Cheʼ ti 24 chaʼan febrero ti 2022 cheʼ ti sʌcʼan, jiñi soldadojob chaʼan Rusia tsaʼ ochiyob ti Ucrania, anquese cabʌl yumʌlob ti pañimil tsiʼ chaʼleyob wersa chaʼan maʼañic miʼ tejchel jiñi guerra. ¿Chuqui ti wocol tac miʼ mejlel i yʌcʼ tiʼ petol pañimil ili woli bʌ i yujtel? António Guterres, secretario general chaʼan jiñi Naciones Unidas, tsiʼ yʌlʌ chaʼan «maʼañic miʼ mejlel ti ñaʼtʌntel bajcheʼ cʼamel» mi caj i yʌqʼuen wocol jiñi lac piʼʌlob, bajcheʼ cʼamel mi caj i jisan jiñi país yicʼot mi caj i yʌqʼuen wocol yan tac bʌ país yaʼ ti Europa yicʼot ti yan tac bʌ pañimil.

•   Jesucristo tsiʼ wʌn alʌ chaʼan «mi caj i contrajin i bʌ jumpʼejl tejclum yicʼot yambʌ, jumpʼejl yumʌntel yicʼot yambʌ» (Mateo 24:7). Pejcan jiñi tema «¿Cuál es la señal de ‹los últimos días› o de ‹los tiempos finales›?» chaʼan maʼ qʼuel chaʼan jiñi guerra tac woli bʌ i yujtel woliʼ tsʼʌctesan jiñi profecía tac tsaʼ bʌ i yʌlʌ Jesús.

•   Jiñi libro chaʼan Apocalipsis miʼ lajin jiñi guerra bajcheʼ juntiquil cʼʌchʌl bʌ majlel ti juncojt caballo cheʼ bʌ i colorlel bajcheʼ cʼajc i miʼ «jisan ñʌchʼtʌlel ti pañimil» (Apocalipsis 6:4). Mi a wom a ñumen cʌn, pejcan jiñi tema «¿Qué representan los jinetes del Apocalipsis?» i qʼuele chucoch jiñi guerra tac ili ora mucʼʌch i taj i bʌ yicʼot ili profecía.

•   Jiñi libro chaʼan Daniel tsiʼ wʌn alʌ chaʼan jiñi «rey ti norte» yicʼot jiñi «rey am bʌ ti sur» mi caj i contrajiñob i bʌ (Daniel 11:25-45). Qʼuele jiñi video Tsaʼ tsʼʌctiyi jiñi profecía am bʌ ti Daniel 11 chaʼan maʼ ñaʼtan chucoch miʼ yʌjlel chaʼan Rusia yicʼot i wiñicob jiñobʌch jiñi rey ti norte. a

•   Apocalipsis miʼ taj ti tʼan jaʼel «jiñi guerra chaʼan bʌ jiñi ñuc bʌ i qʼuiñilel Dios, jiñi Mach bʌ añic i pʼisol i pʼʌtʌlel» (Apocalipsis 16:14, 16). Pero ili guerra mach i chaʼañic jiñi tejclum tac, bajcheʼ woli bʌ i yujtel ili ora. Pejcan jiñi tema «¿Qué es el Armagedón?» chaʼan maʼ ñumen cʌn chaʼan bʌ ili guerra muʼ bʌ caj i yujtel.

•   Jiñi Biblia miʼ yʌl chaʼan Dios mi caj i jisan «guerra cʼʌlʌl tiʼ pejtelel pañimil» (Salmo 46:9). Pejcan jiñi tema «La esperanza real de un mañana mejor» chaʼan maʼ ñumen cʌn muʼ bʌ caj i mel Dios.

•   Jesús tiʼ sube jiñi xcʌntʼañob i chaʼan chaʼan miʼ cʼajtiñob miʼ tilel jiñi i Yumʌntel Dios (Mateo 6:9, 10). Ili Yumʌntel yaʼan ti panchan i mi caj i mel chuqui yom Dios ila ti Lum. I junchajp yom bʌ Dios jiñʌch cheʼ an ñʌchʼtʌlel tiʼ pejtelel pañimil. Qʼuele jiñi video ¿Chuqui jiñi i Yumʌntel Dios? chaʼan maʼ ñaʼtan chuqui mi caj i mel ti a tojlel ili Yumʌntel.

 Ti Ucrania an ñumen ti 129 mil i testigojob Jehová. Cheʼ bajcheʼ jiñi yambʌ Testigojob ti pañimil, miʼ lajiñob Jesús i maʼañic miʼ yotsañob i bʌ tiʼ chaʼan bʌ pañimil. Jin chaʼan, maʼañic miʼ yotsañob i bʌ ti política mi muqʼuicto i majlelob ti guerra (Juan 18:36). Jiñi i testigojob Jehová miʼ bej subob «jiñi wen tʼan chaʼan bʌ Yumʌntel» tiʼ pejtelel pañimil, miʼ subob chaʼan jiñʌch muʼ bʌ caj i jisan jiñi wocol tac, bajcheʼ jiñi guerra (Mateo 24:14). Mi a wom a ñumen cʌn chaʼan jiñi pijtaya muʼ bʌ i yʌl jiñi Biblia, mic subeñet lojon chaʼan maʼ pejcan juntiquil Testigo.