¿BAJCHEʼ MIʼ MEJLEL LAC JISAN JIÑI TSʼAʼLEYA?
2 | Mach laʼ qʼuextan muʼ bʌ laʼ melbentel
Jiñi Biblia miʼ yʌl:
«Mach yomic mi laʼ qʼuextan chuqui mach bʌ weñic mi laʼ melbentel […]. Mi mucʼʌch i mejlel, yaʼ baqui chilil ti laʼ tojlel, ajñenla ti ñʌchʼtʌlel laʼ wicʼot yambʌlob. Cʼuxbibiletbʌla, mach laʼ chaʼ qʼuextan chuqui mi laʼ tumbentel […]. Come tsʼijbubil: ‹Joñon mi caj j qʼuextʌbeñob, joñon mi caj cʌqʼueñob i tojob i mul, cheʼʌch miʼ yʌl Jehová›» (ROMANOS 12:17-19).
¿Chuqui yom i yʌl?
Mucʼʌch lac michʼan cheʼ bʌ mi lac melbentel mach bʌ weñic, pero Dios miʼ subeñonla chaʼan mach yomic mi lac chaʼ qʼuextan. Miʼ subeñonla chaʼan mi lac pijtan come jiñʌch muʼ bʌ caj i tojʼesan jiñi toʼol ticʼlʌntel (Salmo 37:7, 10).
Miʼ mejlel a mel iliyi:
Cheʼ bʌ juntiquil miʼ mel mach bʌ weñic i mi laj qʼuextʌben mucʼ jach i bej pʼojlel jiñi tsʼaʼleya. Jin chaʼan, mi an majqui tsiʼ melbet mach bʌ weñic mach a chaʼ qʼuextʌben. Tiqʼui a bʌ i mele chuqui wen, i an tajol ñumen wen cheʼ mucʼ jach a wʌcʼ ti ñumel (Proverbios 19:11). Cheʼ jaʼel, tajol ñumen wen cheʼ maʼ sʌclan bajcheʼ miʼ tojʼan jiñi wocol. Jumpʼejl ejemplo, mi tsaʼ melbentiyet mach bʌ weñic, ñumen wen cheʼ maʼ sub ti policía o tiʼ tojlel añoʼ bʌ i yeʼtel.
Cheʼ bʌ mi laj qʼuextʌben chuqui miʼ tumbeñonla juntiquil mucʼ jach i yʌcʼonla ti wocol
¿Ixcu mi tsaʼ qʼuele chaʼan maʼañic mi caj i mejlel a tojʼesan jiñi wocol ti wen? ¿Ixcu mi tsaʼ qʼuele chaʼan maʼañix yambʌ chuqui miʼ mejlel a mel chaʼan maʼ tojʼesan jiñi wocol? Pero mach a qʼuextʌben jiñi tsaʼ bʌ i melbet mach bʌ weñic, cʌyʌx a tsʼaʼlen. Ñopo chaʼan Dios mi caj i tojʼesan jiñi wocol. Ti Salmo 37:3-5, miʼ yʌl: «Ñopo lac Yum. Mi caj i jolontesan chuqui maʼ ñaʼtan a mel».
Miʼ mejlel a qʼuel jaʼel iliyi
JIÑI BIBLIA TSIʼ QʼUEXTɅBEYOB I PENSAR
¿Muʼ ba i mejlel jiñi cʼuxbiya i jisan jiñi tsʼaʼleya?
Wocolʌch chaʼan mi lac locʼsan jiñi tsʼaʼleya ti lac pusicʼal. Qʼuele tsaʼ bʌ i mele juntiquil Judío yicʼot juntiquil chumul bʌ ti Palestina chaʼan miʼ jisañob jiñi tsʼaʼleya.
