LAC TSICTESΛBENTEL (CHAʼAN BɅ ESTUDIO) Diciembre de 2019

Ili revista miʼ chʼʌm tilel jiñi temaj tac muʼ bʌ caj i qʼuejlel cheʼ ti 3 i chaʼan febrero cʼʌlʌl ti 1 i chaʼan marzo, 2020.

Añʌch i yorajlel chaʼan mi laj cʼaj la co yicʼot mi lac chaʼlen eʼtel

Ti ili temaj mi caj lac tsajin jiñi mandar tsaʼ bʌ aqʼuentiyob jiñi israelitajob chaʼan jiñi cʼaj o, muʼ bʌ i melob ti jujumpʼejl semana, chaʼan miʼ coltañonla lac ñaʼtan bajcheʼ yilal mi laj qʼuel jiñi eʼtel yicʼot jiñi cʼaj o.

Jehová yom chaʼan librejonla

Jiñi Jabil chaʼan bʌ tijicñʌyel miʼ cʼajtesʌbeñonla chuqui an i mele Jehová chaʼan librejonla.

Jiñi xpejcaya juñob miʼ cʼajtibeñob i bʌ

Ti jiñi mandar tsaʼ bʌ i yʌcʼʌ Jehová, mi juntiquil wiñic miʼ wersa piʼlen juntiquil xʼixic cʼajtibilix bʌ cheʼ an «ti cholel» i miʼ chaʼlen oñel, jiñi wiñic tsiʼ mele tsʼiʼlel, i jiñi xchʼoc maʼañic i mul. ¿Chucoch?

Jiñi xpejcaya juñob miʼ cʼajtibeñob i bʌ

Cheʼ baqui ora tiʼ sube Satanás jiñi Eva chaʼan miʼ cʼuxben i wut jiñi teʼ muʼ bʌ i yʌcʼ ti cʌñol chuqui utsʼat yicʼot chuqui jontol, ¿jimba jiñi ñaxam bʌ baqui tsiʼ taja ti tʼan chaʼan maʼañic miʼ chʌmel jiñi lac chʼujlel, cheʼ bajcheʼ miʼ ñaʼtʌntel ili ora?

¿Bajcheʼ cʼamel cʌmbil lac chaʼan Jehová?

¿Chuqui yom i yʌl cheʼ mi laj cʌn Jehová? Yicʼot ¿chuqui miʼ mejlel laj cʌn tiʼ tojlel Moisés yicʼot jiñi rey David chaʼan bajcheʼ miʼ mejlel lac ñumen sujtel ti wem bʌ i yamigo Dios?