Ti jujumpʼejl jab an chʌmeñob yonlel quixtañu tiʼ caj maʼañic chuqui miʼ cʼuxob yicʼot jiñi cʼamʌjel muʼ bʌ i cʌy jiñi pʼumpʼuñiyel. Anquese an país tac am bʌ cabʌl i taqʼuin, pero yonlelob pʼumpʼun chumulob. Jiñi Biblia miʼ yʌl chaʼan ili jiñʌch jumpʼejl wocol wʌn ñʌmʌlix bʌ ti qʼuejlel. (Pejcan Juan 12:8.)

Yom an jumpʼejl yumʌl muʼ bʌ i puc ti wen chuqui i cʼʌjñibal bʌ i chaʼan jiñi quixtañujob chaʼan miʼ jisʌntel jiñi pʼumpʼuñiyel. Cheʼ jaʼel, jiñi yumʌl yom miʼ jisan jiñi guerra tac come jiñʌch tiʼ caj an cabʌl pʼumpʼuñiyel. Ili yumʌl jiñʌch muʼ bʌ caj i yʌqʼueñonla Dios. (Pejcan Daniel 2:44.)

Dios tsiʼ yajca chaʼan jiñi i Yalobil, Jesucristo, miʼ yuman ili pañimil (Salmo 2:4-8). Jesús mi caj i coltan jiñi pʼumpʼuñoʼ bʌ yicʼot jiñi muʼ bʌ i ticʼlʌntelob. (Pejcan Salmo 72:8, 12-14.)

Jesucristo, jiñi «Xlajmesa leto», mi caj i yʌcʼ ñʌchʼtilel tiʼ pejtelel pañimil yicʼot maʼañix miʼ cajel bʌqʼuen. Cheʼ jiñi, tiʼ pejtelel quixtañujob mi caj i tajob i chumlib, wem bʌ troñel yicʼot cabʌl i bʌl i ñʌcʼob. (Pejcan Isaías 9:6, 7; 65:21-23.)