¿Bajcheʼ yilal miʼ qʼuel Dios jiñi ilaya wocol am bʌ ti pañimil?

JAMΛ TI

An muʼ bʌ i ñaʼtañob chaʼan maʼañic miʼ qʼuel yicʼot mach i wentajic.

ÑAʼTAN MUʼ BɅ I YɅL JIÑI BIBLIA

Dios wolʌch i qʼuelet yicʼot i wentajetʌch

«Lac Yum tsiʼ qʼuele cabʌlix i jontolil winicob ti pañimil [...]. Chʼijiyem i pusicʼal» (Génesis 6:5, 6).
Dios mi caj i jisan jiñi ilaya wocol

«Mach jalix mi caj i jilel jini mach bʌ anic miʼ ñop Dios. Cheʼ mi caj a qʼuel jini xjontolil mach yaʼix an. Jini utsoʼ bʌ i pusicʼal mi caj i yʌqʼuentelob i wenlel. Tijicña mi caj i yubiñob cheʼ ñʌchʼʌlob i pusicʼal» (Salmo 37:10, 11).
¿Chuqui yom Dios ti a tojlel?

«Cujil chuqui com c melbeñetla, cheʼen lac Yum. Com ñʌchʼʌletla. Mach comic miʼ tajetla wocol. Com cʌqʼueñetla chuqui utsʼat woli bʌ laʼ pijtan. Cheʼ jini mi caj laʼ pejcañon. Mi caj laʼ tilel laʼ pejcañon ti oración. Joñon mi caj cubibeñetla laʼ tʼan» (Jeremías 29:11, 12).

«Lʌcʼtesan laʼ bʌ baʼan Dios. Cheʼ jini mi caj i lʌcʼtesan i bʌ baʼ añetla» (Santiago 4:8).

Miʼ mejlel a qʼuel jaʼel iliyi

YAMBɅ TEMA TAC

I ñuqʼuesʌntel i pusicʼal jiñi am bʌ majqui chʌmen i chaʼan

Mi an majqui tsaʼ chʌmi a chaʼan, tajol maʼ ñaʼtan chaʼan maʼañic majqui miʼ chʼʌmben i sujm bajcheʼ yubil woli a wubin. Pero Dios mucʼʌch i miʼ mejlel i coltañet.

CʼAJTIYA TAC CHAʼAN BɅ BIBLIA

¿Muʼ ba i mejlel c taj i ñuqʼuesʌntel c pusicʼal yaʼ ti Biblia?

Cabʌl lac piʼʌlob woliʼ ñusañob tsʌts tac bʌ wocol yicʼot mach tijicñayobic miʼ yubiñob i bʌ, i an i tajayob i ñuqʼuesʌbentel i pusicʼal yaʼ ti Biblia.