Tiʼ petol pañimil, cabʌl lac piʼʌlob maʼañic bʌ miʼ cʼuxob o miʼ cʼʌñob chuqui tac tilem bʌ ti añimal, ili cʌmbilob bajcheʼ vegano.

•   «An muʼ bʌ i ñaʼtañob chaʼan ñumen wen cheʼ veganojob, come cheʼ bajcheʼ jiñi miʼ chaʼleñob wersa chaʼan maʼañic miʼ ticʼlʌntel añimal tac chaʼan miʼ tajtʌl i bʌl lac ñʌcʼ, lac pislel o jiñʌch chuqui yambʌ» (The Vegan Society).

 Cabʌl lac piʼʌlob miʼ sujtelob ti vegano jaʼel come yom i cʌntañob pañimil, yom i cʌntañob i bʌ o tiʼ caj i ñopbalob i mach tiʼ cajic jach miʼ pʼuntañob jiñi añimal tac.

•   «Jiñi maʼañic bʌ miʼ junyajl cʼuxob chuqui tac tilem bʌ ti añimal tac wen qʼuexelob bajcheʼ yañoʼ bʌ come miʼ ñaʼtañob chaʼan jiñi muʼ bʌ i melob jiñʌch junchajp cheʼ bʌ yom miʼ wersa mejlel yicʼot chaʼan juntiquil lac piʼʌl muʼ bʌ i mel bajcheʼ jiñi woli ti coltaya chaʼan miʼ qʼuextʌyel ili pañimil» (Britannica Academic).

 ¿Muʼ ba caj i mejlel i qʼuextañob pañimil jiñi mach bʌ añic miʼ junyajl cʼuxob o i cʼʌñob chuqui tac tilem bʌ ti añimal? ¿Chuqui miʼ yʌl jiñi Biblia?

 Jiñi Biblia miʼ pʌs chaʼan tiʼ wut Jehová a ñumen ñuc laj cʼʌjñibal. Cheʼ bʌ tsiʼ mele Adán tsiʼ yʌqʼue tiʼ wenta jiñi añimal tac (Génesis 1:27, 28). Tiʼ wiʼil, Dios tsiʼ yʌlʌ chaʼan miʼ mejlel laj cʼux weʼel (Génesis 9:3). Pero jiñi mach yomic i yʌl chaʼan miʼ mulan miʼ ticʼlʌntel jiñi añimal tac (Proverbios 12:10).

 Jiñi Biblia miʼ pʌs chaʼan jujuntiquilix miʼ ñaʼtan mi yom i miʼ cʼux weʼel. b Pero jiñi muʼ bʌ lac mel mach yomic i yʌl chaʼan ñumen wen mi laj qʼuejlel ti Dios (1 Corintios 8:8). Maʼañic majqui yom miʼ yʌl yambʌ lac piʼʌl tiʼ caj miʼ cʼux weʼel o maʼañic (Romanos 14:3).

 Jiñi Biblia miʼ yʌl chaʼan jiñi muʼ bʌ lac yajcan lac mel maʼañic mi caj i tojʼesan ili pañimil. Cabʌl wocol am bʌ ili ora yaʼ tejchem tiʼ caj política, taqʼuin o yan tac am bʌ ila ti pañimil, i jiñi maʼañic majqui miʼ mejlel i tojʼesan. Jiñi Biblia miʼ yʌl:

•   «Chuqui tac mach tojic mach mejlic i tojʼesʌntel» (Eclesiastés 1:15).

 Muʼ bʌ caj i tojʼesan jiñi wocol tac jiñʌch Jehová. Jiñi Biblia miʼ yʌl chuqui mi caj i mel.

•   «Cheʼ jiñi tsaʼ j qʼuele jumpʼejl tsijiʼ bʌ panchan yicʼot jumpʼejl tsijiʼ bʌ pañimil, come jiñi panchan yicʼot jiñi pañimil am bʌ ti ñaxan tsaʼix jili, i jiñi mar tsaʼix jili» (Apocalipsis 21:1).

 Dios mi caj i jisan jiñi yumʌlob añoʼ bʌ ili ora i mi caj i yotsan jumpʼejl tsijiʼ bʌ Yumʌntel, jiñʌch jiñi i Yumʌntel am bʌ ti panchan. Ili Yumʌntel mi caj i jisan jiñi «pañimil am bʌ ti ñaxan», ili jiñobʌch jiñi jontoloʼ bʌ. I mi caj i chaʼlen yumʌntel tiʼ tojlel «jumpʼejl tsijiʼ bʌ pañimil», ili jiñobʌch jiñi muʼ bʌ i mulan i jacʼbeñob i tʼan.

 Jinto cheʼ bʌ jiñi i Yumʌntel Dios miʼ chaʼlen yumʌntel ti lac tojlel tijicñayix mi caj la cajñel la quicʼot jiñi añimal tac i maʼañix mi caj i bej jisʌntel ili pañimil (Isaías 11:6-9).