Mi lac chʼujutesan Jehová la quicʼot jiñi hermanojob ti tempa bʌ yicʼot ti colem tempa bʌ. Pero mi lac mel jaʼel ti lac bajñelil i yicʼot lac familia. Ila mi caj a taj chuqui tac miʼ mejlel a mel cheʼ bʌ maʼ chaʼlen estudio ti a bajñelil yicʼot ti a chʼujutesaya ti familia:

• Laʼ lac chajpan lac bʌ chaʼan jiñi tempa bʌ tac. Miʼ mejlel laj cʼʌyin jiñi cʼay yicʼot mi lac chajpan laj comentario.

• Laʼ lac pejcan jumpʼejl relato am bʌ ti Biblia. Ti wiʼil, miʼ mejlel lac chaʼlen ti dibujar muʼ bʌ i yʌjlel ti jiñi relato o mi lac tsʼijbun chuqui tsaʼ laj cʌñʌ.

• Miʼ mejlel lac chaʼlen ti estudiar jiñi oración tac muʼ bʌ i tilel yaʼ ti Biblia. Laʼ lac ñaʼtan bajcheʼ miʼ mejlel i coltañonla lac ñumen weñʼesan jiñi la coración.

• Laʼ laj qʼuel jumpʼejl video ti jw.org. Cheʼ jiñi miʼ mejlel lac tem al la quicʼot lac familia o mi lac tsʼijbun chuqui tsaʼ lac mulaj.

• Laʼ lac chajpan lac bʌ chaʼan jiñi subtʼan. Miʼ mejlel lac wʌn ñaʼtan chuqui miʼ mejlel la cʌl.

• Laʼ lac wen qʼuel jiñi melbil tac bʌ i chaʼan Jehová yicʼot laʼ lac ñaʼtan chuqui miʼ pʌsbeñonla tiʼ tojlel. Mi añonla la quicʼot lac familia miʼ mejlel lac tem al chuqui tac tsaʼ laj cʌñʌ. a