Cabʌl lac piʼʌlob, i jinto jaʼel jiñi poj añoʼ bʌ i ñopbal miʼ yʌlob chaʼan jiñi Biblia maʼañix i cʼʌjñibal chuqui miʼ yʌl chaʼan jiñi piʼleya yicʼot chaʼan jiñi ñujpuñel. An iglesia tac tsaʼix bʌ i qʼuextayob chuqui miʼ ñaʼtañob chaʼan chuqui jiñi toj bʌ yicʼot jiñi mach bʌ tojic i mach cheʼix miʼ chʌn chaʼleñob cʌntesa cheʼ bajcheʼ ti wajali. ¿Tsaʼix ba ñumi i yorajlel muʼ bʌ i yʌl jiñi Biblia? Maʼañic. Laʼ laj qʼuel chucoch bej añixto i cʼʌjñibal.

 Chaʼan mi laj cʌn jiñi toj bʌ yicʼot jiñi mach bʌ tojic, wersa la com chaʼan Dios miʼ tojʼesañonla come cheʼʌch tsiʼ meleyonla. Jiñi Biblia miʼ yʌl: Jiñi wiñic «mach mejlic i bajñel yajcan i bijlel» (Jeremías 10:23). Jehová a tsiʼ meleyonla chaʼan mi lac yajcan chuqui la com, pero maʼañic tsiʼ yʌqʼueyonla ti lac wenta chaʼan mi lac bajñel ñaʼtan chuqui jiñi wem bʌ yicʼot jiñi mach bʌ wentaquic. Dios yom chaʼan mi lac chʼʌm ti ñuc (Proverbios 3:5).

 Jiñi ticʼojel tac muʼ bʌ i yʌcʼ Dios añʌch ti Biblia. Laʼ laj qʼuel chaʼchajp chucoch ñuc tac i cʼʌjñibal.

•   Dios jiñʌch tsaʼ bʌ i meleyonla (Salmo 100:3). Yujil chuqui i cʼʌjñibal bʌ lac chaʼan chaʼan tijicñayonla i chaʼan wen mi la cajñel. I yujil chuqui mi lac chaʼlen mi maʼañic mi lac jacʼ chuqui muʼ bʌ yʌl (Gálatas 6:7). Jehová yom chaʼan utsʼat mi la cajñel. Jiñi Biblia miʼ yʌl chaʼan jiñʌch muʼ bʌ i cʌntesañonla chaʼan mi lac taj chuqui wen, miʼ tojʼesañonla chaʼan mi lac chaʼlen xʌmbal ti jiñi bij baqui yom mi lac majlel (Isaías 48:17).

•   Jiñi lac pusicʼal miʼ mejlel i lotiñonla. Cabʌl lac piʼʌlob miʼ ñaʼtañob chaʼan jiñi lac pusicʼal yujil chuqui jiñi toj bʌ i mach bʌ tojic. Pero jiñi Biblia miʼ yʌl chaʼan «wen yujilob lot i pusicʼal winicob. Cabʌl i sajtemal» (Jeremías 17:9). Mi maʼañic mi la cʌcʼ chaʼan Dios miʼ tojʼesañonla i miʼ cʼotel lac mel mach bʌ weñic, chaʼ cʼuxix mi caj la cubin (Proverbios 28:26; Eclesiastés 10:2).

 Maʼañic. Jiñi Biblia miʼ cʌntesañonla tiʼ sujmlel i chaʼan Dios i miʼ pʌsbeñonla bajcheʼ yom jiñi lac melbal (1 Corintios 6:9-11; Gálatas 5:19-23). Dios yom chaʼan jiñi lac piʼʌlob miʼ cʌñob i sujmlel (1 Timoteo 2:3, 4). Jin chaʼan, jiñi i testigojob Jehová yom miʼ subob jiñi i sujmlel am bʌ tiʼ Tʼan Dios (Tito 1:7-9).

 An cabʌl lac piʼʌlob mach bʌ yomobic i jacʼ muʼ bʌ i yʌl jiñi Biblia, jin chaʼan miʼ sʌclañob ñopbalʌl baqui miʼ yʌjlel jiñi yomob jach bʌ i ñʌchʼtañob (2 Timoteo 4:3). Pero jiñi Biblia miʼ yʌqʼueñonla ili ticʼojel: «Obol laʼ bʌ muʼ bʌ laʼ lon qʼuel ti utsʼat jontolil. Mi laʼ wʌl jontol jini utsʼat bʌ» (Isaías 5:20). Dios mi caj i chaʼlen meloñel tiʼ tojlel jiñi añoʼ bʌ i yeʼtel ti ñopbalʌl come maʼañic woliʼ pʌsben jiñi quixtañujob chuqui jiñi toj bʌ yicʼot jiñi mach bʌ tojic tiʼ wut Dios..

 Maʼañic. Jiñi lac piʼʌlob yom bʌ i mel chuqui muʼ bʌ i mulan Dios, miʼ lajiñob Jesús i miʼ jacʼob chuqui muʼ bʌ i yʌl. Cheʼ jaʼel, Jesús tsiʼ cʌntesayob jiñi xcʌntʼañob i chaʼan chaʼan maʼañic miʼ chaʼleñob meloñel tiʼ tojlel yañoʼ bʌ yicʼot chaʼan miʼ cʼuxbiñob i miʼ qʼuelob ti ñuc (Mateo 5:43, 44; 7:1).

 Jiñi muʼ bʌ i tsajcañob Jesús yom miʼ chumtʌlob cheʼ bajcheʼ miʼ yʌl jiñi i mandar tac Dios. Cheʼ jaʼel, yomʌch miʼ ñaʼtañob chaʼan jiñi lac piʼʌlob añob tiʼ wenta i yajcañob chuqui yom miʼ melob ti jujuntiquil (Mateo 10:14). Jesús maʼañic tsiʼ cʼʌñʌ política mi yambʌ chaʼan miʼ wersa xicʼob chaʼan miʼ jacʼbeñob i tʼan Dios (Juan 17:14, 16; 18:36).

 Cheʼ mi lac chaʼlen wersa lac mel muʼ bʌ i yʌl jiñi i tʼan Dios mi lac tajben i wenlel ili ora yicʼot ti talto bʌ qʼuin (Salmo 19:8, 11). Jin tacʌch iliyi:

•   Tijicña mi caj a wubin (Proverbios 29:6).

•   Mi caj i sujtel ti a wamigo Dios (Proverbios 3:32).

•   Mi caj i coltañet Dios cheʼ baʼ ora maʼ ñusan wocol (Proverbios 11:8).

•   Mi caj a mejlel ti chumtʌl tiʼ pejtelel ora ila ti Pañimil (Salmo 37:29).