Cabʌl hermanojob miʼ cʼʌñob ti subtʼan jiñi tema tac muʼ bʌ i loqʼuel tiʼ tejchibal jw.org. Mach wocolic chaʼan mi lac chocben majlel jiñi laj cʌñʌyoʼ bʌ, i miʼ tsictesan chaʼan jiñi woli tac bʌ i yujtel ili ora woliʼ tsʼʌctesan profecía tac. Juntiquil hermano tiʼ tsʼijbu: «Ili tema tac miʼ coltañonla ti bajcheʼ mi lac chaʼlen subtʼan ili ora».

I tejchibal jiñi sitio miʼ chʌcʌ qʼuextʌyel, jin chaʼan ¿chuqui miʼ mejlel lac mel chaʼan mi lac taj jumpʼejl tema maʼañix bʌ miʼ pʌs i bʌ yaʼi?

• Mi añet tiʼ tejchibal jiñi jw.org, petsʼej baʼ miʼ yʌl «Ñumen qʼuele», yaʼ bʌ an tiʼ chañelal majlel. Ti celular o tableta mi caj a taj tiʼ yebal jiñi sección «Yom bʌ maʼ qʼuel». Ili mi caj i pʌyet majlel ti jiñi «Tema tac tsaʼ jaxto bʌ loqʼui yaʼ ti sitio». Yaʼi mi caj a taj jiñi tsijib tac bʌ tema.

• Ti jw.org o ti JW Library^® cucu ti «Biblioteca» i sʌclan «Yan tac bʌ temaj». Ti wiʼil, cucu baqui miʼ yʌl «Yambʌ tema tac». Ti ili sección mi caj a taj cabʌl tema loqʼuem bʌ tiʼ tejchibal jiñi sitio.