LAC TSICTESΛBENTEL Núm. 1, 2018 | ¿Anto ba i cʼʌjñibal jiñi Biblia ili ora?
¿ANTO BA I CʼΛJÑIBAL JIÑI BIBLIA ILI ORA?
Come ili ora cabʌlix chuqui miʼ tsictesʌntel yicʼot pʼojlemix jiñi tecnología, ¿bej anto ba i cʼʌjñibal jiñi Biblia, jumpʼejl libro wen ñoxix bʌ? Jiñi Biblia miʼ yʌl:
«Chʼoyol ti Dios pejtelel i Tsʼijbujel. An i cʼʌjñibal ti cʌntesa» (2 Timoteo 3:16).
Ili revista miʼ tsictesan mi jiñi Biblia mucʼʌch i coltañonla ti laj cuxtʌlel.
¿Anto ba i cʼʌjñibal jiñi Biblia ili ora?
¿Chuquito och mi laj qʼuel jumpʼejl libro añix bʌ lʌcʼʌ chaʼpʼejl mil jab i mejlel, cheʼ ti jujumujcʼ an chuqui tac miʼ tsijib tsictesʌntel?
I cʌntesa tac jiñi Biblia maʼañic baʼ ora miʼ jilel
Pejtelel chuqui tsijib tajbil maʼañic miʼ jisʌben i cʼʌjñibal jiñi Biblia. Jiñi i ticʼojel tac ñumen an i cʼʌjñibal ili ora.
¿Ñoxix ba, o miʼ wʌn al chaʼan bʌ ili ora?
Jiñi Biblia mach jumpʼejlic libro chaʼan bʌ ciencia, pero mucʼʌch i yʌl chaʼan bʌ ciencia muʼto bʌ i yʌcʼ ti toj sajtel a pusicʼal.
Miʼ coltañonla lac tʌtsʼ jiñi wocol tac
Qʼuele bajcheʼ i ñaʼtʌbal Dios an i colta cabʌl quixtañu chaʼan miʼ tʌtsʼob ti tojlel jiñi tsʌts tac bʌ wocol.
Miʼ coltañonla lac tojʼesan jiñi wocol tac
Jiñi ticʼojel tac am bʌ ti Biblia miʼ coltañonla lac tojʼesan jiñi wocol tac muʼ bʌ i mejlel i cʼuñʼesañonla, bajcheʼ jiñi cʌlʌx pensar, jiñi chʼijiyemlel o cheʼ an chuqui mi laj cʌy ti wiʼil.
Miʼ coltañonla lac lʌtʼ jiñi wocol tac
¿Mejl ba i coltañonla jiñi Biblia chaʼan mi lac lʌtʼ jiñi wocol tac muʼ bʌ lac taj o mach bʌ mejlix lac tojʼesan bajcheʼ jumpʼejl cʼamʌjel maʼañix bʌ i tsʼʌcal o miʼ chʌmel juntiquil muʼ bʌ laj cʼuxbin?
Jiñi Biblia yicʼot laj cuxtʌlel
Jiñi i Tʼan Dios miʼ coltañonla lac ñusan chuqui tac miʼ tilel ti lac tojlel: Jiñi wocol tac mach bʌ pijtʌbilic lac chaʼan miʼ tilel ti lac tojlel. Pero anto yambʌ, miʼ coltañonla lac ñaʼtan muʼ bʌ i cajel ti talto bʌ qʼuin.
¿Bajcheʼ a wʌlʌ jatet?
Qʼuele chuqui miʼ ñaʼtan jiñi quixtañujob yicʼot chuqui miʼ yʌl jiñi Biblia chaʼan ili temaj.
