Ti jiñi jabil chaʼan subtʼan 2021, a jiñi COVID-19 tsiʼ wen aqʼue wocol jiñi lac piʼʌlob. Cheʼ bajcheʼ tsaʼ ajli ti jiñi tema «Ti ili pandemia cabʌl tsaʼ coltʌntiyob» an cʼʌjñi cabʌl millón dólar b chaʼan miʼ coltʌntel jiñi tsaʼ bʌ i tajayob wocol tiʼ caj ili pandemia, i an mejli ñumen ti 950 Comité de Socorro.

 Pero mach cojach jiñi COVID-19 tsiʼ ticʼla jiñi hermanojob ti pejtelel pañimil, come añʌch ujtem jaʼel yan tac bʌ wocol bajcheʼ jiñi icʼ jaʼal o yujquel lum. Jin chaʼan, jiñi Comité chaʼan Coordinadorob chaʼan jiñi Junmojt muʼ bʌ i pʌsob bij tsiʼ yʌlʌ chaʼan miʼ yʌjqʼuel yambʌ 8 millón dólar chaʼan miʼ coltʌntelob jiñi hermanojob tsaʼ bʌ tajleyob ti ili wocol tac. Laʼ laj qʼuel chaʼpʼejl ejemplo bajcheʼ tsaʼ cʼʌjñi ili donación tac.

 Ti 22 chaʼan mayo, 2021, yaʼ ti República Democrática del Congo, jiñi volcán Nyiragongo tsaʼ tojmi. Jiñi lava tsiʼ jisa cabʌl otot, escuela yicʼot jiñi jaʼ. Pero mach cojachi, cabʌl qʼuin tsaʼ yajli i tʌñil yaʼ ti tejclum Goma i tsaʼ ujti cabʌl yujquel lum. Cabʌl lac piʼʌlob tsiʼ cʌyʌyob i yotot, i an tsaʼto bʌ cʼotiyob ti Ruanda.

 Ñumen ti 5 mil i testigojob Jehová tsaʼ bʌ loqʼuiyob ti yotot. An tsaʼ bʌ jiliyob i yotot tiʼ caj jiñi volcán i an tsaʼ bʌ ochiyob ti xujchʼibentel. Jiñi comité de socorro chaʼan Ruanda yicʼot jiñi República Democrática del Congo tsiʼ comol chaʼleyob eʼtel. Jiñi sucursal am bʌ República Democrática del Congo miʼ subeñonla chuqui tsiʼ yʌlʌ juntiquil comité chaʼan sucursal: «Cheʼ bʌ maxto ajli chaʼan jiñi hermanojob miʼ loqʼuelob yaʼ ti tejclum jiñi comité tsaʼ caji i puc jaʼ, bʌlñʌcʼʌl, pisil yicʼot tsuts anquese jiñi tejclum wen añix ti wocol». Ti jumpʼejl tejclum baqui ñumen ti 2 mil hermanojob tsaʼ cʼotiyob, jumpʼejl comité de socorro tsiʼ yʌcʼʌ cabʌl tienda de campaña yicʼot cubreboca tac i tiʼ tsictesayob bajcheʼ miʼ mejlel i cʌntañob i bʌ chaʼan maʼañic miʼ tajob COVID-19 yicʼot jiñi cólera.

 Ti uxp’ej uw jiñi hermanojob tsiʼ pucuyob ñumen ti 6 tonelada arroz, 6 tonelada maseca i ñumen ti 8 mil litro aceite yicʼot jaʼ. Jiñi sucursal yaʼ jach tsiʼ mʌñʌ yaʼ baqui lʌcʼʌ an jiñi hermanojob chaʼan maʼañic miʼ cʌlʌx jisʌntel taqʼuin cheʼ ñajt baqui miʼ tilel.

 Juntiquil hermana miʼ yʌl: «Wen wocol woli lon c ñusan». Jiñi volcán tsiʼ jisʌbeyob i yotot. Pero ti wiʼil tsaʼʌch coltʌnti yicʼot i familia i tsaʼ ñuqʼuesʌbentiyob i pusicʼal. Wʌle miʼ yʌl: «Wocolix i yʌlʌ Jehová an lon c chaʼan chuqui i cʼʌjñibal lon c chaʼan. An lon j qʼuele chaʼan Jehová miʼ coltañonla laj cuch majlel jiñi lac wocol tac yicʼot miʼ coltañonla chaʼan mach wen wocolic mi la cubin jiñi woli bʌ lac ñusan».

 Venezuela añix cabʌl jab wocol woliʼ ñusan chaʼan taqʼuin. Maʼañic wen an bʌlñʌcʼʌl yicʼot cabʌlix xujchʼ. Jiñi hermanojob wen wocol miʼ yubiñob, pero jiñi i yorganización Jehová maʼañic miʼ bajñel cʌyob.

 Ti jiñi jabil chaʼan subtʼan tsaʼix bʌ ñumi, ñumen ti un millón dólar tsaʼ cʼʌjñi chaʼan miʼ mʌjñel chuqui miʼ cʼuxtʌl yicʼot xapom, i miʼ yʌqʼuentel jiñi i cʼʌjñibal bʌ i chaʼañob. Jiñi sucursal ti Venezuela miʼ yʌl: «Wocolʌch cheʼ ti jujumpʼejl uw yom miʼ chʼʌjmel majlel 130 tonelada bʌlñʌcʼʌl tiʼ pejtelel jiñi país chaʼan miʼ yʌqʼuentelob jiñi hermanojob». Jiñi hermanojob miʼ chocob majlel bʌlñʌcʼʌl tac mach bʌ orajic miʼ yʌsiyel. Jiñi sucursal miʼ bej al: «Cheʼ bʌ wen i yorajlel yicʼot cheʼ juben i tojol miʼ wʌn mʌjñel ti on jiñi bʌlñʌcʼʌl. Cheʼ jiñi miʼ cʼʌjñel jiñi mach bʌ wen letsic tac i tojol chaʼan miʼ chʼʌmbentelob majlel jiñi hermanojob».

 Leonel ochem ti jiñi Comité de Socorro ti Venezuela, i miʼ wen mulan i yeʼtel. Miʼ yʌl: «Ili eʼtel wen ñuc i cʼʌjñibal chaʼañon, an i wen coltayon cʼʌlʌl cheʼ bʌ tsaʼ chʌmi quijñam tiʼ caj jiñi COVID-19. Cheʼ jaʼel, cabʌl chuqui mic mel i mi cubin chaʼan mucʼʌch mejlel j coltan jiñi hermanojob wocol bʌ miʼ ñusañob. An j qʼuele chaʼan Jehová machʌch añic miʼ cʌy jiñi i tejclum».

 Juntiquil hermano tsaʼ bʌ i chaʼle eʼtel yaʼ ti comité de socorro miʼ yʌl: «Wʌle joñonix com bʌ coltʌntel, mach cojic jach tsaʼ aqʼuentiyon lojon chuqui i cʼʌjñibal lon c chaʼan. Jiñi hermanojob tsiʼ coltayon lojon quicʼot quijñam chaʼan mi cubin lon c ñʌchʼtʌlel yicʼot tijicñʌyel, tsiʼ wen coltayoñob lon».

 Mach pijtʌbilic miʼ waʼ ujtel jumpʼejl wocol. Pero jiñi organización mach jalic miʼ tempan yicʼot miʼ puc bʌlñʌcʼʌl yicʼot yan tac bʌ tiʼ coltaya jiñi donación tac muʼ bʌ laʼ wʌcʼ, wocolix laʼ wʌlʌ. Ti donate.pr418.com miʼ mejlel laʼ qʼuel bajcheʼ miʼ mejlel laʼ wʌcʼ laʼ donación, mic wen qʼuel lojon ti ñuc muʼ bʌ laʼ mel.