Yomʌch. Mi maʼañic i sujmlel cheʼ tsaʼ lajal cʌyleyob ti jiñi otot, mi caj i mejlel jumpʼejl comité chaʼan meloñel come wen tsiquil chaʼan tsaʼʌch i meleyob tsʼiʼlel (1 Co. 6:18).

Jiñi ancianojob cabʌl chuqui miʼ tsajiñob chaʼan miʼ ñaʼtañob mi yomʌch miʼ mejlel jumpʼejl comité chaʼan meloñel. Jumpʼejl ejemplo, ¿muʼ ba i mulañob i bʌ? ¿Añix ba aqʼuentiyob ticʼojel tiʼ caj bajcheʼ miʼ bajñel pejcañob i bʌ? ¿Chucoch tsiʼ laja ñusayob acʼʌlel ti jumpʼejl otot? ¿Tsaʼ ba i wʌn chajpayob? ¿Tsaʼ ba ujti mach bʌ ñaʼtʌbilic i chaʼañob, cheʼ bajcheʼ jumpʼejl wocol, chaʼan miʼ lajal cʌytʌlob ti jiñi otot? (Ec. 9:11). ¿Baqui tsaʼ wʌyiyob? Come mach lajalic jujunchajp chuqui miʼ yujtel, tajol añʌch yambʌ ñuc bʌ i cʼʌjñibal yom bʌ miʼ tsajiñob jiñi ancianojob.

Cheʼ bʌ jiñi ancianojob tsaʼix i tsajiyob jiñi wocol, mi caj i ñaʼtañob mi yomʌch miʼ melob jumpʼejl comité chaʼan meloñel o maʼañic.