Ti jumpʼejl informe cheʼ ti junio chaʼan 2022, jiñi presidente chaʼan jiñi Grupo Banco Mundial tsiʼ yʌlʌ: «Tiʼ petol pañimil chaʼ an wocol chaʼan jiñi taqʼuin. Ti ora woliʼ letsel i tojol chuqui tac an, i jiñi lac piʼʌlob mach cabʌlobic i taqʼuin chaʼan miʼ cʼʌñob».

 Jiñi Fondo Monetario Internacional tsiʼ yʌlʌ chaʼan «ti ora woliʼ letsel i tojol jiñi gasolina yicʼot jiñi bʌlñʌcʼʌl tac, i woliʼ ñumen ticʼlan jiñi lac piʼʌlob chumuloʼ bʌ ti jiñi país tac baqui mach wen añic taqʼuin».

 Jiñi Biblia miʼ coltañonla lac ñaʼtan chucoch an ili wocol chaʼan bʌ taqʼuin, chuqui miʼ mejlel lac mel yicʼot miʼ yʌqʼueñonla lac pijtaya chaʼan mi caj i jilel ili wocol.

•   Jiñi Biblia miʼ yʌl chaʼan chumulonla «ti jiñi cojix tac bʌ qʼuin» (2 Timoteo 3:1).

•   Jesús tsiʼ yʌlʌ chaʼan ili ora mi caj laj qʼuel «chuqui tac bʌbʌqʼuen bʌ» (Lucas 21:11). Jiñi lac piʼʌlob miʼ bʌcʼñañob cheʼ bʌ miʼ letsel i tojol chuqui tac an come mach yujilobic chuqui mi caj i yujtel ti wiʼil yicʼot mi mucʼʌch caj i mejlel i mʌcʼlañob i familia.

•   Jiñi libro chaʼan Apocalipsis tsiʼ wʌn alʌ chaʼan ti ili ora mi caj i letsel i tojol bʌlñʌcʼʌl. Miʼ yʌl: «Jumpʼejl kilo trigo jiñʌch i tojol jumpʼejl qʼuin eʼtel. Uxpʼejl kilo cebada, jiñʌch i tojol jumpʼejl qʼuin eʼtel» (Apocalipsis 6:6, I Tʼan Dios).

 Chaʼan maʼ ñumen cʌn chaʼan bʌ «jiñi cojix tac bʌ qʼuin» yicʼot jiñi profecía am bʌ yaʼ ti libro chaʼan Apocalipsis, qʼuele jiñi video Cheʼ ti 1914 tsaʼ qʼuextʌyi jiñi pañimil i pejcan jiñi tema «¿Qué representan los jinetes del Apocalipsis?».

•   «Winicob mi caj i waʼchocoñob i yotot. Yaʼi mi caj i chumtʌlob. Maʼanic majch mi caj i chilbeñob. Cheʼ miʼ pʌcʼob tsʼusubil, mi caj i cʼuxbeñob i wut. Maʼanic majch mi caj i xujchʼibeñob» (Isaías 65:21, 22).

•   «Mi caj i yʌcʼ cabʌl i cuch jini cholel yaʼ ti joctʌl cʼʌlʌl ti pam tac jini wits» (Salmo 72:16).

•   «Lac Yum woli ti tʼan: Woliʼ ticʼlʌntelob jini pʼumpʼuñoʼ bʌ. Woliyob ti wocol jini mach bʌ añobic i chubʌʼan. Jini chaʼan mux caj c tech meloñel» (Salmo 12:5).

 Tsʼitaʼ jax yom chaʼan Dios miʼ jisan jiñi wocol tac chaʼan bʌ taqʼuin, pero mach ti jumpʼejlic jach país, tiʼ petolʌch pañimil. Chaʼan maʼ ñaʼtan bajcheʼ mi caj i mel, pejcan jiñi tema «¿Es realista esperar un sistema económico justo?».

 Pero ili ora, jiñi Biblia miʼ mejlel i coltañet a ñaʼtan chuqui miʼ mejlel a mel cheʼ bʌ miʼ letsel i tojol chuqui tac an. ¿Bajcheʼ? Miʼ yʌqʼueñonla ticʼojel tac chaʼan bajcheʼ miʼ mejlel laj cʼʌn ti wen jiñi taqʼuin (Proverbios 23:4, 5; Eclesiastés 7:12). Chaʼan maʼ ñumen cʌn, pejcan jiñi tema «Cʌntan a taqʼuin» yicʼot «Cómo vivir con menos».