LAC TSICTESΛBENTEL (CHAʼAN BɅ ESTUDIO) Febrero 2017
Ti ili revista mi caj a taj jiñi temaj tac muʼ bʌ caj i qʼuejlel cheʼ ti 3 cʼʌlʌl ti 30 i chaʼan abril, 2017.
Jiñi ñaʼtʌbil bʌ i chaʼan Jehová mi caj i tsʼʌctiyel
¿Chuqui tsiʼ ñaʼta i mel Dios tiʼ tojlel jiñi quixtañujob yicʼot chaʼan ili Pañimil? ¿Chucoch maʼañic tsaʼ tsʼʌctiyi? ¿Chucoch ñucʌch i cʼʌjñibal cheʼ tsiʼ yʌcʼʌ i cuxtʌlel Jesús chaʼan miʼ tsʼʌctiyel chuqui ñaʼtʌbil i chaʼan Dios?
Jiñi i tojol mulil: Utsʼat bʌ majtañʌl tilem bʌ ti lac Tat
Miʼ mejlel lac taj cabʌl bendición chaʼan ili majtañʌl tilem bʌ ti Dios, pero añʌch chuqui wen ñuc bʌ i cʼʌjñibal miʼ yʌcʼ ti tsictiyel chaʼan yaʼ bʌ chumulob ti panchan yicʼot ti Pañimil.
Jehová miʼ tojʼesan majlel i tejclum
Jehová tsiʼ cʼʌñʌ wiñicob tiʼ wajali chaʼan miʼ tojʼesan majlel i tejclum. ¿Chuqui miʼ yʌqʼueñonla lac ñaʼtan chaʼan Jehová woliʼ cʼʌn jiñi wiñicob?
¿Majqui woliʼ tojʼesʌben majlel i tejclum Dios ili ora?
Jesús tsiʼ sube jiñi xcʌntʼañob i chaʼan chaʼan mi caj i yajñel yicʼotob cʼʌlʌl tiʼ yujtibal qʼuin. ¿Bajcheʼ woliʼ tojʼesan majlel i tejclum Dios ili ora?
UJTEM BɅ TIʼ TOJLEL
Jehová cabʌl bajcheʼ tsiʼ pʌsbeyon lojon i yutslel i pusicʼal mach bʌ i wentʌlelic miʼ mel
Douglas yicʼot Mary Guest tsiʼ qʼueleyob chaʼan Jehová tsiʼ pʌsbeyob i yutslel i pusicʼal cheʼ bʌ ochemob añob bajcheʼ precursor ti Canadá yicʼot cheʼ misionerojob ti Brasil yicʼot ti Portugal.
Jiñi xpejcaya juñob miʼ cʼajtibeñob i bʌ
Jiñi apóstol Pablo tiʼ tsʼijbu chaʼan Dios maʼañic mi caj i yʌcʼ chaʼan mi lac ñusan jumpʼejl wocol mach bʌ mejlix laj cuch. ¿Yom ba i yʌl iliyi chaʼan Dios miʼ ñaxan qʼuel bajcheʼ cʼamel miʼ mejlel laj cuch i ti wiʼil miʼ yajcan jiñi wocol tac muʼ bʌ caj lac ñusan?
