlel cheʼ ti 3 cʼʌlʌl ti 30 i chaʼan agosto ti 2020.
«Laʼ chʼujutesʌntic a cʼabaʼ»
Estudio 23: 3 cʼʌlʌl ti 9 i chaʼan agosto ti 2020. ¿Chuqui ñuc bʌ i cʼʌjñibal i chaʼañob jiñi quixtañujob yicʼot jiñi ángelob? ¿Chuqui miʼ mejlel lac mel chaʼan miʼ tojʼan? I jacʼbal tac ili cʼajtiya yicʼot yan tac bʌ mi caj i pʼʌtʼesan bajcheʼ añonla la quicʼot Jehová.
«Aqʼueñon jumpʼejl c pusicʼal mach bʌ tʼoxolic chaʼan mic bʌcʼñan a cʼabaʼ»
Estudio 24: 10 cʼʌlʌl ti 16 i chaʼan agosto ti 2020. Ti ili estudio mi caj lac tsajin chuqui tiʼ sube David jiñi Jehová yaʼ ti Salmo 86:11, 12 (TNM). ¿Chuqui yom i yʌl cheʼ mi lac bʌcʼñan i cʼabaʼ Jehová? ¿Chucoch yom mi lac wen qʼuel ti ñuc jiñi i cʼabaʼ? ¿I bajcheʼ miʼ coltañonla i bʌcʼñʌntel i cʼabaʼ Dios cheʼ miʼ yilʌntel lac pusicʼal?
Jiñi xpejcaya juñob miʼ cʼajtibeñob i bʌ
¿Muʼ ba i taj ti tʼan Gálatas 5:22, 23 (TNM) pejtelel jiñi melbal tac ochem bʌ tiʼ «wut muʼ bʌ i yʌcʼ jiñi espíritu»?
«Joñon mic majlel c sajcan jini c tiñʌmeʼ»
Estudio 25: 17 cʼʌlʌl ti 23 i chaʼan agosto ti 2020. ¿Chucoch an hermanojob xucʼul bʌ tsaʼ ajñiyob tiʼ tojlel Jehová miʼ cʌyob ajñel ti congregación? ¿Chuqui miʼ ñaʼtan Dios tiʼ tojlelob? Ti ili estudio mi caj lac tajben i jacʼbal. Cheʼ jeʼel, mi caj laj qʼuel bajcheʼ tsiʼ colta Jehová chaʼtiqui uxtiquil i wiñicob ti wajali mach bʌ añic tsiʼ meleyob ti ora tsaʼ bʌ cʼajtibentiyob chaʼan miʼ melob i chuqui mi laj cʌn.
«Sutqʼuin laʼ bʌ tic tojlel»
Estudio 26: 24 cʼʌlʌl ti 30 i chaʼan agosto ti 2020. Jehová miʼ suben jiñi tsaʼ bʌ i ñajtʼesayob i bʌ tiʼ tojlel: «Sutqʼuin laʼ bʌ tic tojlel». Ti ili estudio, mi caj laj qʼuel bajcheʼ miʼ mejlel laj coltañob jiñi yomoʼ bʌ chaʼ sujtelob.
