¿Chuqui miʼ yʌl jiñi Biblia?
¿Wiñic jach ba tsiʼ mele jiñi ñopbalʌl?
AN MUʼ BɅ I ÑOPOB chaʼan jiñi ñopbalʌl i melbal jach wiñicob. Pero an muʼ bʌ i yʌlob chaʼan jiñʌch muʼ bʌ i cʼʌn i coltañonla Dios chaʼan mi lac lʌcʼtesan lac bʌ tiʼ tojlel. Ixcu jatet, ¿chuqui maʼ wʌl?
MUʼ BɅ I YɅL JIÑI BIBLIA
Cojach jumpʼejl jiñi «yoque wen bʌ i chʼujutisʌntyel Dios tiʼ wut Dios lac Tyat» (Santiago 1:27, Jini wen bʌ tʼan). Jiñi sʌc bʌ o i sujm bʌ ñopbalʌl tilemʌch ti Dios.
¿CHUQUI MIʼ BEJ AL JIÑI BIBLIA?
Jiñi ñopbalʌl yaʼʌch yom chucul tiʼ sujmlel am bʌ ti Biblia chaʼan Dios miʼ qʼuel ti wen (Juan 4:23, 24).
Maʼañic i cʼʌjñibal jiñi ñopbalʌl tac chucul bʌ tiʼ ñaʼtʌbal quixtañu (Marcos 7:7, 8).
¿Wersa ba yom an lac ñopbal?
¿CHUQUI MAʼ ÑAʼTAN JATET?
Cheʼʌchi
Maʼañic
Tajol
MUʼ BɅ I YɅL JIÑI BIBLIA
«Laʼ laj coltan lac bʌ tiʼ pejtelel chuqui wen, chaʼan mi laj cʼuxbin lac bʌ bajcheʼ yom yicʼot wen bʌ lac melbal. Mach yomic mi laj cʌy lac tempan lac bʌ» (Hebreos 10:24, 25). Dios yom chaʼan miʼ tempañob i bʌ jiñi i wiñicob.
¿CHUQUI MIʼ BEJ AL JIÑI BIBLIA?
Junlajal chuqui yom miʼ ñopob jiñi muʼ bʌ i chʼujutesañob Dios (1 Corintios 1:10, 11).
Jiñi ochemoʼ bʌ ti jiñi wen bʌ ñopbalʌl miʼ qʼuel Dios junmujchʼob tiʼ pejtelel pañimil (1 Pedro 2:17).
