Cheʼ mi lac pejcan jiñi Biblia, mi lac mel investigación chaʼan mi lac ñumen chʼʌmben i sujm. Pero mach la comic lac mel chaʼan jach ñumen cabʌl chuqui la cujil. La com bʌ jiñʌch chaʼan mi lac ñumen cʌn Jehová, yicʼot mi lac ñumen cʼuxbin. Jin chaʼan yom mi laj cʼajtiben lac bʌ: «¿Chuqui miʼ pʌsbeñon ili texto tiʼ tojlel Jehová?».

Miʼ mejlel a ñumen cʌn chaʼan jiñi i cʼuxbiya Jehová, i ñaʼtʌbal, i tojel yicʼot i pʼʌtʌlel. Pero mach cojachi come Jehová anto cabʌl wem bʌ i melbal. ¿Baqui miʼ mejlel a taj?

Yaʼ ti Índice de las publicaciones Watch Tower miʼ tilel ñumen ti 50 melbalʌl tac am bʌ i chaʼan Jehová. Ochen yaʼ ti sección «Jehová» i yaʼi qʼuele jiñi subtítulo «Cualidades por nombre». Yajcan baqui bʌ melbalʌl miʼ taj i bʌ yicʼot jiñi woli bʌ a pejcan, i pejcan jiñi información (mi cojach an a chaʼan jiñi Coltʌntel chaʼan estudio, ochen yaʼ ti sección «Jehová Dios» i yaʼ ti subtítulo «I melbal tac Jehová»).