Mach la cʌcʼ ti lajmel laj cʼuxbiya
«Cabʌl miʼ caj ti pʼojlel jontolil. Jini chaʼan miʼ caj ti lajmel i cʼuxbiya cabʌlob» (MATEO 24:12).
CʼAY: 60, 135
1, 2. a) ¿Majqui tiʼ tojlelob tsaʼ ñaxan tsʼʌctiyi jiñi tʼan am bʌ ti Mateo 24:12? b) ¿Bajcheʼ miʼ pʌs jiñi libro chaʼan Hechos chaʼan cabʌl xñoptʼañob tsaʼʌch i pʼʌtʼesayob i cʼuxbiya ti Dios? (Qʼuele jiñi dibujo).
CHEʼ bʌ Jesús wʌʼto an ti Pañimil, tsiʼ wʌn alʌ chuqui mi caj i yujtel cheʼ «tiʼ jilibal pañimil». Jumpʼejl ejemplo, tsiʼ yʌlʌ chaʼan «miʼ caj ti lajmel i cʼuxbiya cabʌlob» (Mateo 24:3, 12) (qʼuele jiñi recuadro «¿Chuqui yom i yʌl?»). Ili tsaʼʌch ñaxan tsʼʌctiyi tiʼ tojlel jiñi judíojob cheʼ ti ñaxam bʌ siglo. Anquese yujilob chaʼan jiñobʌch i tejclum Dios, tsiʼ yʌcʼʌyob ti cʼunʼan i cʼuxbiya tiʼ tojlel.
2 Pero yonlel xñoptʼañob ti jiñi bʌ ora mach cheʼic tsiʼ meleyob. «Tsiʼ chʌn subuyob i tʼan Jesucristo» yicʼotob i chʼejlel i tsiʼ pʌsʌyob i cʼuxbiya ti Dios, tiʼ yermañojob yicʼot ti jiñi maxto bʌ i cʌñʌyobic i sujmlel. Tsaʼʌch i chʌn pʼʌtʼesayob i cʼuxbiya ti Dios (Hechos 2:44-47; 5:42). Pero an xñoptʼañob tsaʼ bʌ i yʌcʼʌyob ti cʼunʼan i cʼuxbiya. ¿Bajcheʼ la cujil?
3. ¿Chuqui tsaʼ mejli i yʌcʼ ti cʼunʼan i cʼuxbiyajob ti Dios jiñi xñoptʼañob?
3 Jesús tiʼ sube jiñi xñoptʼañob chʼoyoloʼ bʌ ti Éfeso chaʼan Apocalipsis 2:4). Tajol tsaʼ caji i melob bajcheʼ jiñi yambʌ wiñicob xʼixicob (quixtañujob) mucʼ jach bʌ i bajñel ñaʼtañob i bʌ (Efesios 2:2, 3). Éfeso jumpʼejlʌch tejclum baqui cabʌl chuqui an, i jiñi quixtañujob chʼoyoloʼ bʌ yaʼi cojach tsiʼ qʼuelob ti ñuc cheʼ wen miʼ chumtʌlob yicʼot jiñi chubʌʼañʌl tac. Cheʼ jaʼel, cabʌl tsaʼ bʌ i chaʼleñob tsʼiʼlel i maʼañic tsiʼ qʼueleyob ti ñuc i mandar tac Dios. Tsiʼ ñumen qʼueleyob ti ñuc cheʼ wen utsʼat chumulob i mach jiñic cheʼ miʼ cʼuxbiñob Dios o jiñi yambʌlob.
mach chʌn pʼʌtʌlobix i cʼuxbiya ti Dios bajcheʼ ti ñaxan (4. a) ¿Chucoch woliʼ cʼunʼan majlel jiñi cʼuxbiya ili ora? b) ¿Chuqui mi caj laj qʼuel ti ili temaj?
4 Cheʼ bajcheʼ tsiʼ yʌlʌ Jesús, ili ora wolʌch i jilel majlel jaʼel jiñi cʼuxbiya. Jiñi quixtañujob maʼañix miʼ wen cʼuxbiñob Dios. Cabʌl miʼ sʌclañob i coltʌntel ti jiñi organización tac am bʌ ila ti pañimil (mulawil) chaʼan miʼ tojʼesañob jiñi wocol, i mach yaʼic ti Dios. Jin chaʼan miʼ cʼunʼañob i cʼuxbiya. Jiñi cʼuxbiya am bʌ i chaʼañob mucʼʌch i mejlel ti cʼunʼan jaʼel, cheʼ bajcheʼ tsaʼ ujti tiʼ tojlelob jiñi xñoptʼañob ti Éfeso. Jin chaʼan, laʼ laj qʼuel bajcheʼ miʼ mejlel lac mel chaʼan chʌn pʼʌtʌl miʼ yajñel laj cʼuxbiya ti Jehová, tiʼ sujmlel am bʌ ti Biblia yicʼot tiʼ tojlel jiñi hermanojob.
LAJ CʼUXBIYA TI JEHOVÁ
5. ¿Chucoch yom mi laj cʼuxbin Dios?
5 ¿Majqui jiñi yom bʌ mi lac ñumen cʼuxbin? Jesús tsiʼ yʌlʌ: «Cʼuxbin a Yum Dios tiʼ pejtelel a pusicʼal, tiʼ pejtelel a chʼujlel [«cuxtʌlel», TNM], tiʼ pejtelel a ñaʼtʌbal. Jiñʌch jini ñaxan bʌ mandar, jini cʼax ñuc bʌ» (Mateo 22:37, 38). Jiñi laj cʼuxbiya ti Jehová miʼ coltañonla chaʼan mi lac chʼujbiben i mandar tac, chaʼan mi laj cuch wocol tac yicʼot mi lac tsʼaʼlen jontolil (pejcan Salmo 97:10). Pero Satanás yicʼot i pañimil miʼ ñop i cʼunʼesan yicʼot i jisan laj cʼuxbiya ti Dios.
6. ¿Chuqui miʼ yujtel tiʼ tojlel jiñi quixtañujob cheʼ bʌ miʼ cʌyob i cʼuxbin Dios?
6 Jiñi quixtañujob mach weñic bajcheʼ miʼ ñaʼtañob chaʼan jiñi yom bʌ miʼ cʼuxbintel. Cabʌlob muʼ bʌ ‹i bajñel cʼuxbiñob i bʌ› i mach jiñic miʼ cʼuxbiñob Dios (2 Timoteo 3:2). Cojach miʼ sʌclañob chuqui yomob tiʼ pusicʼal, muʼ bʌ i qʼuelob tiʼ wut yicʼot i chanʼesʌntelob i bʌ (1 Juan 2:16). Jiñi apóstol Pablo tsiʼ yʌlʌ chuqui miʼ mejlel ti ujtel mi cojach mi lac sʌclan chuqui bajñel la com. Tsiʼ yʌlʌ: «Cheʼ mi la cʌcʼ lac pensar ti lac bʌcʼtal yom i yʌl chʌmel». ¿Chucoch? Come majqui jach miʼ bajñel sʌclan i wenlel miʼ sujtel tiʼ contra Dios (Romanos 8:6, 7, TNM). Jiñi muʼ bʌ i yʌcʼob i bʌ chaʼan cojach yomob i taj taqʼuin o i melob tsʼiʼlel maʼañic miʼ tajob i tijicñʌyel (1 Corintios 6:18; 1 Timoteo 6:9, 10).
7. ¿Bajcheʼ yilal bʌ i ñaʼtʌbal o i melbal quixtañujob miʼ mejlel i yotsañonla ti wocol?
7 Jiñi maʼañic bʌ miʼ ñopob Dios, maʼañic bʌ miʼ yʌlob mi an o maʼañic Dios yicʼot muʼ bʌ i ñopob jiñi evolución, miʼ suben yambʌ quixtañujob chaʼan miʼ cʌyob i cʼuxbin Dios o chaʼan maʼañic Dios. Miʼ yʌcʼob ti ñaʼtʌntel chaʼan cojach jiñi maʼañic bʌ i ñaʼtʌbal o mach bʌ tsajñic ti escuela miʼ ñop chaʼan añʌch juntiquil tsaʼ bʌ i meleyonla (pʌtʌyonla). Cheʼ jaʼel, cabʌl quixtañu miʼ ñumen qʼuelob ti ñuc jiñi científicojob, i mach jiñic Jehová, jiñi tsaʼ bʌ i luʼ mele chuqui an (Romanos 1:25). Mi tsaʼ caji lac ñop jiñi, mach utsʼatix mi caj la cajñel yicʼot Jehová i mi caj i cʼunʼan jiñi laj cʼuxbiya tiʼ tojlel (Hebreos 3:12).
8. a) ¿Chucoch miʼ mejlelob ti cʼunʼan jiñi i wiñicob Jehová? b) ¿Bajcheʼ miʼ tijicñesan lac pusicʼal jiñi Salmo 136?
1 Juan 5:19). Pero mi tsaʼ laj cʌcʼʌ chaʼan miʼ cʼunʼesañonla, jiñi lac ñopoñel (chʼujbiya) ti Dios yicʼot laj cʼuxbiya tiʼ tojlel, miʼ mejlel ti jilel. Tajol añonla ti wocol tiʼ caj maʼañic lac taqʼuin, chaʼan cʼamʌjel o ñoxlel. O tajol mi la cubin lac chʼijiyemlel cheʼ an chuqui mach wen utsʼatic miʼ mejlel lac mel bajcheʼ la com. O tajol mi lac taj lac chʼijiyemlel chaʼan mach utsʼatic tsaʼ loqʼui chuqui lon ñaʼtʌbil lac chaʼan. Mach yʌlʌyic baqui bʌ lac wocol, mach yomic mi lac ñaʼtan chaʼan cʌybilix i chaʼañonla Jehová. Laʼ laj cʼajtesan muʼ bʌ i yʌl Salmo 136:23. Yaʼi miʼ yʌl tiʼ tojlel Jehová: «Tsiʼ ñaʼtayonla cheʼ juʼsʌbilix lac pusicʼal, come tiʼ pejtelel ora an i yutslel i pusicʼal». Miʼ mejlel lac ñop chaʼan Jehová mucʼʌch i ñʌchʼtañonla yicʼot mi caj i jacʼbeñonla cheʼ bʌ mi laj cʼajtiben i coltaya (Salmo 116:1; 136:24-26).
8 Añʌch i tajol mi la cubin lac chʼijiyemlel come ili pañimil an tiʼ cʼʌb Satanás (9. ¿Chuqui tsiʼ colta Pablo chaʼan chʌn pʼʌtʌl miʼ yajñel i cʼuxbiya ti Dios?
9 Jiñi apóstol Pablo tsiʼ wen taja i pʼʌtʌlel cheʼ bʌ ti bele ora tsiʼ ñaʼta bajcheʼ coltʌbil i chaʼan Jehová. Tiʼ tsʼijbu: «Lac Yum jiñʌch caj Coltaya. Maʼanic mi caj c bʌcʼñan chuqui miʼ tumbeñon winicob» (Hebreos 13:6). Pablo tsiʼ wen ñopo Jehová, jin chaʼan tsaʼ mejli i lʌtʼ cabʌl wocol, anquese tsʌts tac jiñi tsaʼ bʌ i ñusa. Cheʼ bʌ tsaʼ otsʌnti ti cárcel, Pablo tiʼ tsʼijbu carta tac tsaʼ bʌ i pʼʌtʼesa jiñi hermanojob (Efesios 4:1; Filipenses 1:7; Filemón 1). Tsiʼ chʌn cʼuxbi Jehová anquese tsiʼ ñusa cabʌl wocol. Tsiʼ ñopo jiñi Dios muʼ bʌ i «ñuqʼuesan lac pusicʼal tiʼ pejtelel lac wocol» (2 Corintios 1:3, 4). ¿Bajcheʼ miʼ mejlel lac tsajcʌben i melbal?
Laʼ lac pʌs laj cʼuxbiya tiʼ tojlel Jehová. (Qʼuele jiñi párrafo 10).
10. ¿Chuqui miʼ mejlel lac mel chaʼan chʌn pʼʌtʌl laj cʼuxbiya ti Jehová?
10 Pablo tsiʼ yʌlʌ junchajp muʼ bʌ i mejlel lac mel chaʼan chʌn pʼʌtʌl miʼ 1 Tesalonicenses 5:17; Romanos 12:12). ¿Chucoch miʼ pʼʌtʼesan bajcheʼ añonla la quicʼot Dios jiñi oración? Come cheʼ bʌ mi lac mel, jiñʌch Jehová woli (choncol) bʌ lac pejcan (Salmo 86:3). Cheʼ bʌ mi lac suben Jehová tiʼ pejtelel muʼ bʌ lac ñaʼtan yicʼot bajcheʼ yubil mi la cubin, mi lac ñumen lʌcʼtesan lac bʌ tiʼ tojlel (Salmo 65:2). Cheʼ jaʼel, miʼ ñumen pʼʌtʼan jiñi laj cʼuxbiya tiʼ tojlel cheʼ mi laj qʼuel bajcheʼ miʼ jacʼbeñonla la coración. Wen tsiquil mi laj qʼuel chaʼan «lʌcʼʌl an lac Yum tiʼ tojlel pejtel muʼ bʌ i pejcañob» (Salmo 145:18). Cheʼ mi lac ñop chaʼan Jehová mucʼʌch i cʼuxbiñonla yicʼot miʼ coltañonla, mi caj i mejlel lac lʌtʼ jiñi wocol tac ti ili ora yicʼot ti talto bʌ qʼuin.
yajñel laj cʼuxbiya ti Dios. Tsiʼ yʌlʌ: «Chʌn chaʼlenla oración». Ti wiʼil tsiʼ chaʼ tsʼijbu: «Pejcanla Dios tiʼ pejtelel ora» (LAJ CʼUXBIYA CHAʼAN I SUJMLEL AM BΛ TI BIBLIA
11, 12. ¿Chuqui miʼ mejlel lac mel chaʼan mi lac ñumen cʼuxbin jiñi i sujmlel am bʌ ti Biblia?
11 Jiñi xñoptʼañonbʌla mi laj cʼuxbin jiñi i sujmlel muʼ bʌ lac taj tiʼ Tʼan Dios. Jesús tiʼ sube i Tat: «Isujmʌch jini a tʼan» (Juan 17:17). Yom la cujil chuqui miʼ pʌs jiñi Biblia chaʼan miʼ mejlel laj cʼuxbin (Colosenses 1:10). Pero añʌch yambʌ chuqui yom mi lac mel. Tsaʼ bʌ i tsʼijbu jiñi Salmo 119 miʼ coltañonla lac ñaʼtan chuqui to yom mi lac mel (pejcan Salmo 119:97-100). Ti jujumpʼejl qʼuin yom mi lac wen ñaʼtan muʼ bʌ i yʌl jiñi Biblia. Cheʼ mucʼʌch lac wen ñaʼtan bajcheʼ miʼ coltañonla cheʼ mi lac chumtan jiñi i sujmlel am bʌ ti Biblia, mi caj lac ñumen cʼuxbin.
12 Jiñi tsaʼ bʌ i tsʼijbu jiñi Salmo 119, tsiʼ yʌlʌ: «Tsajatax mi cubin a tʼan. Ñumen tsaj bajcheʼ chab» (Salmo 119:103). Jiñi jun tac muʼ bʌ i mel i yorganización Jehová lajal bajcheʼ wen sumuc bʌ bʌlñʌcʼʌl. Cheʼ bʌ mi lac wen mulan jiñi woli (yʌquel) bʌ laj cʼux, jal mi lac wen sumuctesan. Cheʼʌch yom mi lac mel jaʼel cheʼ bʌ mi lac pejcan lac Biblia o lac jun tac. Cheʼ bajcheʼ jiñi, mi caj lac mulan jiñi utsʼatax bʌ i sujmlel yicʼot mi caj laj cʼajtesan muʼ bʌ lac pejcan, i mi caj laj cʼʌn laj coltan yambʌlob (Eclesiastés 12:10).
13. ¿Chuqui tsiʼ colta Jeremías chaʼan miʼ cʼotel i cʼuxbin woli bʌ i cʌn ti Dios, i chuqui tsiʼ mele?
13 Jiñi xʼaltʼan Jeremías tsiʼ cʼuxbi jiñi tsaʼ bʌ i cʌñʌ tiʼ tojlel Jehová. Tsiʼ yʌlʌ: «Tsaʼ c taja a tʼan. Tsaʼ cotsa tic pusicʼal. Tijicñayon chaʼan a tʼan. Tsaʼ ñucʼa c pusicʼal, come a chaʼañon, c Yum, c tatet, I Dioset Panchan yicʼot Pañimil» (Jeremías 15:16). Jeremías tsiʼ wen cʼuxbi yicʼot tsiʼ wen ñaʼta jiñi ñuc tac bʌ i tʼan Dios. Jin chaʼan, tsiʼ wen qʼuele ti ñuc jiñi eʼtel (troñel) tsaʼ bʌ aqʼuenti yicʼot i subol i tʼan Jehová. Mi mucʼʌch laj cʼuxbin jiñi i sujmlel am bʌ ti Biblia, mi caj laj qʼuel ti ñuc jaʼel cheʼ i testigojonla Jehová yicʼot cheʼ mi lac sub jiñi wen tʼan ti ili cojix bʌ qʼuin.
Laʼ lac pʌs laj cʼuxbiya ti jiñi i sujmlel am bʌ ti Biblia. (Qʼuele jiñi párrafo 14).
14. ¿Chuqui yambʌ miʼ mejlel lac mel chaʼan mi lac pʼʌtʼesan laj cʼuxbiya tiʼ sujmlel am bʌ ti Biblia?
14 ¿Chuqui yambʌ yom mi lac mel chaʼan mi lac ñumen pʼʌtʼesan laj cʼuxbiya tiʼ sujmlel am bʌ ti Biblia? Ti bele ora yom mi lac majlel ti tempa bʌ tac ti congregación come jiñʌch muʼ bʌ i cʼʌn Jehová chaʼan miʼ cʌntesañonla. Junchajp ñuc bʌ bajcheʼ miʼ cʌntesañonla Jehová jiñʌch cheʼ ti jujumpʼejl semana miʼ tsajintel jiñi Biblia tiʼ coltaya jiñi revista Lac Tsictesʌbentel. Mi la com lac taj lac wenlel ti ili tempa bʌ, yom mi lac wen chajpan lac bʌ. Jumpʼejl ejemplo, miʼ mejlel lac luʼ pejcan jiñi texto tac muʼ bʌ i chʼʌm tilel. Ili ora, cabʌl hermanojob miʼ mejlel i pejcañob o i chaʼleñob ti descargar ili revista yaʼ tiʼ tableta o celular. Muqʼuix i mejlel lac taj ti cabʌl tʼan tac yaʼ ti www.pr418.com yicʼot ti jiñi aplicación JW Library. An formato tac baqui orajach miʼ mejlel lac sʌclan jiñi texto tac. Yomʌch mi lac wen pejcan jiñi texto tac yicʼot mi lac wen ñaʼtan, mach yʌlʌyic chuqui mi laj cʼʌn lac chajpan lac bʌ. Mi cheʼʌch mi lac mel, mi caj lac ñumen cʼuxbin jiñi i sujmlel am bʌ ti Biblia (pejcan Salmo 1:2).
LAJ CʼUXBIYA TIʼ TOJLEL JIÑI HERMANOJOB
15, 16. a) ¿Baqui bʌ i mandar Jesús mi lac taj yaʼ ti Juan 13:34, 35? b) ¿Chucoch jiñi cʼuxbiya muʼ bʌ la cubin tiʼ tojlel Jehová yicʼot jiñi Biblia miʼ taj i bʌ yicʼot jiñi cʼuxbiya tiʼ tojlel la quermañojob?
15 Ti jiñi cojix bʌ acʼʌlel cheʼ wʌʼan ti Pañimil Jesús, tiʼ sube jiñi xcʌntʼañob i chaʼan: «Mi cʌqʼueñetla tsijib mandar: Cʼuxbin laʼ bʌ. Cheʼ bajcheʼ tsaj cʼuxbiyetla, cheʼ yom mi laʼ cʼuxbin laʼ bʌ. Cheʼ jini, pejtelel winicob mi caj i ñaʼtañob xcʌntʼañetla c chaʼan cheʼ mi laʼ cʼuxbin laʼ bʌ» (Juan 13:34, 35).
16 Jiñi cʼuxbiya muʼ bʌ la cubin tiʼ tojlel la quermañojob miʼ taj i bʌ yicʼot jiñi cʼuxbiya muʼ bʌ la cubin tiʼ tojlel Jehová. Mi maʼañic mi laj cʼuxbin Dios, maʼañic miʼ mejlel laj cʼuxbin la quermañojob. I mi maʼañic mi laj cʼuxbiñob, maʼañic miʼ mejlel laj cʼuxbin Dios. Jiñi apóstol Juan tiʼ tsʼijbu: «Come mi mach cʼuxic miʼ yubin i yermano tsaʼ bʌ i qʼuele, ¿bajcheʼ miʼ mejlel i cʼuxbin Dios mach bʌ anic tsiʼ qʼuele?» (1 Juan 4:20). Cheʼ jaʼel, jiñi cʼuxbiya muʼ bʌ la cubin tiʼ tojlel Jehová yicʼot la quermañojob miʼ taj i bʌ yicʼot jiñi laj cʼuxbiya tiʼ Tʼan Dios. ¿Chucoch? Come mi mucʼʌch laj cʼuxbin muʼ bʌ laj cʌn yaʼ ti Biblia, mi caj lac jacʼ jiñi mandar chaʼan yom mi laj cʼuxbin Dios yicʼot la quermañojob (1 Pedro 1:22; 1 Juan 4:21).
Laʼ lac pʌs laj cʼuxbiya tiʼ tojlel la quermañojob. (Qʼuele jiñi párrafo 17).
17. ¿Bajcheʼ mi lac pʌs chaʼan mucʼʌch laj cʼuxbin la quermañojob?
1 Tesalonicenses 4:9, 10). ¿Bajcheʼ tac miʼ mejlel lac pʌsbeñob cʼuxbiya jiñi la quermañojob ti laj congregación? Tajol yom miʼ coltʌntel majlel ti tempa bʌ juntiquil añix bʌ i jabilel. O tajol yom miʼ tojʼesʌbentel i yotot juntiquil hermana i bajñel jax bʌ (Santiago 1:27). An hermanojob cʼuñoʼ bʌ miʼ yubiñob i bʌ, wen chʼijiyemoʼ bʌ o añoʼ bʌ yambʌ i wocol yom bʌ mi lac ñʌchʼtañob, mi lac pʼʌtʼesañob o mi lac tijicñesʌbeñob i pusicʼal (Proverbios 12:25; Colosenses 4:11). Ti lac tʼan yicʼot lac melbal miʼ mejlel lac pʌs chaʼan mucʼʌch laj cʼuxbiñob jiñi «chʌncol bʌ i chʼujbiñob Dios jeʼel» (Gálatas 6:10, Jini wem bʌ tʼan).
17 (Pejcan18. ¿Chuqui mi caj i coltañonla mi tsaʼ lac taja wocol yicʼot yambʌ la quermañojob?
18 Jiñi Biblia tsiʼ yʌlʌ chaʼan cheʼ «ti cojix bʌ qʼuin» cabʌl lac piʼʌlob cojach mi caj i bajñel ñaʼtañob i bʌ yicʼot i wen mulañob chuqui tac an (2 Timoteo 3:1, 2). Jin chaʼan, jiñi xñoptʼañonbʌla yom mi lac chaʼlen wersa lac ñumen cʼuxbin Jehová yicʼot i Tʼan, i mi lac chʌn cʼuxbin lac bʌ. An i tajol mi caj lac taj wocol yicʼot la quermañojob come xmulilonla. Pero jiñi laj cʼuxbiya mi caj i ñijcañonla chaʼan wen yicʼot ti orajach mi lac tojʼesan jiñi wocol tac (Efesios 4:32; Colosenses 3:14). Mach lac wis cʌy chaʼan miʼ cʼunʼan jiñi laj cʼuxbiya. Yom bʌ mi lac mel jiñʌch cheʼ mi lac chʌn cʼuxbin Jehová, i Tʼan yicʼot jiñi hermanojob tiʼ pejtelel lac pusicʼal.