«Jiñi contaminación miʼ yʌcʼ ti wocol jiñi lac piʼʌlob, tejclum tac, jiñi teʼ tac yicʼot añimal tac. Jiñi icʼ jaʼal ñumen tsʌts woliʼ ñumel tiʼ caj bajcheʼ qʼuextʌyem jiñi clima i woliʼ jisʌben i chumlib yicʼot chuqui tac i cʼʌjñibal i chaʼan yonlel lac piʼʌlob. Woliʼ ñumen ticwan jiñi océano tac i bʌbʌqʼuen miʼ chʌmel yonlel añimal tac». (Inger Andersen, secretaria general adjunta de las Naciones Unidas yicʼot directora ejecutiva del Programa de las Naciones Unidas para el Medio Ambiente, 25 de julio, 2023).

 ¿Muʼ ba caj i mejlel i lajob i tʼan jiñi yumʌlob chaʼan miʼ tojʼesañob ili wocol tac? ¿Muʼ ba caj i mejlel i tojʼesañob tiʼ sujm?

 Jiñi Biblia miʼ taj ti tʼan jumpʼejl yumʌntel muʼ bʌ i mejlel i tojʼesan ili wocol tac i mucʼʌch caj i mel. Miʼ yʌl chaʼan «jini Dios am bʌ ti panchan mi caj i waʼchocon yambʌ Yumʌl», jumpʼejlʌch yumʌntel muʼ bʌ caj i chʼʌm tiʼ wenta pejtelel jiñi Lum (Daniel 2:44). Cheʼ bʌ wolix i mel i yeʼtel jiñi Yumʌntel, jiñi quixtañujob maʼañix chuqui mi caj i yʌsiñob, maʼañic mi caj i ticʼlañob i bʌ i mi muqʼuicto caj i yʌsiñob ili Lum (Isaías 11:9).