¿Woli ba lac sʌclan lac putsʼib ti Jehová?
«Lac Yum mi caj i mʌn i winicob chaʼan miʼ yʌcʼob ti colel, maʼanic mi caj i yʌjqʼuelob ti toj mulil jini muʼ bʌ i tajob i coltʌntel [o putsʼib] ti lac Yum» (SAL. 34:22).
CʼAY: 8, 54
1. ¿Bajcheʼ yubil miʼ yubiñob i bʌ cabʌl i wiñicob Dios tiʼ caj tsiʼ tajayob i mul?
TI JUMPʼEJL bʌ qʼuin, cheʼ bʌ jiñi apóstol Pablo wen chʼijiyem tsiʼ yubi i bʌ, tsiʼ yʌlʌ: «Pʼumpʼun jax c bʌ» (Ro. 7:24). Jiñi xucʼul bʌ i wiñicob Dios ili ora, cabʌl cheʼ miʼ yubiñob i bʌ bajcheʼ Pablo. Anquese mi lac chaʼlen wersa chaʼan Jehová wen miʼ qʼuelonla, ti lac pejtelel mi lac taj lac sajtemal come xmulilonla. Jiñi am bʌ i chaʼleyob tsʌts bʌ mulil miʼ ñaʼtañob chaʼan maʼañic baʼ ora mi caj i ñusʌbentelob ti Jehová.
2. a) Cheʼ bajcheʼ miʼ yʌl Salmo 34:22, ¿chucoch mach yomic miʼ yubiñob i chʼijiyemlel jiñi i wiñicob Dios tiʼ caj jiñi mulil? b) ¿Chuqui mi caj laj qʼuel ti ili temaj? (Qʼuele jiñi recuadro « ¿Cʌntesa ba o an yambʌ i tsʼʌctʌyib?»).
2 Jiñi Biblia miʼ subeñonla chaʼan jiñi muʼ bʌ i sʌclañob i putsʼib ti Jehová mach yomic miʼ yubiñob i chʼijiyemlel tiʼ caj jiñi mulil (pejcan Salmo 34:22). ¿Chuqui yom i yʌl cheʼ mi lac sʌclan lac putsʼib ti Jehová? ¿Chuqui yom mi lac mel (chaʼlen) chaʼan Jehová miʼ pʼuntañonla yicʼot miʼ ñusʌbeñonla lac mul? Chaʼan mi lac jacʼ ili cʼajtiya tac, mi caj laj qʼuel chuquiyes jiñi tejclum tac chaʼan bʌ putsʼib tsaʼ bʌ subentiyob jiñi israelob yicʼot chuqui i cʼʌjñibal. La cujil chaʼan jiñi trato chaʼan jiñi Mandar tsaʼ qʼuextʌyi cheʼ ti Pentecostés ti jabil 33. Pero yom mi laj cʼajtesan chaʼan jiñi Mandar i yʌcʼbalʌch Jehová. Jin chaʼan, jiñi tejclum tac chaʼan bʌ putsʼib miʼ pʌsbeñonla bajcheʼ yilal miʼ qʼuel Jehová jiñi mulil, jiñi xmulilob yicʼot muʼ bʌ i cʌyob i mul. Laʼ lac tech laj qʼuel chucoch tsaʼ ajqʼui ili tejclum tac yicʼot bajcheʼ tsaʼ cʼʌjñibʌyi.
«YOM MI LAʼ YAJCAN TEJCLUM TAC BAʼ MIʼ MEJLEL I COLTAÑOB I BΛ»
3. ¿Chuqui yom miʼ tumbentelob tsaʼ ajli jiñi xtsʌnsajob ti Israel?
3 Cheʼ bʌ yaʼ ti Israel an juntiquil muʼ bʌ i chaʼlen tsʌnsa, tiʼ wut Jehová jiñʌch tsʌts bʌ mulil. Mi tsaʼ ujti bajcheʼ jiñi, i yeran jiñi tsaʼ bʌ tsʌnsʌnti, o yambʌ ñumen lʌcʼʌl bʌ i chaʼan tiʼ familia wiñic bʌ, yom miʼ tsʌnsan jiñi xtsʌnsa (Nm. 35:19). Chaʼan jiñi xtsʌnsa miʼ tojben i cuxtʌlel jiñi tsaʼ bʌ i toʼol tsʌnsa, yomʌch miʼ tsʌnsʌntel jaʼel. Jiñi am bʌ tiʼ wenta miʼ tsʌnsan jiñi xtsʌnsa, ti orajach yom miʼ mel tsaʼ ajli chaʼan maʼañic miʼ bibʼesʌntel jiñi Lum tsaʼ bʌ wʌn Subentiyob, come Jehová tsiʼ yʌlʌ chaʼan cheʼ miʼ becʼbentel i chʼichʼel quixtañu «miʼ puchʼ jini lum». Tsiʼ yʌlʌ jaʼel: «Mach yomic mi laʼ bibesan jini lum yaʼ ba mi caj laʼ chumtʌl» (Nm. 35:33, 34).
4. ¿Chuqui miʼ yujtel mi an juntiquil muʼ bʌ i chaʼlen tsʌnsa cheʼ mach tsajalic i chaʼan?
4 Pero cheʼ an juntiquil muʼ bʌ i chaʼlen tsʌnsa cheʼ mach yʌlolic i chaʼan, ¿chuqui miʼ yujtel? Añʌch i mul jaʼel come tsiʼ toʼol tsʌnsa yambʌ i piʼʌl (Gn. 9:5). Pero Jehová miʼ pʌsben i pʼuntaya come mach yʌlolic i chaʼan. Miʼ mejlel ti putsʼel majlel ti jiñi tejclum tac yajcʌbil bʌ chaʼan putsʼijib, yaʼi maʼañic chuqui miʼ mejlel i mel jiñi am bʌ tiʼ wenta miʼ tsʌnsan jiñi xtsʌnsa. Pero maʼañic miʼ mejlel ti loqʼuel yaʼ ti tejclum jinto miʼ chʌmel jiñi ñuc bʌ xmotomaj (Nm. 35:15, 28).
5. ¿Chucoch miʼ coltañonla jiñi tejclum tac tsaʼ bʌ yajcʌnti bajcheʼ putsʼijib chaʼan mi lac ñumen ñaʼtan muʼ bʌ i mel Jehová?
5 Cheʼ bʌ Jehová tiʼ sube Josué chaʼan miʼ yajcan jiñi seis tejclum, tsiʼ yʌlʌ: «Yom mi laʼ yajcan tejclum tac baʼ miʼ mejlel i coltañob i bʌ». Ili tejclum tac jiñʌch tsaʼ bʌ i subu Dios chaʼan miʼ yajcʌntel come wen ñuc i cʼʌjñibal, chʼujul tsaʼ qʼuejli (Jos. 20:1, 2, 7, 8). Jin chaʼan, miʼ mejlel laj cʼajtiben lac bʌ: «¿Bajcheʼ miʼ coltañonla lac chʼʌmben isujm i pʼuntaya Jehová jiñi tejclum tac tsaʼ bʌ yajcʌnti bajcheʼ putsʼijib? ¿I bajcheʼ miʼ pʌsbeñonla chaʼan yom mi lac sʌclan lac putsʼib ti Jehová ili ora?».
JIÑI XTSΛNSA YOM MIʼ «SUB I BΛ TIʼ TOJLEL AÑOʼ BΛ I YEʼTEL»
6, 7. a) ¿Chuqui yom miʼ mel jiñi añoʼ bʌ i yeʼtel cheʼ an majqui miʼ chaʼlen tsʌnsa cheʼ mach yʌlolic i chaʼan? (Qʼuele jiñi dibujo am bʌ tiʼ tejchibal). b) ¿Chucoch weñʌch cheʼ jiñi xtsʌnsa miʼ pejcan añoʼ bʌ i yeʼtel?
6 Cheʼ bʌ an majqui miʼ chaʼlen tsʌnsa ti Israel, pero mach yʌlolic i chaʼan, yom miʼ putsʼel majlel yaʼ ti tejclum chaʼan bʌ putsʼijib, i cheʼ bʌ miʼ cʼotel tiʼ tiʼ jiñi tejclum, yom miʼ «sub i bʌ tiʼ tojlel añoʼ bʌ i yeʼtel». Jiñi añoʼ bʌ i yeʼtel yomʌch miʼ pʌsbeñob i yutslel (Jos. 20:4). Cheʼ bej jalix i yujtel jiñi wocol, jiñi xtsʌnsa yom miʼ chaʼ chojquel majlel yaʼ ti tejclum baqui tilem chaʼan miʼ yujtel mel bʌ tiʼ tojlel añoʼ bʌ i yeʼtel yaʼi (pejcan Números 35:24, 25). Mi tsaʼ qʼuejli chaʼan machʌch yʌlolic i chaʼan tsaʼ bʌ ujti, miʼ mejlel ti chaʼ majlel ti jiñi tejclum chaʼan bʌ putsʼijib.
7 ¿Chucoch yom miʼ pejcan añoʼ bʌ i yeʼtel jiñi tsaʼ bʌ i chaʼle tsʌnsa? Chaʼan chʌn sʌc miʼ yajñel jiñi congregación yicʼot miʼ taj i pʼuntʌntel ti Jehová. Juntiquil wen yujil bʌ chaʼan Biblia tsiʼ yʌlʌ chaʼan mi jiñi xtsʌnsa maʼañic miʼ majlel i pejcan añoʼ bʌ i yeʼtel, miʼ mejlel ti tsʌnsʌntel jaʼel. I tsiʼ yʌlʌ: «I mulʌch mi tsaʼ tsʌnsʌnti, come maʼañic tsiʼ yʌcʼʌ ti ñuc jiñi coltʌntel tsaʼ bʌ i yʌcʼʌ Dios». Añʌch i coltʌntel jiñi mach bʌ yʌlolic miʼ chaʼlen
tsʌnsa, pero yom miʼ sʌclan yicʼot miʼ jacʼ tʼan. Mi maʼañic miʼ majlel ti jumpʼejlic tejclum yajcʌbil bʌ chaʼan putsʼijib, miʼ mejlel ti tsʌnsʌntel.8, 9. Mi juntiquil miʼ chaʼlen tsʌts bʌ mulil, ¿chucoch yomʌch miʼ cʼajtin i coltʌntel ti ancianojob?
8 Cheʼ bʌ juntiquil xñoptʼan miʼ chaʼlen tsʌts bʌ mulil ili ora, yom miʼ sʌclan i coltʌntel tiʼ tojlel jiñi ancianojob ti congregación. ¿Chucoch yomʌch miʼ melob? Ñaxan, come jiñʌch Jehová muʼ bʌ i yʌl chaʼan jiñi ancianojob yom miʼ chʼʌmob tiʼ wenta jiñi tsʌts tac bʌ mulil (Stg. 5:14-16). I chaʼpʼejlel, come waʼchocobilob chaʼan miʼ coltañob añoʼ bʌ i mul chaʼan utsʼat miʼ chaʼ mejlelob ti ajñel yicʼot Dios i miʼ cʌyob jiñi mulil (Gá. 6:1; He. 12:11). I yuxpʼejlel, come miʼ waʼchocontel jiñi ancianojob yicʼot miʼ cʌntesʌntelob chaʼan miʼ coltañob i chaʼ taj i tijicñʌyel i pusicʼal jiñi muʼ bʌ i cʌyob i mul. Tiʼ wut Jehová, jiñi ancianojob lajalob bajcheʼ «chʼentun muʼ bʌ i mʌctan sutujt icʼ» (Is. 32:1, 2). Tiʼ sujm, wen tsiquil mi laj qʼuelben i pʼuntaya Dios.
9 An cabʌl hermanojob tajbiloʼ bʌ i chaʼan i tijicñʌyel cheʼ tsiʼ pejcayob yicʼot tsiʼ cʼajtiyob i coltʌntel ti ancianojob. Jumpʼejl ejemplo, Daniel tsiʼ chaʼle tsʌts bʌ mulil, i cabʌl uw maʼañic chuqui tiʼ sube jiñi ancianojob. Daniel miʼ yʌl: «Maʼañix chuqui miʼ mejlel i melob tic tojlel tsaʼ cubi come cabʌl ora tsaʼ cʌcʼʌ ti ñumel». Tiʼ pejtelel ora tsiʼ bʌcʼña chaʼan miʼ ñaʼtʌntel chuqui tsiʼ mele. I jajayajl miʼ mel oración, miʼ yubin chaʼan yomʌch miʼ ñaxan cʼajtin i ñusʌbentel i mul ti Jehová. Jin chaʼan, tiʼ sʌcʌ cʼajti i coltʌntel ti ancianojob. Cheʼ miʼ cʼajtesan tsaʼ bʌ i ñusa, miʼ yʌl: «Tsaʼʌch c bʌcʼña c pejcañob. Pero cheʼ tsaʼ c mele, lajal bajcheʼ tsaʼ c choco jubel wen al bʌ j cuch. Wʌle maʼañix chuqui miʼ mʌctañon mi cubin chaʼan mic pejcan Jehová». Ili ora, Daniel tijicñayix i conciencia, i maxto wen jalic tsaʼ waʼchoconti bajcheʼ siervo ministerial.
YOM «MIʼ PUTSʼEL TILEL TI JUMPʼEJL TEJCLUM» YAJCΛBIL BΛ
10. ¿Chuqui yom miʼ mel jiñi xtsʌnsa miʼ yom i pʼuntʌntel?
10 Mi yom i pʼuntʌntel jiñi xtsʌnsa mach bʌ yʌlolic i chaʼan tsiʼ mele, yomʌch miʼ wen Josué 20:4). Mi ti orajach miʼ cʼotel yaʼ ti tejclum i yaʼʌch miʼ cʌytʌl jinto cheʼ miʼ chʌmel jiñi ñuc bʌ xmotomaj, cuxul miʼ yajñel. Chaʼan miʼ mel iliyi, cabʌlʌch yom bʌ miʼ cʌy, bajcheʼ i yeʼtel, i yotot yicʼot maʼañic miʼ mejlel ti loqʼuel ti xʌmbal (Nm. 35:25). * Pero wen ñucʌch i cʼʌjñibal muʼ bʌ i melob. Mi jiñi xtsʌnsa miʼ loqʼuel yaʼ ti tejclum, miʼ pʌs chaʼan maʼañic woli (choncol) i qʼuel ti ñuc i cuxtʌlel jiñi tsaʼ bʌ i tsʌnsa, i miʼ mejlel ti tsʌnsʌntel jaʼel.
ñaʼtan i miʼ putsʼel majlel ti jiñi tejclum chaʼan bʌ putsʼib ñumen lʌcʼʌl bʌ an (pejcan11. Mi juntiquil xñoptʼan muʼ bʌ i cʌy i mul yom i qʼuel ti ñuc i pʼuntaya Dios, ¿chuqui yom miʼ mel?
11 Ili ora, mi juntiquil am bʌ i mul yom chaʼan Dios miʼ pʼuntan, añʌch chuqui yom miʼ mel jaʼel. Yom miʼ junyajlel cʌy jiñi mulil, i mach yomic miʼ chʌn otsan i bʌ ti jiñi tsaʼ bʌ i yʌcʼʌ ti yajlel. Jiñi apóstol Pablo tsiʼ yʌlʌ chaʼan jiñi xñoptʼañob añoʼ bʌ ti Corinto tsaʼix bʌ i cʌyʌyob i mul tsiʼ tajayob i ‹chʼijiyemlel i pusicʼal chʼoyol bʌ ti Dios› i jiñʌch tsaʼ bʌ i coltayob, Pablo tiʼ subeyob: «Tsaʼ caji laʼ tsʼaʼlen mulil. Tsaʼ laʼ chaʼle bʌqʼuen. Cabʌl tsaʼ caji laʼ chaʼ cʼuxbiñon. Tsaʼ bʌxʼayetla. Tsaʼ laʼ juʼsʌbeyob i pusicʼal jini añoʼ bʌ i mul» (2 Co. 7:10, 11). Cheʼ mucʼʌch lac chaʼlen wersa laj cʌy jiñi tsʌts bʌ mulil, mi lac pʌsben Jehová chaʼan mucʼʌch lac chʼʌm ti ñuc bajcheʼ añonla yicʼot mi laj qʼuel ti ñuc i pʼuntaya.
12. ¿Chuqui tac yom miʼ cʌy juntiquil xñoptʼan chaʼan miʼ bej tajben i pʼuntaya Dios?
12 ¿Chuqui tac miʼ mejlel i cʌy juntiquil xñoptʼan chaʼan miʼ bej tajben i pʼuntaya Dios? Ti jumpʼejl i pusicʼal yom miʼ cʌy muʼ bʌ i mejlel i pʌy ti mulil anquese tajol miʼ wen mulan (Mt. 18:8, 9). Jumpʼejl ejemplo, mi mach weñic i melbal la camigojob, ¿muʼ ba caj lac chʌn ñochtañob? Mi maʼañic miʼ mejlel lac ticʼ lac bʌ tiʼ chaʼan bʌ lembal, ¿muʼ ba caj lac majlel yaʼ baqui miʼ mejlel i ñijcʌyel lac pusicʼal ti cʌlʌx jap lembal? Mi woliyonla (yʌquelonla) ti wersa chaʼan maʼañic mi lac yajlel ti chaʼan bʌ tsʼiʼlel, ¿mach ba añic mi caj lac tʌtsʼ lac wut tiʼ qʼuelol jiñi película tac, página ti Internet o ñusaqʼuin tac muʼ bʌ i bibʼesan lac pensar? Yom mi laj cʼajtesan chaʼan ñucʌch i cʼʌjñibal pejtel chuqui mi lac mel chaʼan xucʼulonla ti Jehová. Cheʼ miʼ cʌyonla Jehová jiñʌch ñumen cʼux bʌ miʼ mejlel la cubin. Pero miʼ wen aqʼueñonla tijicñʌyel cheʼ mi la cubin chaʼan miʼ ‹pʼuntañonla tiʼ pejtelel ora ti cabʌl cʼuxbiya› (Is. 54:7, 8).
‹MIʼ MEJLEL TI PUTSʼEL YAʼI›
13. ¿Chucoch tijicña miʼ mejlel ti chumtʌl jiñi xtsʌnsa yaʼ ti tejclum chaʼan bʌ putsʼib?
13 Mi jiñi xtsʌnsa añix tiʼ mal jiñi tejclum, maʼañix chuqui miʼ mejlel ti tumbentel. Jehová tsiʼ yʌlʌ chaʼan ili tejclum tac: «Mi mejlel i putsʼel yaʼi» (Jos. 20:2, 3). Jehová maʼañic tsiʼ yʌlʌ chaʼan yom miʼ chaʼ ujtel mel bʌ tiʼ contra jiñi xtsʌnsa. Cheʼ jaʼel, ti jiñi tejclum maʼañic miʼ mejlel ti ochel jiñi am bʌ tiʼ wenta chaʼan miʼ tsʌnsan jiñi xtsʌnsa. Maʼañic chuqui miʼ mejlel i bʌcʼñan mi yaʼʌch an tiʼ mal jiñi tejclum, come an i cʌntʌntel ti Dios. Come maʼañic ti cárcel, miʼ mejlel ti eʼtel (troñel), i coltan yambʌlob yicʼot miʼ melben i yeʼtel Jehová. Tijicña miʼ mejlel ti chumtʌl.
Chʼujbin ti jumpʼejl a pusicʼal chaʼan Jehová tsaʼix i ñusa a mul. (Qʼuele jiñi párrafo 14 cʼʌlʌl ti 16).
14. ¿Chuqui miʼ mejlel i ñop jiñi xñoptʼan tsaʼix bʌ i cʌyʌ i mul?
14 An hermanojob cʌybilix bʌ i chaʼañob i mul, pero chʌn añob to i mul miʼ yubin. An muʼ bʌ i ñaʼtañob chaʼan Jehová mi caj i bej qʼuelbeñob i sajtemal. Mi cheʼ maʼ wubin a bʌ, ñaʼtan chaʼan Jehová tsiʼ pʼuntayet i tsaʼix i junyajl ñusabeyet. Maʼañic chuqui yom maʼ bʌcʼñan. Daniel, jiñi tsaʼ bʌ lac taja ti tʼan yaʼ ti párrafo 9, tsiʼ qʼuele chaʼan cheʼʌchi. Salmo 103:8-12).
Cheʼ bʌ tsaʼ aqʼuenti ticʼojel ti ancianojob i tsaʼ coltʌnti chaʼan miʼ chaʼ tojʼesan i conciencia, tsiʼ yubi i tijicñʌyel. Daniel miʼ yʌl: «Maʼañix c mul tsaʼ cubi c bʌ. Tsaʼ junyajlel jili tsaʼ cubi chuqui tsaʼ c mele. Cheʼ bajcheʼ miʼ yʌl Jehová, miʼ chʼʌmbeñonla laj cuch i wen ñajt miʼ majlel i cʌy. I maʼañix mi lac chʌn taj laj qʼuel». Tsaʼ la cʌlʌ chaʼan jiñi xtsʌnsa maʼañic chuqui miʼ bʌcʼñan mi yaʼʌch an tiʼ mal jiñi tejclum. Cheʼ lajal Jehová jaʼel, cheʼ bʌ miʼ ñusʌbeñonla lac mul, mach yomic mi lac chʌn bʌcʼñan chaʼan muʼto caj i chaʼ cʼajtesʌbeñonla (pejcan15, 16. ¿Bajcheʼ miʼ coltañonla cheʼ la cujil chaʼan Jesús tsiʼ yʌcʼʌ i cuxtʌlel ti lac tojlel i jiñʌch Ñuc bʌ Motomaj lac chaʼan?
15 Joñonla ñumen cabʌl muʼ bʌ i yʌqʼueñonla lac ñop chaʼan Jehová miʼ pʼuntañonla. Cheʼ bajcheʼ tsaʼ laj qʼuele tiʼ tejchibal, Pablo tsiʼ yʌlʌ chaʼan pʼumpʼun tsiʼ yubi i bʌ yicʼot tsiʼ taja i chʼijiyemlel come maʼañic miʼ mejlel i jacʼben i tʼan Jehová tiʼ pejtelel bajcheʼ yom. Anquese tsaʼʌch i chaʼle cabʌl wersa chaʼan jiñi mulil yicʼot i ñoxiʼ melbal tac, tsiʼ yʌlʌ: «Wocolix i yʌlʌ Dios, Jesucristo lac Yum miʼ yʌcʼon ti colel» (Ro. 7:25). Wen yujil chaʼan Jehová tsaʼʌchix i ñusʌbe i mul tiʼ tojlel Jesús, come tsiʼ cʌyʌ i mul. Cristo tsiʼ yʌcʼʌ i cuxtʌlel ti lac tojlel, cheʼ bajcheʼ jiñi, sʌc miʼ yajñel laj conciencia yicʼot mi lac taj i ñʌchʼtʌlel lac pusicʼal (He. 9:13, 14). Jiñʌch jiñi Ñuc bʌ Motomaj lac chaʼan, i «miʼ mejlel i junyajlel coltan pejtel muʼ bʌ i lʌcʼtesañob i bʌ baʼan Dios tiʼ tojlel Jesús. Come chʌn cuxul tiʼ pejtelel ora. Woliʼ chʌn tajob ti oración tiʼ tojlel Dios» (He. 7:24, 25). Ti wajali, jiñi eʼtel muʼ bʌ i mel jiñi ñuc bʌ motomaj miʼ yʌqʼuen i ñaʼtan jiñi israelob chaʼan mucʼʌch caj i ñusʌbentelob i mul ti Jehová. Jiñi eʼtel muʼ bʌ i mel Jesús jaʼel ili ora, ñumento miʼ yʌqʼueñonla lac ñaʼtan chaʼan mi caj lac taj lac pʼuntʌntel yicʼot «laj coltʌntel tiʼ yutslel i pusicʼal [Dios] cheʼ an wocol» (He. 4:15, 16).
16 Jin chaʼan, mi a wom a taj a putsʼijib ti Jehová, acʼʌ a ñopoñel tiʼ cuxtʌlel tsaʼ bʌ i yʌcʼʌ Jesús. Mach a ñaʼtan chaʼan jiñi i tojol mulil tsaʼ ajqʼui chaʼan majqui jach bʌ quixtañu. Chʼujbin chaʼan a chaʼañʌch tsaʼ aqʼuentiyet (Gá. 2:20, 21). Tsaʼ ajqʼui chaʼan Dios miʼ ñusʌbeñet jiñi mulil melbil tac bʌ a chaʼan. Yom maʼ ñop jaʼel chaʼan jiñi i tojol mulil miʼ yʌqʼueñet a pijtaya chaʼan maʼ mejlel ti chumtʌl tiʼ pejtelel ora. Jiñi i cuxtʌlel Jesús jiñʌch jumpʼejl a majtan tsaʼ bʌ i yʌqʼueyet Jehová.
17. ¿Chucoch a wom a sʌclan a putsʼib ti Jehová?
17 Jiñi tejclum tac chaʼan bʌ putsʼijib jiñʌch junchajp bajcheʼ tsiʼ pʌsʌ i pʼuntaya Jehová. Cheʼʌch tsiʼ yʌcʼʌ ti ñaʼtʌntel chaʼan chʼujul miʼ qʼuel laj cuxtʌlel. Pero tsiʼ pʌsʌ jaʼel bajcheʼ miʼ coltañonla jiñi ancianojob, chuqui yom i yʌl cheʼ tiʼ sujmlel mi laj cʌy lac mul yicʼot mi lac ñop chaʼan mucʼʌch i ñusʌbeñonla lac mul. ¿Woli ba lac sʌclan lac putsʼib ti Jehová? Jiñʌch jiñi ñumen wem bʌ lac putsʼib ili ora (Sal. 91:1, 2). Ti yambʌ temaj mi caj laj qʼuel bajcheʼ miʼ coltañonla ili tejclum tac chaʼan mi lac lajin Jehová, jiñi ñumen wem bʌ xpʌsoñel chaʼan chuqui toj yicʼot chaʼan pʼuntaya.
^ parr. 10 Cabʌl libro i chaʼan judíojob miʼ pʌs chaʼan jiñi mero i familiajob jiñi xtsʌnsa tajol miʼ majlelob ti chumtʌl yicʼot yaʼ tiʼ tejclum chaʼan putsʼijib.