CAMPAÑA CHAʼAN CONMEMORACIÓN
Jesucristo mi caj i jisan jiñi pʼumpʼuñiyel
Cheʼ bʌ Jesús tsajñi ila ti Lum tsiʼ pʌsʌ chaʼan miʼ wen cʼuxbin jiñi lac piʼʌlob, ñumento jiñi pʼumpʼuñoʼ bʌ yicʼot muʼ bʌ i ñusañob wocol (Mateo 9:36). Tsaʼto i yʌcʼʌ i cuxtʌlel tiʼ tojlel yambʌlob (Mateo 20:28; Juan 15:13). Tsʼitaʼ jax yom chaʼan miʼ chaʼ pʌsbeñonla bajcheʼ cʼamel miʼ cʼuxbiñonla: Mi caj i cʼʌn i pʼʌtʌlel chaʼan miʼ jisan jiñi pʼumpʼuñiyel ti pañimil come jiñʌch jiñi Rey tiʼ Yumʌntel Dios.
Jesús mi caj i tsʼʌctesan ili utsʼatax bʌ tʼan am bʌ ti Biblia:
«Laʼ i mel jini pʼumpʼuñoʼ bʌ. Laʼ i coltañob. Laʼ i tʼuchtan jini muʼ bʌ i ticʼlañob» (Salmo 72:4).
¿Bajcheʼ miʼ mejlel lac pʌs chaʼan mi laj qʼuel ti ñuc tsaʼ bʌ i mele Jesús ti lac tojlel yicʼot muʼto bʌ caj i mel? Ti Lucas 22:19, Jesús tiʼ sube jiñi xcʌntʼañob chaʼan miʼ cʼajtesañob i chʌmel. Jin chaʼan, jiñi i testigojob Jehová miʼ tempañob i bʌ ti jujumpʼejl jab chaʼan miʼ cʼajtesañob. Mic subeñet lojon chaʼan maʼ mejlel ti majlel tiʼ cʼajtesʌntel i chʌmel Jesús cheʼ ti domingo 24 de marzo, 2024.