«¿Ñumen cʼux ba maʼ wubiñon bajcheʼ jini?»
«Simón, i yalobilet bʌ Juan, ¿ñumen cʼux ba maʼ wubiñon bajcheʼ jini?» (JUAN 21:15).
CʼAY: 128, 45
1, 2. ¿Chuqui tsiʼ cʌñʌ Pedro cheʼ bʌ tsaʼix i ñusa jumpʼejl acʼʌlel ti chuc chʌy?
JIÑI 7 xcʌntʼañob i chaʼan Jesús jumpʼejl acʼʌlel tsiʼ chaʼleyob chuc chʌy yaʼ ti mar i chaʼan Galilea, pero mi juncojtic tsiʼ tajayob. Cheʼ ti sʌcʼajel, an juntiquil yaʼ tiʼ tiʼ jaʼ woli (choncol) bʌ ti ñajti qʼueloñel. Jiñʌch Jesús cheʼ bʌ chaʼ chʼojyemix. «Jesús tsiʼ subeyob: Chocola ochel laʼ chim ti laʼ ñoj tiʼ tsʼejtʌlel barco. Yaʼi mi caj laʼ taj, cheʼen. Ti ora tsiʼ chocoyob ochel. Maʼanic tsaʼ mejli i chaʼ chucob loqʼuel, come wen cabʌl jini chʌy» (Juan 21:1-6).
2 Jesús tsiʼ yʌqʼueyob caxlan waj yicʼot i cʼux chʌy jiñi xcʌntʼañob i chaʼan. Cheʼ jiñi, «Jesús tsiʼ sube Simón Pedro: Simón, i yalobilet bʌ Juan, ¿ñumen cʼux ba maʼ wubiñon bajcheʼ jini?». Jesús yujil chaʼan Pedro miʼ wen mulan jiñi chuc chʌy. Jin chaʼan, woli (yʌquel) bʌ i cʼajtibentel Pedro jin mi mucʼʌch i ñumen cʼuxbin Jesús yicʼot i cʌntesa, o mi jin i yeʼtel (troñel). Pedro tsiʼ jacʼʌ: «Ñumen cu, c Yum, a Juan 21:15). Pedro tsiʼ cʌñʌ junchajp wen ñuc bʌ i cʼʌjñibal: Chaʼan jiñʌch Cristo yom bʌ miʼ ñumen cʼuxbin. Ti jimbʌ ora, Pedro tsaʼ caji i pʌs chaʼan mucʼʌch i cʼuxbin Cristo come tsaʼ wen caji ti subtʼan. Cheʼ bajcheʼ jiñi, tsaʼ sujti ti ñuc bʌ xcoltaya yaʼ ti congregación.
wujil mij cʼuxbiñet» (3. ¿Chucoch yom mi laj cʌntan lac bʌ jiñi xñoptʼañonbʌla?
3 ¿Chuqui mi laj cʌn chaʼan tsaʼ bʌ i sube Pedro jiñi Jesús? Chaʼan yom tsajalonla yicʼot maʼañic mi la cʌcʼ ti cʼunʼan laj cʼuxbiya ti Cristo. Jesús yujil chaʼan wen wocol yicʼot cabʌl laj cʼojol ila ti pañimil (mulawil). Cheʼ bʌ tsiʼ taja ti tʼan chaʼan juntiquil xpacʼ, tsiʼ yʌlʌ chaʼan an wiñicob xʼixicob (quixtañujob) mucʼʌch bʌ caj i jacʼob yicʼot i tijicñʌyel jiñi «wen tʼan chaʼan i yumʌntel Dios». Pero tsiʼ yʌlʌ jaʼel chaʼan ti wiʼil jiñi wen tʼan mi caj i jilel tiʼ caj ‹i yeʼtelob ti pañimil, yicʼot i mulʌntel chubʌʼañʌl›, i mi caj i sʌtob i tijicñʌyel (Mateo 13:19-22; Marcos 4:19). Mi maʼañic mi laj cʌntan lac bʌ, jiñi laj cʼojol miʼ mejlel i ticʼlañonla tiʼ melbentel i yeʼtel Jehová. Jin chaʼan, Jesús tiʼ sube jiñi xcʌntʼañob i chaʼan: «Chʌcʌ qʼuele laʼ bʌ ame tsʌtsʼac laʼ pusicʼal chaʼan laʼ woʼlel yicʼot yʌcʼʌjel cheʼ mi laʼ cʼojoʼtan chuqui tac an ti pañimil» (Lucas 21:34).
4. ¿Chuqui mi caj i coltañonla laj qʼuel mi pʼʌtʌlʌch laj cʼuxbiya ti Cristo? (Qʼuele jiñi foto tac am bʌ tiʼ tejchibal).
4 Joñonla jaʼel mucʼʌch i mejlel lac pʌs chaʼan mi laj cʼuxbin Cristo cheʼ bʌ ñaxan mi la cʌcʼ ti laj cuxtʌlel jiñi subtʼan cheʼ bajcheʼ tsiʼ mele Pedro. ¿Bajcheʼ miʼ mejlel lac ñaʼtan mi cheʼʌch woli lac chʌn mel? Miʼ mejlel laj cʼajtiben lac bʌ: «¿Chuqui muʼ bʌ c ñumen qʼuel ti ñuc? ¿Chuqui miʼ wen aqʼueñon c tijicñʌyel? ¿Jimba cheʼ mic melben i yeʼtel Jehová?». Chaʼan mi lac jacʼ ili cʼajtiya tac, mi caj laj qʼuel uxchajp muʼ bʌ i mejlel i cʼunʼesan laj cʼuxbiya ti Cristo. Ili jiñʌch jiñi eʼtel, ñusaqʼuin yicʼot jiñi chubʌʼañʌl tac.
LAʼ LAJ QʼUEL CHEʼ BAJCHEʼ YOM QʼUELOL JIÑI EʼTEL
5. ¿Chuqui an tiʼ wenta i jol jiñi familia?
5 Pedro maʼañic tsiʼ chaʼle chuc chʌy chaʼan cheʼ jach miʼ mulan. Tsiʼ mele chaʼañʌch miʼ mʌcʼlan i familia. Ili ora, Jehová tsiʼ yʌqʼue tiʼ wenta i jol jiñi familia chaʼan miʼ mʌcʼlan i chaʼañoʼ bʌ, i cheʼʌch yom miʼ melob (1 Timoteo 5:8). Chaʼan miʼ mejlel i tsʼʌctesañob, yom miʼ chaʼleñob tsʌts bʌ troñel. Pero ti ili cojix bʌ qʼuin, jiñi troñel miʼ mejlel i wen acʼonla ti pensal.
6. ¿Chucoch an i tajol muqʼuix i yʌcʼ cʌlʌx pensal jiñi eʼtel?
6 Wʌle ora an cabʌl woli bʌ i sʌclañob i yeʼtel, pero tsʼitaʼ jach baqui yom xʼeʼtelob. Jin chaʼan, muqʼuix i cajatañob tac jiñi eʼtel. An cabʌl mucʼobix bʌ ti ñumen eʼtel anquese mach letsic miʼ tojtʌlob. An empresa tac tsʼitaʼ jax bʌ xyaj eʼtelob i chaʼan, i ñumen on miʼ yʌcʼob ti
eʼtel. Jin chaʼan, jiñi xʼeʼtelob mucʼobix ti wen pensal, miʼ lujbʼañob yicʼot muʼto i cʼamʼañob. Cabʌl muʼ bʌ i bʌcʼñañob i sʌt i yeʼtel mi maʼañic miʼ melob bajcheʼ miʼ cʼajtibentelob.Jiñi xñoptʼañonbʌla mi lac pʌs lac xucʼtʌlel ti Jehová, mach jiñic ti yambʌ quixtañujob
7, 8. a) ¿Majqui jiñi ñaxam bʌ yom mi lac pʌsben lac xucʼtʌlel? b) ¿Chuqui tsiʼ cʌñʌ juntiquil hermano chʼoyol bʌ ti Tailandia chaʼan jiñi eʼtel?
7 Jiñi xñoptʼañonbʌla mi lac pʌs lac xucʼtʌlel ti Jehová, mach jiñic ti lac yumob ti eʼtel o ti yambʌ quixtañujob (Lucas 10:27). Mi lac chaʼlen eʼtel chaʼan mi lac taj i cʼʌjñibal bʌ lac chaʼan i mi lac chʌn mejlel lac melben i yeʼtel Jehová. Pero mi maʼañic mi laj cʌntan lac bʌ, jiñi eʼtel miʼ mejlel i ticʼlañonla tiʼ melol i yeʼtel Dios. Laʼ laj qʼuel chuqui mi laj cʌn tiʼ tojlel juntiquil hermano chʼoyol bʌ ti Tailandia. Miʼ yʌl: «Mic tojʼesan computadora tac, wen utsʼatax bʌ eʼtel, pero cabʌl ora mic ñusan yaʼi. Jin chaʼan, maʼañic mic tajben i yorajlel tiʼ melol i chaʼan bʌ Jehová. Ti wiʼil tsaʼ j qʼuele chaʼan mi com cʌcʼ ti ñaxan jiñi i Yumʌntel Dios, yom mij qʼuextan queʼtel». ¿Chuqui tsiʼ mele jiñi hermano?
8 Tsiʼ yʌlʌ: «Cheʼ añix cheʼ bʌ jumpʼejl jab i cajel c chajpan yom bʌ mic mel, tsaʼ cajiyon ti chon nieve ti calle. Ti ñaxan, wen wocol tsaʼ cubi, i tsaʼ cubi c chʼijiyemlel. Cheʼ miʼ qʼueloñob jiñi c piʼʌloʼ bʌ ti eʼtel, miʼ wen tseʼtañoñob i miʼ cʼajtibeñoñob chucoch mi cʌl chaʼan ñumen wen jiñi chon nieve bajcheʼ i tojʼesʌntel computadora. Tsaʼ j cʼajtibe Jehová chaʼan miʼ coltañon c lʌtʼ yicʼot mic mejlel c ñumen aqʼuen i yorajlel chaʼan mic melben i yeʼtel. Mach jalic tsaʼ caji ti weñʼan bajcheʼ wolic ñusan. Tsaʼ caji c ñumen cʌn jiñi xmʌñoñelob c chaʼan, i ñumen sumuc tsaʼ caji c mel jiñi c nieve. Cheʼ jiñi, mach jalic mic luʼ chon bajcheʼ cʼamel mic mel ti jumpʼejl qʼuin. Tiʼ sujm, wʌleʼli ñumento mic taj taqʼuin bajcheʼ ti ñaxan. Ñumen tijicñayon come mach chʌn cabʌlix chuqui mij cʼojoʼtan bajcheʼ ti ñaxan. I jiñi ñumen ñuc bʌ i cʼʌjñibal jiñʌch cheʼ lʌcʼʌl añon mi cubin tiʼ tojlel Jehová» (pejcan Mateo 5:3, 6).
9. ¿Chuqui miʼ mejlel lac mel chaʼan pʼisbil jach bajcheʼ mi laj qʼuel jiñi eʼtel?
9 Jehová miʼ mulan cheʼ wen la cujil eʼtel, i weñʌch cheʼ choʼoñʌchla bajcheʼ jiñi (Proverbios 12:14). Pero mach jiñic ñumen ñuc yom mi laj qʼuel la queʼtel bajcheʼ i melbentel i yeʼtel Jehová. Cheʼ bʌ Jesús tsiʼ taja ti tʼan chuqui i cʼʌjñibal bʌ lac chaʼan, tsiʼ yʌlʌ: «Ñaxan sajcanla i yumʌntel Dios yicʼot i tojel. Cheʼ jini mi caj laʼ wʌqʼuentel pejtelel chuqui tac anto yom laʼ chaʼan» (Mateo 6:33). Jin chaʼan, ¿bajcheʼ miʼ mejlel lac ñaʼtan mi pʼisbil jach woli laj qʼuel la queʼtel? Miʼ mejlel laj cʼajtiben lac bʌ: «¿Muʼ ba c wen mulan jiñi queʼtel, pero tiʼ melol i yeʼtel Jehová maʼañic?». I jacʼbal muʼ bʌ la cʌqʼuen ili cʼajtiya mi caj i coltañonla laj qʼuel chuqui mi laj cʼuxbin tiʼ sujmlel.
10. ¿Chuqui jiñi ñuc bʌ tsiʼ pʌsbeyonla cʌytʌl Jesús?
10 Jesús tsiʼ pʌsbeyonla chuqui jiñi ñumen ñuc bʌ yom ti laj cuxtʌlel. Ti jumpʼejl bʌ qʼuin tsajñi tiʼ yotot María yicʼot Marta. Marta orajach tsaʼ caji i chajpan bʌlñʌcʼʌl, pero María tsaʼ buchle i ñʌchʼtan Jesús. Cheʼ jiñi, Marta tsaʼ majli i suben Jesús chaʼan María Lucas 10:38-42). Cheʼ bajcheʼ jiñi, an chuqui ñuc bʌ tsiʼ pʌsbeyonla cʌytʌl Jesús. ¿Chuquiyes? Chaʼan yom mi lac yajcan «jini wem bʌ» chaʼan maʼañic chuqui miʼ mʌctañonla tiʼ pʌsol chaʼan mi laj cʼuxbin Cristo. Ili yom i yʌl chaʼan tiʼ pejtelel ora jin yom mi laj qʼuel ti ñuc bajcheʼ añonla la quicʼot Jehová.
maʼañic woli ti coltaya. Pero Jesús tsiʼ sube: «María tsiʼ yajca jini wem bʌ. Maʼanic mi caj i chilbentel» (¿BAJCHEʼ YILAL MI LAJ QʼUEL JIÑI ÑUSAQʼUIN?
11. ¿Chuqui miʼ yʌl jiñi Biblia chaʼan jiñi ñusaqʼuin yicʼot cʼaj o?
11 Ti lac pejtelel an cabʌl la queʼtel. Pero yomʌch mi laj cʼaj laj co. Jiñi Biblia miʼ yʌl: «Yom mi lac chaʼlen weʼel yicʼot uchʼel. Yom miʼ ñucʼan lac pusicʼal ti la queʼtel. ¿Am ba yambʌ tijicña bʌ?» (Eclesiastés 2:24). Jesús yujil chaʼan jiñi xcʌntʼañob i chaʼan yomʌch miʼ cʼajob i yo. Jumpʼejl ejemplo, cheʼ bʌ añix cabʌl ora i cajelob ti subtʼan, tiʼ subeyob: «Conla ti lac bajñelil ti jochol bʌ lum chaʼan mi laj cʼaj la co tsʼitaʼ» (Marcos 6:31, 32).
12. ¿Chucoch yom mi laj cʌntan lac bʌ chaʼan jiñi ñusaqʼuin tac? Alʌ jumpʼejl ejemplo.
12 Jiñi ñusaqʼuin tac miʼ yʌqʼueñonla cʼaj o yicʼot miʼ tijicñesañonla. Pero yom tsajalonla chaʼan mach jiñic ñumen ñuc bʌ miʼ sujtel chaʼañonla. Ti ñaxam bʌ siglo, cabʌl cheʼ bʌ tsiʼ ñaʼtayob bajcheʼ miʼ yʌl ili versículo: «Laʼ lac chaʼlen weʼel uchʼel, come mach jalix mi caj lac chʌmel» (1 Corintios 15:32). Ili ora, cheʼʌch miʼ yujtel jaʼel. Jumpʼejl ejemplo, juntiquil xcolel chʼoyol bʌ ti Europa tsiʼ teche majlel ti tempa bʌ tac. Pero tsiʼ chaʼ cʌyʌ majlel come miʼ wen mulan jiñi ñusaqʼuin tac. Ti wiʼil, tsiʼ qʼuele chaʼan cheʼ yaʼ jach tsiʼ yʌcʼʌ i pusicʼal ti jiñi ñusaqʼuin tac tsiʼ yʌqʼue cabʌl wocol. Jin chaʼan, tsiʼ chaʼ teche estudio. Ti wiʼil, tsaʼ caji ti subtʼan. Cheʼ bʌ tsaʼix i chʼʌmʌ jaʼ tsiʼ yʌlʌ chaʼan cʼux miʼ yubin cheʼ tsaʼ jach i wen sʌtʌ qʼuin. Tsiʼ yʌlʌ chaʼan muʼ bʌ i wen aqʼuen i tijicñʌyel jiñʌch cheʼ miʼ melben i yeʼtel Jehová.
13. a) Alʌ jumpʼejl ejemplo chaʼan maʼ tsictesan chucoch mach yomic mi laj cʌlʌx aqʼuen i yorajlel jiñi ñusaqʼuin. b) ¿Chuqui miʼ coltañonla lac ñaʼtan miʼ pʼisbilʌch bajcheʼ woli la cʌqʼuen i yorajlel jiñi ñusaqʼuin?
13 Jiñi ñusaqʼuin miʼ tijicñesan lac bʌcʼtal yicʼot miʼ chaʼ aqʼueñonla lac pʼʌtʌlel. Pero ¿bajcheʼ cʼamel yom mi la cʌqʼuen i yorajlel? Jiñi muʼ bʌ caj laj cʌl mi caj i coltañonla lac ñaʼtan. Cabʌlonla mi lac mulan jiñi caxlan waj yicʼot dulce tac. Pero la cujil chaʼan ti wiʼil miʼ mejlel i cʼamʼesañonla cheʼ cʌlʌxix mi laj cʼux. Jin chaʼan, pʼʌtʌl mi caj la cajñel mi weñʌch jiñi i bʌl lac ñʌcʼ. Mi cabʌl ora mi laj cʼʌn ti jiñi ñusaqʼuin tac, miʼ mejlel i jem bajcheʼ añonla la quicʼot Jehová. ¿Chuqui miʼ coltañonla lac ñaʼtan mi pʼisbilʌch bajcheʼ woli la cʌqʼuen i yorajlel jiñi ñusaqʼuin? Ti jumpʼejl semana miʼ mejlel lac tsʼijbun jaypʼejl ora woli la cʌqʼuen ti chaʼan bʌ Jehová bajcheʼ jiñi tempa bʌ tac, jiñi subtʼan yicʼot i pejcʌntel jiñi Biblia. Ti wiʼil, miʼ mejlel lac tsʼijbun jaypʼejl ora mi la cʌqʼuen jaʼel jiñi alas tac, qʼuel televisión, jiñi videojuego o yan tac bʌ ñusaqʼuin. Cheʼ muqʼuic lac lajin, mi caj lac ñaʼtan mi an chuqui yom mi lac mel (pejcan Efesios 5:15, 16).
14. ¿Chuqui mi caj i coltañonla lac yajcan wem bʌ ñusaqʼuin?
14 Jehová miʼ yʌqʼueñonla lac yajcan * (qʼuele jiñi nota). Jiñi wem bʌ ñusaqʼuin chʼoyolʌch ti Dios (Eclesiastés 3:12, 13). Machʌch junlajalic bajcheʼ yilal bʌ ñusaqʼuin mi lac mulan (Gálatas 6:4, 5). Anquese mach junlajalic chuqui mi lac mulan, yom tsajilonla. Jesús tsiʼ yʌlʌ: «Baqui jach tempʌbil laʼ chubʌʼan, mi laʼ teñe acʼ ti laʼ pusicʼal» (Mateo 6:21). Mi mucʼʌch laj cʼuxbin Jesús, jiñi lac Rey, mi caj lac pʌs chaʼan ñumen ñuc miʼ laj qʼuel i Yumʌntel ti chuqui mi lac ñaʼtan, mi la cʌl o mi lac mel Dios (Filipenses 1:9, 10).
jiñi ñusaqʼuin la com bʌ. Jiñi añoʼ bʌ tiʼ wenta i familia miʼ mejlel i yajcañob jaʼel bajcheʼ yilal bʌ ñusaqʼuin mi caj i melob. An cabʌl principio tac yaʼ ti Biblia muʼ bʌ i pʌs chuqui miʼ ñaʼtan Jehová. Ili principio tac miʼ coltañonla lac yajcan chuqui wem bʌLAʼ LAC LOCʼSAN TI LAC PUSICʼAL I MULΛNTEL CHUBΛʼAÑΛL
15, 16. a) ¿Chucoch jumpʼejlʌch yac i mulʌntel chubʌʼañʌl tac? b) ¿Chuqui ti ticʼojel tsiʼ yʌcʼʌ Jesús chaʼan jiñi chubʌʼañʌl tac?
15 Ili ora, cabʌl quixtañu miʼ mulañob jiñi woli bʌ i tsijib loqʼuel tac bajcheʼ jiñi celular, computadora yicʼot yan tac bʌ. Yajlemob tiʼ mulʌntel chubʌʼañʌl tac, miʼ cʌlʌx acʼob ti ñuc i tajol taqʼuin yicʼot chubʌʼan tac. Jiñi xñoptʼañonbʌla yom mi laj qʼuel chuqui woli lac ñumen acʼ ti ñuc. Laʼ laj cʼajtiben lac bʌ: «¿Jimba mic ñumen aqʼuen i yorajlel chaʼan mic Lucas 12:15). ¿Chucoch tsiʼ yʌlʌ Jesús iliyi?
ñaʼtan jiñi tsijib tac bʌ carro woliʼ loqʼuel o jiñi wen tsijib tac to bʌ pisil, i mach jiñic cheʼ mic chajpan c bʌ chaʼan jiñi tempa bʌ? ¿Maʼañix ba mic wen aqʼuen i yorajlel jiñi oración yicʼot i pejcʌntel jiñi Biblia tiʼ caj jiñi queʼtel tac?». Mi mach tsajaloñicla, tajol mi caj lac ñumen cʼuxbin jiñi chubʌʼañʌl tac i mach jiñix Cristo. Yom mi lac wen ñaʼtan jiñi tsaʼ bʌ i yʌlʌ Jesús: «Maʼanic chuqui tac mi laʼ tsʌjyun» (Mach mejlic lac laja acʼ ti ñuc Jehová yicʼot chubʌʼañʌl
16 Jesús tsiʼ yʌlʌ: «Maʼanic xʼeʼtel muʼ bʌ mejlel i yuman chaʼtiquil yumʌl. Miʼ tsʼaʼlen juntiquil yumʌl, miʼ cʼuxbin yambʌ. Miʼ jacʼben i tʼan juntiquil, miʼ ñusʌben i tʼan yambʌ. Mach mejlic laʼ yuman Dios cheʼ woli laʼ yuman chubʌʼañʌl» (Mateo 6:24). Mach mejlic lac laja acʼ ti ñuc Jehová yicʼot chubʌʼañʌl. Come xmulilonla, yom mi lac chʌn chaʼlen wersa chaʼan mi lac choc loqʼuel chuqui «yom lac [...] bʌcʼtal», bajcheʼ jiñi i wen mulʌntel chubʌʼañʌl tac (Efesios 2:3).
17. a) ¿Chucoch an wocol bʌ miʼ yubiñob chaʼan pʼisbil jach bajcheʼ yom miʼ qʼuelob jiñi chubʌʼañʌl tac? b) ¿Chuqui mi caj i coltañonla chaʼan maʼañic mi lac yajlel tiʼ wen mulʌntel chubʌʼañʌl?
17 An cabʌl cojach bʌ miʼ wen acʼob i ñaʼtʌbal chaʼan miʼ tajob chuqui yomob i maʼañic miʼ mejlel i qʼuelob cheʼ bajcheʼ yom qʼuelol jiñi chubʌʼañʌl (pejcan 1 Corintios 2:14). Maʼañic miʼ mejlelob i cʌn chuqui wen yicʼot jiñi mach bʌ weñic come maʼañic miʼ wen ñaʼtañob (Hebreos 5:11-14). Tajol miʼ ñumen colelob majlel tiʼ pusicʼal chaʼan yomobʌch i taj chuqui tac miʼ mulañob. I cheʼ mucʼʌch i tajob, ñumen yomob to yambʌ (Eclesiastés 5:10). Pero mucʼʌch i mejlel lac locʼsan ti lac jol cheʼ bʌ bajcheʼ iliyi. ¿Bajcheʼ? Ti bele ora yom mi lac pejcan jiñi Biblia. Jiñʌch muʼ bʌ caj i yʌqʼueñonla lac pʼʌtʌlel chaʼan mi lac locʼsan ti lac tojlel (1 Pedro 2:2). Jesús maʼañic tsaʼ yajli tiʼ yac tac Satanás come tsiʼ yʌqʼue i yorajlel chaʼan miʼ ñaʼtan bajcheʼ miʼ ñaʼtan Jehová (Mateo 4:8-10). Mi mach la comic chaʼan mi lac wen mulan chubʌʼañʌl, yom mi lac jacʼben i ticʼojel Jehová Cheʼʌch mi caj lac pʌsben Jesús chaʼan jiñʌch muʼ bʌ lac ñumen cʼuxbin.
¿Chuqui muʼ bʌ c ñumen qʼuel ti ñuc? (Qʼuele jiñi párrafo 18).
18. ¿Chuqui yom bʌ mi lac wen qʼuel?
18 Cheʼ bʌ Jesús tsiʼ cʼajtibe Pedro «¿ñumen cʼux ba maʼ wubiñon bajcheʼ jini?», woliʼ pʌsben chaʼan ñaxan yom mi laj cʌcʼ ti laj cuxtʌlel i melol i yeʼtel Jehová. Pedro xucʼul tsaʼ ajñi bajcheʼ jumpʼejl xajlel tiʼ melol i yeʼtel Jehová, jin chaʼan, ñucʌch i cʼʌjñibal cheʼ jiñi i cʼabaʼ yom i yʌl «Juncʼojl Xajlel» (Hechos 4:5-20). Yom mi lac chaʼlen wersa jaʼel chaʼan pʼʌtʌl miʼ yajñel laj cʼuxbiya ti Cristo cheʼ bajcheʼ jumpʼejl xajlel. Yom mi lac wen qʼuel chaʼan mach jiñic mi lac wen acʼ ti ñuc jiñi la queʼtel, jiñi ñusaqʼuin tac yicʼot chubʌʼañʌl. Mi cheʼʌch mi lac mel, lajal bajcheʼ woli lac suben Jesús cheʼ bajcheʼ tsiʼ yʌlʌ Pedro: «C Yum, a wujil mij cʼuxbiñet».
^ parr. 14 Qʼuele jiñi temaj «¿Weñʌch ba jiñi lac ñusaqʼuin tac?», yaʼ ti La Atalaya 15 i chaʼan octubre, 2011, i yopol 9 cʼʌlʌl ti 12, párrafo 6 cʼʌlʌl ti 15.