«Laʼ tilic a yumʌntel»: Jiñʌch muʼ bʌ i wen cʼajtiñob yonlel lac piʼʌlob
¿Am baʼ cʼajti chaʼan miʼ tilel i Yumʌntel Dios? Jiñʌch muʼ bʌ i wen cʼajtiñob yonlel quixtañujob cʼʌlʌl ti wajali. ¿Chucoch? Come Jesús tiʼ sube jiñi xcʌntʼañob chaʼan miʼ cʼajtiñob chaʼan miʼ tilel i Yumʌntel Dios.
Jiñi xcʌntʼañob maʼañic tsiʼ chʼʌmbeyob i sujm ti ñaxan pejtelel tsaʼ bʌ i yʌlʌ Jesús chaʼan bʌ i Yumʌntel Dios. Ti jumpʼejl bʌ qʼuin tsiʼ cʼajtibeyob: «C Yum, ¿muʼ ba caj a chaʼ waʼchocon i yumʌntel Israel ti ili ora?». Tajol tsaʼ toj sajtiyob i pusicʼal cheʼ bʌ Jesús maxto tsʼʌcʌlic tsiʼ jacʼbeyob (Hechos 1:6, 7). ¿Yom ba i yʌl jiñi chaʼan mach mejlic lac ñaʼtan chuqui jiñi i Yumʌntel Dios yicʼot jala mi caj i tilel? Maʼañic.
Ti ili revista mi caj i jajqʼuel ili cʼajtiya tac:
¿Chucoch i cʼʌjñibal lac chaʼan jiñi i Yumʌntel Dios?
¿Majqui mi caj i yajñel bajcheʼ Rey ti jiñi Yumʌntel?
¿Jala mi caj i chʼʌm tiʼ wenta ili Pañimil?
¿Bajcheʼ mi caj i coltan i Yumʌntel Dios jiñi lac piʼʌlob?
¿Chucoch yom mi laj coltan jiñi i Yumʌntel Dios ili ora?
¿Chuqui jiñi i Yumʌntel Dios?
Miʼ mejlel a qʼuel jaʼel iliyi
ESSENTIAL BIBLE TEACHINGS
¿Chuqui jiñi i Yumʌntel Dios?
Cheʼ bʌ Jesús tsiʼ chaʼle subtʼan, tsiʼ wen taja ti tʼan chaʼan i Yumʌntel Dios bajcheʼ yambʌ temaj tac. Cabʌlix jab, jiñi xñoptʼañob an i cʼajtiyob ti oración chaʼan miʼ tilel i Yumʌntel.
