Cheʼ mi caj lac chaʼlen estudio tajol mi laj cʼajtiben lac bʌ: «¿Chuqui mi caj cʌn?». Weñʌch bajcheʼ jiñi, pero cheʼ jaʼel yom jamʌl lac pensar chaʼan tajol Jehová an chuqui yom i tsijib pʌsbeñonla. ¿Bajcheʼ miʼ mejlel lac mel?

Cʼajtiben Jehová a ñaʼtʌbal. Mach yomic jasʌl maʼ wubin a wujilix bʌ (Pr. 3:​5, 6). Cʼajtiben i coltaya chaʼan maʼ mejlel a ñaʼtan chuqui yambʌ yom i pʌsbeñet (Sant. 1:5).

Acʼʌ chaʼan jiñi i tʼan Dios miʼ coltañet ti a cuxtʌlel. «Jiñi i tʼan Dios cuxulʌch» (Heb. 4:12). Cheʼ jamʌl lac pensar mi lac pejcan jiñi Biblia, an chuqui miʼ mejlel lac tsijib cʌn yicʼot cabʌl bajcheʼ miʼ mejlel i coltañonla.

Qʼuele ti ñuc pejtelel muʼ bʌ i cʼʌn Jehová chaʼan miʼ cʌntesañet. Jiñi muʼ bʌ i cʼʌn Jehová chaʼan miʼ cʌntesañonla lajal bajcheʼ sumuc bʌ i bʌl lac ñʌcʼ (Is. 25:6). Mach a cʌy jiñi tema tac maʼañic bʌ maʼ wen mulan yilal, mi caj i coltañet chaʼan maʼ ñumen weñʼesan a melbal i mi caj a qʼuel chaʼan mucʼʌch caj a mulan.