Ti 24 de enero chaʼan 2023, jiñi científicojob tsiʼ chaʼleyob ti adelantar jiñi Reloj chaʼan jiñi juicio final a chaʼan ñumen lʌcʼʌlix an tiʼ yojlil acʼʌlel, yom i yʌl ñumen lʌcʼʌlix i jilibal pañimil.

•   «Ili martes, jiñi Reloj chaʼan jiñi juicio final, muʼ bʌ i pʌs jiñi wocol tac woli bʌ i ñusan ili pañimil, tsaʼ ñumen lʌcʼtiyi tiʼ yojlil acʼʌlel tiʼ caj jiñi guerra ti Ucrania, tiʼ caj an yomoʼ bʌ i techob guerra yicʼot tiʼ caj jiñi contaminación» (Servicio internacional de noticias de la agencia AFP).

•   «Jiñi científicojob tsiʼ yʌlʌyob ili martes chaʼan tsiʼ chaʼleyob ti adelantar jiñi Reloj chaʼan jiñi juicio final i an jachix yom 90 segundo chaʼan miʼ cʼotel tiʼ yojlil acʼʌlel, ili yom i yʌl chaʼan tsʼitaʼ jachix yom chaʼan jiñi lac piʼʌlob miʼ qʼuelob i jilibal ili pañimil» (ABC News).

•   «Junmojt científicojob miʼ yʌlob chaʼan ñumen bʌbʌqʼuen miʼ jilelob jiñi lac piʼʌlob ti ili ora» (The Guardian).

 ¿Lʌcʼʌlix ba i jilibal jiñi lac piʼʌlob yicʼot jiñi planeta? ¿Yom ba mi lac bʌcʼñan chuqui miʼ mejlel ti ujtel? ¿Chuqui miʼ yʌl jiñi Biblia?

 Jiñi Biblia miʼ yʌl chaʼan «jini lum an tiʼ pejtelel ora» yicʼot chaʼan an lac piʼʌlob muʼ bʌ caj «i yajñelob tiʼ pejtelel ora» (Eclesiastés 1:4; Salmo 37:29). Jiñi lac piʼʌlob maʼañic mi caj i jisañob jiñi Lum yicʼot maʼañic mi caj i jisañob jinto cheʼ maʼañix miʼ mejlel lac chumtan.

 Pero jiñi Biblia mucʼʌch i yʌl chaʼan añʌch chuqui mi caj i jisʌntel. Jumpʼejl ejemplo, miʼ yʌl chaʼan «jiñi pañimil mi caj i jilel» (1 Juan 2:17).

•   Mi a wom a ñaʼtan chuqui yom i yʌl jiñi Biblia cheʼ bʌ miʼ taj i tʼan i jilibal pañimil, pejcan jiñi tema «¿Woli ba i lʌcʼtiyel jiñi i jilibal pañimil? ¿Chuqui jiñi apocalipsis?».

•   Chaʼan maʼ qʼuel muʼ bʌ i yʌl jiñi Biblia chaʼan jalaqui mi caj i yujtel chuqui ñuc tac bʌ ila ti pañimil, pejcan jiñi tema «¿Cuándo será el fin del mundo?».

 Jiñi Biblia miʼ coltañonla chaʼan maʼañic mi laj cʌlʌx chaʼlen pensar anquese an cabʌl wocol ila ti pañimil. ¿Bajcheʼ?

•   Jiñi Biblia miʼ yʌqʼueñonla ticʼojel tac (2 Timoteo 3:16, 17). Jumpʼejl ejemplo, mi a wom a ñaʼtan bajcheʼqui jiñi Biblia miʼ mejlel i coltañet chaʼan maʼañic maʼ cʌlʌx chaʼlen pensar, pejcan jiñi tema «¿Chuqui miʼ mejlel c mel chaʼan maʼañic mij cʌlʌx chaʼlen pensar?».

•   Jiñi Biblia miʼ yʌqʼueñonla i sujm bʌ lac pijtaya (Romanos 15:4). Miʼ jamʌ subeñonla muʼ bʌ i mejlel lac pijtan ti ili ora yicʼot ti talto bʌ qʼuin, i jiñi miʼ coltañonla chaʼan maʼañic mi lac bʌcʼñan chuqui tac mi caj i yujtel.

 Chaʼan maʼ ñumen tajben i wenlel jiñi Biblia, mic poj subeñet lojon chaʼan yomix maʼ tech a chʼʌm jumpʼejl estudio loqʼuem bʌ ti Biblia.