Laʼ laj coltʌbeñob i yalobil «jini chʼoyoloʼ bʌ ti yambʌ lum»
«Cheʼ mi cubin woliyob ti xʌmbal tiʼ sujmlel jini calobilob, wen tijicñayon. Maʼanic chuqui miʼ ñumen tijicñesañon» (3 JUAN 4).
CʼAY: 88, 41
1, 2. a) ¿Baqui bʌ wocol miʼ tajob i yalobil jiñi cʼotemoʼ bʌ ti yambʌ país? b) ¿Baqui bʌ jiñi cʼajtiya tac muʼ bʌ caj i jajqʼuel ti ili temaj?
JUNTIQUIL Testigo i cʼabaʼ Joshua miʼ yʌl: «Jiñi c tat c ñaʼ tilemob ti yambʌ país, chuton to tsaʼ caji j cʼʌn jiñi tʼan yujiloʼ bʌ yaʼ ti cotot yicʼot ti congregación». Pero cheʼ bʌ tsaʼ caji ti majlel ti escuela, tsiʼ mulaj i cʌn jiñi tʼan muʼ bʌ i cʼʌjñel yaʼi. Miʼ chaʼ al: «Mach jalic tsaʼ luʼ qʼuextʌyi: Maʼañic mic ñaʼtan muʼ bʌ i yʌjlel ti tempa bʌ i maʼañix mic chʌn mulan jiñi i cultura c tat c ñaʼ». Mach cojach Joshua ujtem bajcheʼ iliyi.
2 Ili ora, ñumen ti 240 millón wiñicob xʼixicob (quixtañu) chumulob ti yambʌ país. Mi chumulet ti yambʌ país i tatʌlet, ¿bajcheʼ miʼ mejlel a coltañob i cʼuxbin Jehová jiñi a walobilob yicʼot miʼ chʌn chaʼleñob «xʌmbal tiʼ sujmlel»? (3 Juan 4). ¿I bajcheʼ miʼ mejlelob ti coltaya jiñi yambʌ hermanojob ti congregación?
TATΛLOB, PΛSΛLA WEM BΛ LAʼ MELBAL
3, 4. a) ¿Bajcheʼ miʼ mejlel i pʌsbeñob wem bʌ melbal i yalobilob jiñi tatʌlob? b) ¿Chuqui mach bʌ yomic miʼ pijtʌbeñob i yalobil jiñi tatʌlob?
3 Tatʌlob, mi laʼ wom chaʼan jiñi laʼ walobil miʼ sujtelob ti wem Mateo 6:33, 34). Ñaxan acʼʌla ti ñuc i melbentel i yeʼtel (troñel) Jehová, mach laʼ sʌclan cabʌl laʼ chubʌʼañʌl. Yom tijicñayetla yicʼot am bʌ laʼ chaʼan i mach laʼ butʼ laʼ bʌ ti bet. Chaʼlenla wersa laʼ tempan laʼ «chubʌʼan ti panchan», yom bʌ i yʌl chaʼan utsʼat mi laʼ wajñel ti Jehová, mach jiñic chaʼan mi laʼ taj cabʌl taqʼuin yicʼot laʼ «ñuclel tiʼ tojlel winicob» (Juan 12:43; pejcan Marcos 10:21, 22).
bʌ i yamigo Jehová yicʼot miʼ chumtʌlob tiʼ pejtelel ora, ñuc i cʼʌjñibal cheʼ mi laʼ pʌs wem bʌ laʼ melbal. Cheʼ miʼ qʼuelob chaʼan mi laʼ ‹ñaxan sajcan i Yumʌntel Dios›, mi caj i ñopob jaʼel chaʼan Jehová mi caj i yʌqʼueñob i cʼʌjñibal bʌ i chaʼañob (4 Aqʼuenla i yorajlel laʼ chaʼan laʼ walobilob, mach laʼ wen mʌc laʼ bʌ ti eʼtel. Subeñob chaʼan tijicñayetla cheʼ mi ñaxan acʼob Jehová i mach jiñic tiʼ sʌclʌntel taqʼuin chaʼañetla o i chaʼañob. Mach laʼ ñaʼtan chaʼan yom miʼ chaʼleñob eʼtel jiñi laʼ walobil chaʼan miʼ yʌqʼueñetla chuqui laʼ wom. Cʼajtesanla chaʼan «mach i wentajic la calobilob chaʼan miʼ tempʌbeñob i chubʌʼan i tat i ñaʼ. I wentajʌch i tat i ñaʼ chaʼan miʼ tempʌbeñob i chubʌʼan i yalobilob» (2 Corintios 12:14).
TATΛLOB, MACH LAʼ WΛCʼ CHAʼAN MIʼ MΛCTAÑETLA YAMBΛ TʼAN
5. ¿Chucoch ti bele ora yom miʼ subeñob i yalobil jiñi tatʌlob i chaʼan bʌ Jehová?
5 Cheʼ bajcheʼ tsiʼ wʌn alʌ jiñi Biblia, jiñi «yujiloʼ bʌ tiʼ pejtelel i tʼan jiñi tejclum tac» woli (choncol) i yochelob tiʼ yorganización Jehová (Zacarías 8:23, TNM). Tatʌlob, wocol mi caj laʼ pʌsben laʼ walobilob jiñi i sujmlel am bʌ ti Biblia mi maʼañic miʼ wen ñaʼtañob jiñi tʼan laʼ wujil bʌ. Jiñobʌch yom bʌ mi laʼ ñumen acʼ ti ñuc chaʼan mi laʼ wʌqʼuen estudio, yom miʼ cʌñob Jehová chaʼan miʼ tajob i cuxtʌlel maʼañic bʌ miʼ jilel (Juan 17:3). Jin chaʼan, ti bele ora yom mi laʼ suben i chaʼan bʌ Jehová (pejcan Deuteronomio 6:6, 7).
6. ¿Baqui bʌ wenlel miʼ tajob jiñi alobob cheʼ miʼ cʌmbeñob i tʼan i tat i ñaʼ? (Qʼuele jiñi foto am bʌ tiʼ tejchibal).
6 Cheʼ bʌ jiñi laʼ walobil añob ti escuela o yicʼot yambʌ wiñicob xʼixicob (quixtañujob) tajol mi caj i cʌñob jiñi tʼan muʼ bʌ i cʼʌjñel yaʼ ti tejclum. Pero mi mucʼʌch laʼ ñʌntesan laʼ bʌ laʼ pejcan ti laʼ tʼan mucʼʌch caj i cʌñob jaʼel. Cheʼ mucʼʌch i cʌñob, mach wocolic mi caj i yubiñob chaʼan miʼ pejcañetla i miʼ subob bajcheʼ miʼ yubiñob i bʌ. Pero añʌch yambʌ i wenlel tac. Cheʼ mach jumpʼejl jach tʼan yujilob miʼ ñumen chaʼlen eʼtel i jol yicʼot miʼ coltañob i chʼʌmben isujm muʼ bʌ i ñaʼtan yambʌlob. Cheʼ jaʼel, ñumen mi lac mejlel ti eʼtel ti subtʼan. Carolina, jiñʌch i yixicʼal (yixicpʼeñal) jumpʼejl xñujpuñel chʼoyol bʌ ti yambʌ país, miʼ yʌl: «Wen tijicña mi cubin cheʼ añon ti jumpʼejl congregación ti yambʌ tʼan. Yicʼot mic wen mulan majlel ti coltaya baqui yom to coltʌntel».
7. ¿Chuqui miʼ mejlel i mel jiñi tatʌlob mi yambʌ tʼan tsiʼ cʌñʌ jiñi i yalobilob?
7 Jiñi i yalobilob cʼotemoʼ bʌ ti chumtʌl ti yambʌ tejclum, xucʼu xucʼul miʼ cʌñob majlel i cultura yicʼot i tʼan baqui miʼ cʼotelob. Jin chaʼan, an maʼañix bʌ miʼ mulañob o maʼañix miʼ wen mejlelob ti tʼan bajcheʼ i tʼañob i tat i ñaʼ. Mi cheʼ an a walobilob bajcheʼ jiñi, ¿muʼ ba i mejlel laʼ tsʼitaʼ cʌn jiñi yambʌ tʼan chaʼan maʼ chaʼlen tʼan a wicʼot a walobilob? Cheʼ a wujil chuqui miʼ yʌl jiñi a walobil yicʼot yambʌlob, chuqui miʼ melob, yicʼot bajcheʼ an ti escuela, * (Qʼuele jiñi nota).
mach wen wocolic chaʼan miʼ mejlel a coltañob sujtel ti xñoptʼan. Miʼ mejlel a pejcʌbeñob i maestro jaʼel chaʼan miʼ mejlel a ñumen coltañob. Yomʌch mi la cʌqʼuen i yorajlel, mi lac chaʼlen wersa yicʼot an lac pecʼlel chaʼan mi laj cʌn yambʌ tʼan, pero añʌch i wenlel. Ñaʼtancu cheʼ xcojquic miʼ sujtel a walobil, ¿mach ba muqʼuic a chaʼlen wersa chaʼan maʼ cʌn jiñi lenguaje ti señas chaʼan miʼ mejlel a pejcan? Jin chaʼan, mi jiñi a walobil miʼ ñumen chʼʌmben isujm jiñi yambʌ tʼan, ¿mach ba lajalic yom mi laʼ mel jeʼel?8. ¿Bajcheʼ miʼ mejlel i coltañob i yalobil jiñi tatʌlob anquese mach yujilobic jiñi tʼan tsaʼ bʌ i cʌñʌyob?
8 An tatʌlob wocol bʌ miʼ yubiñob chaʼan miʼ pejcañob i yalobil ti yambʌ tʼan. Tajol jin chaʼan maʼañic miʼ wen mejlelob i coltan i chʼʌmben isujm muʼ bʌ i yʌl «jini Chʼujul bʌ i Tsʼijbujel Dios» (2 Timoteo 3:15). Tajol cheʼʌch woli (yʌquel) a wujtel. Pero mucʼʌch i mejlel a coltañob i cʌn Jehová yicʼot miʼ cʼuxbiñob. Juntiquil anciano i cʼabaʼ Shan miʼ yʌl: «Jiñi c ñaʼ i bajñel tsiʼ cosayon yicʼot yambʌ uxtiquil c chichob, mach wen yujilic jiñi tʼan tsaʼ bʌ lon j cʌñʌ, i mach cujilic lojon jaʼel jiñi i tʼan. Pero tsaʼ bʌ i coltayon lojon c chʼʌmben isujm chaʼan añʌch i cʼʌjñibal mi lon j cʌn Jehová jiñʌch cheʼ mij qʼueleʼ lon miʼ pejcan i Biblia, miʼ mel oración yicʼot cheʼ miʼ chaʼlen wersa i mel jiñi chʼujutesaya ti familia ti jujumpʼejl semana».
9. ¿Chuqui miʼ mejlel i mel jiñi tatʌlob chaʼan miʼ mejlel i coltañob i yalobil cheʼ yom miʼ pejcañob jiñi Biblia ti chaʼpʼejl tʼan?
9 Tajol an alobob yom bʌ miʼ cʌñob Jehová ti chaʼpʼejl tʼan. ¿Chucoch? Come yaʼ ti escuela miʼ cʼʌñob jumpʼejl tʼan i yaʼ ti yotot miʼ cʼʌñob yambʌ. Jin chaʼan, an tatʌlob muʼ bʌ i cʼʌñob jiñi jun tac, grabación yicʼot video tac tiʼ chaʼpʼejlel tʼan. Tiʼ sujm, jiñi tatʌlob cʼotemoʼ bʌ ti yambʌ tejclum yom miʼ ñumen chaʼleñob wersa i coltañob i yalobil chaʼan miʼ sujtelob ti wem bʌ i yamigojob Jehová.
¿BAQUI BΛ CONGREGACIÓN YOM MAʼ WAJÑEL?
10. a) ¿Majqui yom miʼ yajcan baqui bʌ congregación yom miʼ majlelob jiñi familia? b) ¿Chuqui yom miʼ ñaxan mel jiñi tatʌl chaʼan wen muʼ bʌ i yajcan i mel?
10 Mi «jini chʼoyoloʼ bʌ ti yambʌ lum» mach lʌcʼʌlic chumulob yicʼot yambʌ Testigojob yujiloʼ bʌ i tʼan, yom miʼ majlelob ti yambʌ congregación baqui mach i tʼañobic (Salmo 146:9). Pero mi yaʼ ti lʌcʼʌl an jumpʼejl congregación yujiloʼ bʌ i tʼan, jiñi i jol familia yom miʼ yajcan baqui bʌ congregación ñumen wen chaʼan i familia. Pero ñaxan yom miʼ wen ñaʼtan yicʼot miʼ cʼajtin i coltʌntel ti Jehová. Cheʼ jaʼel, yom miʼ tem chaʼlen tʼan yicʼot i yijñam yicʼot i yalobilob (1 Corintios 11:3). ¿Chuqui yom miʼ qʼuel ti ñuc? ¿Baqui bʌ principio tac miʼ mejlel i coltan i yajcan chuqui yom miʼ mel?
Jiñi i jol familia yom miʼ yajcan baqui bʌ congregación ñumen wen chaʼan i familia
11, 12. a) Mi jiñi alobob miʼ majlelob ti tempa bʌ ti jiñi tʼan yujiloʼ bʌ, ¿bajcheʼ cʼamel miʼ coltañob? b) ¿Chucoch an alobob mach bʌ yomobic i cʌmben i tʼan i tat i ñaʼ?
1 Corintios 14:9, 11). Jiñi tʼan muʼ bʌ i cʌñob cheʼ alʌlob to mach jiñic yom bʌ miʼ wersa cʼʌñob chaʼan miʼ yʌlob chuqui miʼ ñaʼtan yicʼot bajcheʼ yubil miʼ yubiñob i bʌ. An alobob muʼ bʌ i yʌcʼob i comentario yaʼ ti tempa bʌ tac, miʼ ñusañob i demostración o discurso tac ti jiñi tʼan tsaʼ bʌ i cʌñʌyob tiʼ tatob, pero maʼañic miʼ yʌlob tiʼ sujm chuqui miʼ ñaʼtañob yicʼot bajcheʼ yubil miʼ yubiñob i bʌ.
11 Jiñi tatʌlob yom miʼ wen qʼuelob chuqui yomob jiñi i yalobil. Jiñi alobob mach jasʌlic i chaʼañob muʼ bʌ i pʌstʌl ti tempa bʌ chaʼan miʼ chʼʌmbeñob isujm muʼ bʌ i yʌl jiñi Biblia. Pero cheʼ miʼ majlelob ti jumpʼejl congregación i tʼañobʌch bʌ, tajol mucʼʌch caj i cʌñob i sujmlel muʼ bʌ i pʌs jiñi Biblia. Tajol ñumento bajcheʼ miʼ ñaʼtañob jiñi tatʌlob. Wen wocol chaʼan jiñi alobob miʼ cʌñob mi maʼañic miʼ chʼʌmbeñob isujm muʼ bʌ i yʌjlel yaʼ ti tempa bʌ (pejcan12 Jiñi tʼan yujiloʼ bʌ jiñi alobob mach cojic jach muʼ bʌ i qʼuextʌbeñob i ñaʼtʌbal yicʼot chaʼan bajcheʼ yilalob. Jiñʌch tsaʼ bʌ ujti tiʼ tojlel Joshua, tsaʼ bʌ lac ñaxan alʌ. Jiñi i chich, i cʼabaʼ Esther, miʼ yʌl: «Jiñi alobob wen ñuc miʼ qʼuelob jiñi i tʼan, i cultura yicʼot i ñopbal i tatob». Mi mach wen i cʌñʌyobic i cultura i tat i ñaʼ, tajol maʼañic mi caj i mulañob i ñop jiñi tʼan yicʼot i ñopbalob. ¿Chuqui miʼ mejlel i melob jiñi tatʌlob?
13, 14. a) ¿Chucoch tsaʼ majliyob ti jumpʼejl congregación baqui mach mero i tʼañobic juntiquil tatʌl yicʼot ñaʼʌl? b) ¿Chuqui tsiʼ mele jiñi tatʌlob chaʼan chʌn pʼʌtʌl miʼ yajñelob ti Jehová?
13 Jiñi tatʌlob xñoptʼañoʼ bʌ yom miʼ ñaxan acʼob ti ñuc chuqui yomob i yalobil, mach i bajñel wenlelobic (1 Corintios 10:24). Samuel, i tat Joshua yicʼot Esther, miʼ yʌl chaʼan tsiʼ qʼuele yicʼot i yijñam baqui bʌ tʼan miʼ coltan i yalobilob chaʼan miʼ cʼotelob tiʼ pusicʼal jiñi i sujmlel. Cheʼ jaʼel, tsiʼ cʼajtiyob i ñaʼtʌbal ti Jehová. Pero i jacʼbal jiñi oración mach wen cheʼic bajcheʼ tsiʼ lon ñaʼtayob. Samuel miʼ yʌl tiʼ tojlel i yalobilob: «Cheʼ bʌ tsaʼ lon j qʼuele chaʼan maʼañic woliʼ wen coltañob jiñi tempa bʌ tac ti lon c tʼan, tsaʼ j qʼuextan lon c bʌ ti congregación. Juntemel mi cajñel lon ti tempa bʌ tac yicʼot mic loqʼuel lon ti subtʼan. Cheʼ jaʼel, mi lon c pʌy ti cʼux waj jiñi hermanojob i mic majlel lon ti xʌmbal. Cheʼ bajcheʼ ili, jiñi lon calobilob tsiʼ ñumen cʌñʌ jiñi hermanojob yicʼot tsiʼ qʼueleyob Jehová bajcheʼ i Tat yicʼot i Yamigo. Jiñʌch ñumen ñuc bʌ i cʼʌjñibal tsaʼ lon j qʼuele i mach jiñic chaʼan miʼ cʌñob jiñi lon c tʼan».
14 Samuel miʼ yʌl chaʼan mucʼʌch i yajñel ti tempa bʌ yicʼot i yijñam ti jiñi tʼan yujiloʼ bʌ chaʼan chʌn pʼʌtʌl miʼ yajñelob ti Jehová. Miʼ yʌl: «Cabʌl chuqui yom mi lon c mel yicʼot mic boʼoyel lon. Pero Jehová tsiʼ yʌqʼueyon lon i bendición chaʼan tiʼ pejtelel melbil bʌ lon c chaʼan, i mi cʌqʼuen lojon wocolix i yʌlʌ. Tiʼ yuxticlelob j calobil woliʼ melbeñob i yeʼtel Jehová tiʼ pejtelel ora».
CHUQUI MIʼ MEJLEL I MEL JIÑI XCOLELOB
15. ¿Chucoch tsiʼ ñaʼta juntiquil hermana chaʼan mi tsaʼ majli ti jumpʼejl congregación ti jiñi tʼan tsaʼ bʌ i cʌñʌ miʼ ñumen mejlel i melben i yeʼtel Jehová?
15 Cheʼ miʼ colelob jiñi alobob, tajol miʼ qʼuelob chaʼan miʼ mejlel i ñumen melbeñob i yeʼtel Jehová ti jumpʼejl congregación ti jiñi tʼan muʼ bʌ i ñumen chʼʌmbeñob Hechos 2:11, 41). Cheʼ bʌ Kristina tsiʼ taja 18 i jabilel, tiʼ sube i tat i ñaʼ chaʼan yom i qʼuextan i bʌ ti jumpʼejl congregación ti jiñi tʼan tsaʼ bʌ i cʌñʌ. Miʼ yʌl: «Cheʼ tsaʼ j cʌñʌ i chaʼan bʌ Jehová ti jiñi tʼan tsiʼ ñijcayon c melben i yeʼtel». Maʼañic tsaʼ ñumi cabʌl ora cheʼ bʌ Kristina tsaʼ ochi bajcheʼ precursora regular, i wen tijicña miʼ yubin.
isujm. Mi cheʼ bajcheʼ jiñi, jiñi tatʌlob mach yomic miʼ ñaʼtañob chaʼan jiñi i yalobilob maʼañix miʼ cʼuxbiñob. Juntiquil hermana i cʼabaʼ Kristina miʼ yʌl: «Wocol miʼ cubin chaʼan mic chʼʌmben isujm muʼ bʌ i yʌjlel ti tempa bʌ anquese tsʼitaʼ cujilʌch jiñi i tʼan c tatob. Cheʼ an jaxto 12 c jabilel, tsajñiyon ti jumpʼejl colem tempa bʌ ti jiñi tʼan tsaʼ bʌ j cʌñʌ ti escuela. Lajal bajcheʼ cojax to tsaʼ cubi jiñi i sujmlel. Cheʼ jaʼel, tsaʼ caji c mel oración ti jiñi tʼan. ¡Tsaʼ cubi chaʼan loqʼuemʌch tic pusicʼal tiʼ pejtelel woli bʌ c suben Jehová!» (16. ¿Chucoch tijicña miʼ yubin Nadia cheʼ maʼañic tsiʼ qʼuexta i bʌ ti congregación?
16 Mi xcolelet, ¿muʼ baʼ mulan majlel ti jumpʼejl congregación baʼ miʼ cʼʌjñel jiñi tʼan baʼ chumulet? Mi cheʼʌchi, cʼajtiben a bʌ chucoch. ¿Chaʼan ba mi caj i coltañet a ñumen lʌcʼtesan a bʌ yicʼot Jehová? (Santiago 4:8). ¿O chaʼan jach mach a womic chaʼan jiñi a tatob miʼ qʼuelob chuqui maʼ mel o mach a womic a chaʼlen wersa ti jiñi congregación? Qʼuele tsaʼ bʌ i yʌlʌ Nadia, am bʌ ti Betel ili ora: «Cheʼ xcolelon to lon, jiñi c chichob, queran yicʼot joñon, tsaʼ c ñaʼta lon majlel ti yambʌ congregación baʼ miʼ cʼʌñob jiñi tʼan baʼ chumulon». Pero jiñi i tatob yujilob chaʼan maʼañic mi caj i yʌqʼueñob i wenlel ti chaʼan bʌ Jehová mi tsaʼ majliyob ti yambʌ congregación. Nadia miʼ yʌl: «Wʌleʼli mi cʌqʼuen lojon wocolix i yʌlʌ jiñi lon c tat come tsiʼ chaʼleyob wersa i pʌsbeñon lojon jiñi i tʼan yicʼot chaʼan maʼañic mij qʼuextan lon c bʌ ti congregación. Jiñi tsiʼ yʌqʼueyon lon cabʌl lon c wenlel i tsaʼ mejli c ñumen coltan lon yambʌ quixtañujob chaʼan miʼ cʌñob Jehová».
¿BAJCHEʼ MIʼ MEJLELOB TI COLTAYA JIÑI YAMBΛ HERMANOJOB?
17. a) ¿Majqui tsiʼ yʌqʼueyob tiʼ wenta Jehová chaʼan miʼ cʌntesan jiñi alobob? b) ¿Chuqui miʼ mejlel i mel jiñi tatʌlob mi yomob i coltʌntel chaʼan miʼ cʌntesañob i yalobil?
17 Jehová tsiʼ yʌqʼueyob tiʼ wenta jiñi tatʌlob chaʼan miʼ pʌsben i sujmlel i yalobilob. Mach jiñic tsiʼ cʌybeyob tiʼ wenta jiñi tatuchʌlob o yambʌ quixtañujob (pejcan Proverbios 1:8 yicʼot 31:10, 27, 28). Pero chaʼan miʼ mejlel i coltañob i yalobil, tajol mucʼʌch i sʌclañob i coltʌntel ti yambʌ hermanojob cheʼ mach yujilobic jiñi yambʌ tʼan. Pero cheʼ bʌ miʼ melob, mach chaʼañic mach yomobic i cʌntesan i yalobilob. Mucʼ jach i cʼajtiñob i coltʌntel chaʼan miʼ chʌn cʌntesañob i yalobilob tiʼ chaʼan bʌ Jehová (Efesios 6:4). Jumpʼejl ejemplo, miʼ mejlel i cʼajtibeñob jiñi ancianojob chuqui miʼ mejlelob i mel tiʼ chʼujutesaya ti familia. Miʼ mejlel i cʼajtibeñob jaʼel chaʼan miʼ coltañob i sʌclan wem bʌ i yamigojob jiñi i yalobilob.
Jiñi tatʌlob yicʼot i yalobilob miʼ tajob i wenlel cheʼ añob yicʼot yambʌ hermanojob. (Qʼuele jiñi párrafo 18 yicʼot 19).
18, 19. a) ¿Bajcheʼ miʼ mejlel i coltañob xcolelob jiñi yambʌ hermanojob? b) ¿Chuqui yom miʼ chʌn melob jiñi tatʌlob?
18 Chaʼan jiñi tatʌlob miʼ coltañob i yalobil, miʼ mejlel i pʌyob yambʌ hermanojob cheʼ miʼ melob jiñi i chʼujutesaya ti familia. Cabʌl xcolelob miʼ cʌñob chuqui wen cheʼ miʼ chaʼleñob subtʼan o cheʼ an chuqui temel miʼ melob yicʼot yambʌ hermanojob (Proverbios 27:17). Shan, tsaʼ bʌ la cʌlʌ tiʼ tejchibal, miʼ yʌl: «Cʼajalto c chaʼan cheʼ bʌ jiñi hermanojob maʼañic tsiʼ bajñel cʌyʌyoñob. Tiʼ pejtelel ora tsiʼ coltayoñob c chajpan jiñi c discurso, i cabʌlʌch chuqui tsaʼ cʌñʌ tiʼ tojlelob. Mic wen mulan cheʼ mic tem ñusan lon c bʌ».
19 Pero jiñi hermanojob mucʼoʼ bʌ ti coltaya yom miʼ chʌn subeñob jiñi alobob chaʼan yomʌch miʼ qʼuelob ti ñuc jiñi i tatob. ¿Bajcheʼ? Cheʼ wen chuqui miʼ yʌlob tiʼ tojlelob yicʼot miʼ qʼuelob ti ñuc chaʼan jiñi tatʌlob añobʌch tiʼ wenta chaʼan miʼ cʌntesañob i yalobil. Cheʼ jaʼel, yom tsajilob chaʼan maʼañic miʼ melob mach bʌ weñic miʼ ñaʼtʌntel o mach bʌ utsʼatic ti qʼuelol (1 Pedro 2:12). Anquese jiñi tatʌlob miʼ mejlel i cʼajtiñob i coltʌntel, jiñʌch chʌn añob tiʼ wenta chaʼan miʼ cʌntesañob jiñi i yalobilob tiʼ sujmlel. Yom miʼ qʼuelob bajcheʼ jiñi yambʌ hermanojob woliʼ coltʌbeñob i familia.
20. ¿Bajcheʼ miʼ mejlel i coltañob i yalobil jiñi tatʌlob chaʼan miʼ sujtelob ti xʼeʼtel i chaʼan bʌ Jehová?
20 Tatʌlob, cʼajtibenla i coltaya Jehová yicʼot chʌn chaʼlenla wersa (pejcan 2 Crónicas 15:7). Acʼʌla ti ñuc laʼ walobilob chaʼan bajcheʼ añob yicʼot Jehová i mach jiñic chuqui bajñel laʼ wom. Chaʼlenla wersa chaʼan miʼ cʼotel tiʼ pusicʼal laʼ walobilob jiñi i Tʼan Dios. Yom mi laʼ ñop chaʼan mucʼʌch caj i sujtelob ti xʼeʼtel i chaʼan Jehová. Cheʼ bʌ miʼ melob cheʼ bajcheʼ miʼ yʌl jiñi Biblia yicʼot miʼ tsajcañob laʼ melbal, cheʼ mi caj laʼ wubin laʼ bʌ bajcheʼ jiñi apóstol Juan. Cheʼ bʌ woliʼ taj ti tʼan jiñi hermanojob, tsiʼ yʌlʌ: «Cheʼ mi cubin woliyob ti xʌmbal tiʼ sujmlel jini calobilob, wen tijicñayon. Maʼanic chuqui miʼ ñumen tijicñesañon» (3 Juan 4).
^ parr. 7 Qʼuele jiñi temaj «Maʼ mejlel a cʌn yambʌ tʼan», yaʼ ti ¡Despertad! i chaʼan marzo, 2007, i yopol 10 cʼʌlʌl ti 12.