¿Chuqui miʼ yʌl jiñi Biblia?
¿Muʼ ba i jacʼ Dios tiʼ pejtelel jiñi oración tac?
¿BAQUI TAC BɅ ORACIÓN MIʼ JACʼ DIOS MAʼ WɅL?
Tiʼ pejtelel
Chaʼpʼejl uxpʼejl
Mi jumpʼejlic
MU BɅ I YɅL JIÑI BIBLIA
«Lʌcʼʌl an lac Yum [Jehová] tiʼ tojlel pejtel muʼ bʌ i pejcañob tiʼ pejtelel i pusicʼal» (Salmo 145:18).
¿CHUQUI MIʼ BEJ AL JIÑI BIBLIA?
Dios maʼañic miʼ ñʌchʼtʌben i yoración jiñi muʼ bʌ i yʌlol ñusʌbeñob i tʼan (Isaías 1:15). Pero miʼ mejlel i lʌcʼtesañob i bʌ ti Dios mi mucʼʌch i qʼuextañob i melbal (Isaías 1:18).
Chaʼan Dios miʼ jacʼbeñonla la coración, yom utsʼat chuqui mi laj cʼajtiben cheʼʌch bajcheʼ miʼ yʌl jiñi Biblia (1 Juan 5:14).
¿Junsujm jach ba yom bajcheʼ mi la cajñel cheʼ mi lac mel oración?
AN MUʼ BɅ I ÑOPOB chaʼan yom mi lac ñoctʌl, mi lac lij lac jol o mi lac chuc laj cʼʌb. Ixcu jatet, ¿chuqui maʼ wʌl?
MU BɅ I YɅL JIÑI BIBLIA
Dios an i ñʌchʼtʌbe i yoración cabʌl quixtañu cheʼ waʼalob, buchulob, ñocolob o ñuculob (1 Crónicas 17:16, TNM; 2 Crónicas 30:27; Esdras 10:1; Hechos 9:40). Maʼañic miʼ cʼajtin chaʼan junsujm jach bajcheʼ yom mi la cajñel cheʼ mi lac pejcan.
¿CHUQUI MIʼ BEJ AL JIÑI BIBLIA?
Dios miʼ ñʌchʼtʌben i yoración jiñi pecʼoʼ bʌ i pusicʼal (Salmo 138:6).
Miʼ mejlel lac chaʼlen oración ti baqui jach bʌ tʼan, anquese mucul jach mi lac mel (2 Crónicas 6:32, 33; Nehemías 2:1-6).
