Mejl bʌ lac chaʼlen ti estudiar
Bajcheʼ miʼ mejlel laj cʼʌn ti wen jiñi sección «Lo nuevo»
Yaʼ ti sección «Lo nuevo» am bʌ ti JW Library® yicʼot jw.org, miʼ tilel jiñi tsijib tac bʌ. ¿Bajcheʼ miʼ mejlel laj cʼʌn ili sección chaʼan mi laj qʼuel chuqui tsijib tac bʌ?
Mi woli a cʼʌn JW Library
Jajayajl miʼ loqʼuel chuqui tac tsijiʼ bʌ, miʼ chaʼlentel ti actualizar baqui miʼ tilel. Jiñi catálogo de artículo baqui miʼ tilel jiñi tema miʼ loqʼuel yaʼ ti «Lo nuevo». Yaʼʌch miʼ mejlel i chaʼlentel ti descargar jiñi tsijiʼ bʌ versión. ¿I bajcheʼ miʼ mejlel a taj jiñi tsijiʼ bʌ tema chaʼan maʼ pejcan? Jamʌ jiñi catálogo i sʌclan jiñi ñaxam bʌ tema, tojʼesʌbil bʌ cheʼ bajcheʼ miʼ loqʼuel majlel.
Jiñi jun tac ñumen colem bʌ, bajcheʼ jiñi revista tac, tajol mach ti junsujtel jach mi lac luʼ pejcan. Miʼ mejlel a wʌcʼ yaʼ ti «Favoritos» chaʼan mach wocolic maʼ chaʼ taj i maʼ bej pejcan. Cheʼ bʌ miʼ yujtel a pejcan, miʼ mejlel a locʼsan ti jiñi sección.
Mi woli a cʼʌn jw.org
Maʼañic miʼ luʼ pʌs i bʌ ti JW Library chuqui tac miʼ loqʼuel. An mucʼ jach bʌ lac taj ti jw.org, cheʼ bajcheʼ jiñi noticia yicʼot comunicado tac. Yom maʼ chʌcʌ qʼuel jiñi sección «Lo nuevo» chaʼan maʼ pejcan jiñi tsijib tac bʌ tema.
