Jiñi pijtaya chaʼan chaʼ cuxtʌyel
Maʼañic majqui miʼ mejlel i putsʼtan jiñi chʌmel. Pero ¿yaʼ ba mi luʼ jilel cheʼ mi lac chʌmel? ¿Mucʼ jach ba i ñajʌtesʌntel jiñi chʌmeñoʼ bʌ? ¿Muʼ ba caj i chaʼ cuxtʌyelob?
ÑAʼTAN MUʼ BɅ I YɅL JIÑI BIBLIA
DIOS MAʼAÑIC ÑAJɅYEM I CHAʼAN JIÑI CHɅMEÑOʼ BɅ
«Jini añoʼ bʌ ti mucoñibʌl. [...] Mi caj i chʼojyelob loqʼuel» (Juan 5:28, 29).
Dios cʼajal i chaʼan jiñi tsaʼix bʌ chʌmiyob. Jiñi quixtañujob añoʼ bʌ ti ñaʼtʌbal, mi caj i chaʼ cuxtʌyelob.
JIÑI CHɅMEÑOʼ BɅ MI CAJ I CHAʼ CUXTɅYELOB ILA TI PAÑIMIL
«Mi caj i chʼojyelob jini chʌmeñoʼ bʌ, jini tojoʼ bʌ yicʼot jini mach bʌ tojobic» (Hechos 24:15).
Yonlel quixtañujob mi caj i chaʼ cuxtʌyelob yicʼot mi caj i yʌqʼuentelob i pijtaya chaʼan miʼ chumtʌlob tiʼ pejtelel ora yicʼot i ñʌchʼtʌlel.
MIʼ MEJLEL LAC ÑOP JIÑI CHAʼ CUXTɅYEL
Dios «miʼ tsic jini ecʼ. Miʼ yotsʌben i cʼabaʼ ti jujumpʼejl» (Salmo 147:4).
Mi jiñi Dios miʼ mejlel i pejcan tiʼ cʼabaʼ jiñi ecʼ tac, mach wocolic miʼ yubin chaʼan miʼ cʼajtesan jiñi muʼ bʌ caj i chaʼ cuxtesan.
Miʼ mejlel a qʼuel jaʼel iliyi
CʼAJTIYA TAC CHAʼAN BɅ BIBLIA
¿Chuqui miʼ yʌl jiñi Biblia chaʼan jiñi chaʼ chʼojyel?
Tajol miʼ toj sajtel a pusicʼal cheʼ maʼ wubin majqui mi caj i chaʼ chʼojyesʌntelob.
