1. 1. SATANÁS. Jiñʌch jiñi ángel maʼañic bʌ tsiʼ jacʼbe i tʼan Dios i jiñʌch am bʌ i yoque teche jiñi tsʼaʼleya am bʌ ili ora. Jin chaʼan Dios mi caj i jisan jiñi Satanás yicʼot jiñi muʼ bʌ i chaʼleñob tsʼaʼleya (Salmo 37:38; Romanos 16:20).

2. 2. ILI PAÑIMIL AN TIʼ WENTA SATANÁS. Dios mi caj i jisan muʼ bʌ i tech jiñi tsʼaʼleya, yaʼ ochem jiñi políticojob yicʼot jiñi añoʼ bʌ i yeʼtel ti ñopbalʌl. Cheʼ jaʼel, Dios mi caj i jisan jiñi xchoñoñelob muʼ bʌ i yʌcʼ ti wocol jiñi yambʌ lac piʼʌlob (2 Pedro 3:13).

3. 3. TIʼ CAJ CHEʼ XMULILONLA. Jiñi Biblia miʼ tsictesan chaʼan ti lac pejtelel xmulilonla, jin chaʼan mi lac ñaʼtan, mi la cubin o mi lac mel mach tac bʌ weñic (Romanos 5:12). Cheʼ bʌ mi lac tsʼaʼlen yambʌlob añʌch ti lac pusicʼal. Pero tiʼ coltaya Dios mi caj i mejlel lac locʼsan ti lac pusicʼal come mi caj lac tojʼan (Isaías 54:13).

1. 1. MAʼAÑIX MIʼ CAJEL TOʼOL TICʼLɅNTEL. Ili pañimil mi caj i yochel tiʼ wenta i Yumʌntel Dios, toj bʌ yicʼot muʼ bʌ caj i yajñel tiʼ pejtelel ora (Daniel 2:44). Ti jiñi bʌ ora junlajalix mi caj laj qʼuel lac bʌ, i jiñi woli (choncol) bʌ i ticʼlan yambʌlob Dios mi caj i yʌqʼuen i toj i mul (Lucas 18:7).

2. 2. TI LAC PEJTELEL ÑɅCHʼɅL MI CAJ LA CAJÑEL. Maʼañix majqui mi caj i yilan wocol tiʼ caj guerra tac, jatsʼ yicʼot tsʌnsa (Salmo 46:9). Ti ili Lum maʼañix majqui miʼ cajel ti bʌqʼuen come cojachix mi caj i yajñelob jiñi quixtañujob muʼ bʌ i sʌclañob ñʌchʼtʌlel (Salmo 72:7).

3. 3. UTSʼAT MI CAJ LA CAJÑEL. Tiʼ pejtelel yaʼ bʌ mi caj i chumtʌlob yaʼi junlajal mi caj i cʼuxbiñob i bʌ (Mateo 22:39). Maʼañix chuqui mi caj i yʌcʼonla ti wocol mi muqʼuicto caj i tilel ti lac pensar yicʼot laj cʼajtesan chuqui mach bʌ weñic tsaʼ ujti ti lac tojlel (Isaías 65:17). Cheʼ bʌ tsaʼix yoque jisʌnti jiñi tsʼaʼleya, jiñi quixtañujob «tijicña mi caj i yubiñob cheʼ ñʌchʼʌlob i pusicʼal» (Salmo 37:11).

¿A wom ba chumtʌl ti jumpʼejl pañimil bajcheʼ ili? Ili ora yonlel testigojob maʼañix miʼ tsʼaʼleñob yambʌ. ¿Bajcheʼ miʼ melob? Miʼ jacʼob jiñi ticʼojel tac am bʌ ti Biblia (Salmo 37:8). Anquese mach junlajalobic i tejclum yicʼot i culturajob, jumpʼejlobʌch familia temel bʌ añob muʼ bʌ i cʼuxbiñob i bʌ (Isaías 2:2-4).

Jiñi i testigojob Jehová miʼ mejlel i cʌntesañetob cʌmbil bʌ i chaʼañob chaʼan bajcheʼ miʼ mejlel a lʌtʼ jiñi toʼol tʌcʼlʌntel yicʼot jiñi tsʼaʼlentel. I muʼ bʌ caj a cʌn mi caj i coltañet chaʼan maʼ mʌlben (jotben) jiñi tsʼaʼleya i maʼ pʌs cʼuxbiya. Cheʼ jaʼel, mi caj a cʌn bajcheʼ yilal yom maʼ mel tiʼ tojlel yambʌlob, yaʼ ochemob jiñi maʼañic bʌ miʼ wen pʌsob i cʼuxbiya o jiñi muʼ bʌ i tsʼaʼleñetob. Cheʼ bajcheʼ ili ñumen tijicña mi caj a wajñel a wicʼot yambʌlob. Pero ñumen ñuc bʌ, mi caj a cʌn jaʼel chuqui yom bʌ maʼ mel chaʼan maʼ ñusan a bʌ cheʼ bʌ wolix ti eʼtel (troñel) i Yumʌntel Dios yicʼot cheʼ bʌ tsaʼix i yoque jisa jiñi tsʼaʼleya (Salmo 37:29).