CAMPAÑA CHAʼAN CONMEMORACIÓN
Jesucristo mi caj i jisan jiñi guerra tac
Cheʼ bʌ Jesús tsajñi ila ti Lum tsiʼ pʌsʌ chaʼan miʼ wen cʼuxbiñonla i tsaʼto i yʌcʼʌ i bʌ ti chʌmel chaʼan miʼ toj lac mul (Mateo 20:28; Juan 15:13). Tsʼitaʼ jax yom chaʼan miʼ chaʼ pʌsbeñonla bajcheʼ cʼamel miʼ cʼuxbiñonla cheʼ bʌ miʼ jisan jiñi «guerra cʼʌlʌl tiʼ pejtelel pañimil» come jiñʌch jiñi Rey tiʼ Yumʌntel Dios (Salmo 46:9).
Qʼuele ti Biblia chuqui mi caj i mel Jesús:
«Miʼ locʼsan ti wocol jini pʼumpʼun bʌ cheʼ miʼ cʼajtiben, yicʼot jini ticʼlʌbil bʌ mach bʌ anic majqui miʼ coltan. Miʼ pʼuntan jini cʼun bʌ yicʼot jini pʼumpʼun bʌ. Miʼ coltan jini pʼumpʼuño’ bʌ. Mi caj i mʌn jini ticʼlʌbiloʼ bʌ yicʼot jini chuculoʼ bʌ ti jontolil chaʼan miʼ yʌcʼob ti colel» (Salmo 72:12-14).
¿Bajcheʼ miʼ mejlel lac pʌs chaʼan mi laj qʼuel ti ñuc tsaʼ bʌ i mele Jesús ti lac tojlel yicʼot muʼto bʌ caj i mel? Ti Lucas 22:19, Jesús tiʼ sube jiñi xcʌntʼañob chaʼan miʼ cʼajtesañob i chʌmel. Jin chaʼan, jiñi i testigojob Jehová miʼ tempañob i bʌ ti jujumpʼejl jab chaʼan miʼ cʼajtesañob. Mic subeñet lojon chaʼan maʼ mejlel ti majlel tiʼ cʼajtesʌntel i chʌmel Jesús cheʼ ti domingo 24 de marzo, 2024.
Miʼ mejlel a qʼuel jaʼel iliyi
I CʼAJTESɅNTEL I CHɅMEL JESÚS
Laʼ laj cʼajtesan i chʌmel Jesús
Mic pʌyet lojon chaʼan maʼ tilel ti ili ñuc bʌ qʼuin. Mi caj a cʌn bajcheʼ miʼ mejlel i coltañet i cuxtʌlel Jesús yicʼot cheʼ tsaʼ chʌmi.
ÑUC TAC BɅ CɅNTESɅNTEL AM BɅ TI BIBLIA
¿Chuqui jiñi i Yumʌntel Dios?
Cheʼ bʌ Jesús tsiʼ chaʼle subtʼan, tsiʼ wen taja ti tʼan chaʼan i Yumʌntel Dios bajcheʼ yambʌ temaj tac. Cabʌlix jab, jiñi xñoptʼañob an i cʼajtiyob ti oración chaʼan miʼ tilel i Yumʌntel.
LAC TSICTESΛBENTEL
Jiñi i sujmlel chaʼan i Yumʌntel Dios
Jiñi Biblia miʼ taj ti tʼan i Yumʌntel Dios. Miʼ yʌl baqui waʼchocobil, chuqui mi caj i mel, majqui jiñi i rey yicʼot majqui jiñi yambʌ yumʌlob yicʼot majqui i wiñicob.
CHAʼAN JOÑON LOJON
Com chaʼan mic julaʼtʌntel
Tajben i jacʼbal jumpʼejl cʼajtiya am bʌ ti Biblia o ñumen cʌñʌ jiñi i testigojob Jehová.
