Jesús miʼ chʼʌmben i sujm cheʼ bʌ mi lac toʼol ticʼlʌntel tiʼ caj jiñi jontoloʼ bʌ come cheʼʌch tsaʼ ujti tiʼ tojlel jaʼel, tsiʼ jopʼbeyob i mul, tsiʼ wen jatsʼʌyob, tsiʼ chaʼleyob meloñel tiʼ tojlel i tsiʼ yʌlʌyob chaʼan añʌch i mul, jin chaʼan tiʼ chʼijiyob ti teʼ. Anquese maʼañic i mul, tsaʼʌch i yʌcʼʌ i bʌ chaʼan miʼ yilan wocol ti laj caj yicʼot «tsaʼ mejli i yʌcʼ i cuxtʌlel chaʼan i tojol i mul cabʌlob» (Mateo 20:28; Juan 15:13). Ili ora añix bajcheʼ Rey tiʼ yumʌntel Dios. Mach jalix yom chaʼan miʼ junyajl jisan jiñi jontolil i maʼañix miʼ cajel toʼol ticʼlʌntel ila ti pañimil (Isaías 42:3).

 Jiñi Biblia miʼ yʌl chaʼan bajcheʼ yilal miʼ cajel ili pañimil cheʼ bʌ Jesús tsaʼix i jisa jiñi jontolil:

•   «Mach jalix mi caj i jilel jini mach bʌ anic miʼ ñop Dios. Cheʼ mi caj a qʼuel jini xjontolil mach yaʼix an. Jini utsoʼ bʌ i pusicʼal mi caj i yʌqʼuentelob i wenlel. Tijicña mi caj i yubiñob cheʼ ñʌchʼʌlob i pusicʼal» (Salmo 37:10, 11).

 ¿Bajcheʼ miʼ mejlel lac pʌs chaʼan mi laj qʼuel ti ñuc tsaʼ bʌ i mele Jesús ti lac tojlel yicʼot muʼto bʌ caj i mel? Ti Lucas 22:19, Jesús tiʼ sube jiñi xcʌntʼañob chaʼan miʼ cʼajtesañob i chʌmel. Jin chaʼan, jiñi i testigojob Jehová miʼ tempañob i bʌ ti jujumpʼejl jab chaʼan miʼ cʼajtesañob. Mic subeñet lojon chaʼan maʼ mejlel ti majlel tiʼ cʼajtesʌntel i chʌmel Jesús cheʼ ti domingo 24 de marzo, 2024.

Baqui maʼ mejlel ti majlel ti Conmemoración