An i tajol wocol mi la cubin chaʼan mi laj cʼajtesan tsaʼ bʌ laj cʌñʌ. Pero ¿wocol ba chaʼan mi laj cʼajtesan jiñi ejemplo tac tsaʼ bʌ i cʼʌñʌ Jesús? Maʼañic. ¿Chucoch? Come mach wocolic miʼ mejlel ti chaʼ tilel ti lac jol jiñi ejemplo tac. Cheʼʌch mi caj i yujtel jaʼel cheʼ mi lac chaʼlen ti dibujar muʼ bʌ laj cʌn majlel cheʼ bʌ woli lac chaʼlen estudio, mach wocolic mi caj i mejlel lac chaʼ cʼajtesan. ¿Bajcheʼ miʼ mejlel lac mel?

An muʼ bʌ i chaʼleñob ti dibujar chuqui woliʼ tsijib cʌñob, cheʼ bajcheʼ ili miʼ mejlel i chaʼ cʼajtesañob jiñi ñuc tac bʌ i cʼʌjñibal muʼ bʌ i tajob. I maʼañic miʼ pensariñob chaʼan cʌlʌx wen yom miʼ melob jiñi dibujo. I miʼ yʌjlel chaʼan ili muʼto i ñumen coltañob jiñi añobix bʌ i jabilel.

Cheʼ bʌ maʼ chaʼ chaʼlen estudio, ¿bajcheʼ a wʌlʌ cheʼ muqʼuic a mel dibujo tac chaʼan jiñi muʼ bʌ a cʌn? Tajol mi caj i toj sajtel a pusicʼal cheʼ maʼ qʼuel pejtelel muʼ bʌ i mejlel a chaʼ cʼajtesan.