¿BAJCHEʼ MIʼ MEJLEL LAC JISAN JIÑI TSʼAʼLEYA?
1 | Yom junlajal maʼ qʼuel yambʌlob
Jiñi Biblia miʼ yʌl:
«Dios junlajal miʼ qʼuel pejtelel lac piʼʌlob, miʼ chʼʌm pejtelel muʼ bʌ i bʌcʼñan yicʼot muʼ bʌ i mel chuqui wen, mach yʌlʌyic baqui chʼoyol» (HECHOS 10:34, 35).
¿Chuqui yom i yʌl?
Jehová * mach lecojic miʼ qʼuelonla tiʼ caj baqui chʼoyolonla, bajcheʼ yilal i colorlel lac pʌchʌlel o laj cultura. Muʼ bʌ i qʼuel jiñʌch chuqui muʼ bʌ lac ñaʼtan yicʼot bajcheʼ yubil mi la cubin. Jiñi Biblia miʼ yʌl: «Joñon mach lajalic mij qʼuel cheʼ bajcheʼ winicob. Cojach miʼ qʼuelbeñob i bʌ i wut pero joñon mij qʼuelbeñob i pusicʼal» (1 Samuel 16:7).
Miʼ mejlel a mel iliyi:
Anquese mach mejlic lac ñaʼtan chuqui an tiʼ pusicʼal lac piʼʌlob, mucʼʌch i mejlel laj qʼuelob cheʼ bajcheʼ miʼ qʼuelob Jehová. Chaʼlen wersa chaʼan mach tiʼ cajach juntiquil mach bʌ weñic i melbal cheʼix maʼ ñaʼtan tiʼ tojlel yambʌlob. Mi tsaʼ qʼuele chaʼan tsʼitaʼ leco maʼ wubin tiʼ tojlel juntiquil tiʼ caj yʌñʌl i colorlel i pʌchʌlel o chaʼan yambʌ i tejclum, cʼajtiben Dios chaʼan miʼ coltañet a locʼ ti a pusicʼal cheʼ bʌ pensar bajcheʼ jiñi (Salmo 139:23, 24). Ñopo chaʼan Dios mucʼʌch caj i mejlel i coltañet (1 Pedro 3:12).
^ parr. 6 I cʼabaʼ Dios jiñʌch Jehová (Salmo 83:18, Traducción del Nuevo Mundo).
«Maʼañic baʼ ora an buchle quicʼot juntiquil sʌc bʌ […]. Wʌle, añon ti jumpʼejl familia temel bʌ añob tiʼ petol pañimil» (TITUS).