¡YOM CHɅN YɅXɅL LA CO!
¿Muʼ ba caj i cʼotel i yorajlel junlajal wen mi laj qʼuel lac bʌ? | ¿Chuqui miʼ yʌl jiñi Biblia?
Cabʌl lac piʼʌlob miʼ ñaʼtañob chaʼan maʼañic baʼ ora junlajal wen mi caj laj qʼuel lac bʌ.
«Woliʼ bej pʼojlel majlel jiñi tsʼaʼleya tiʼ caj bajcheʼ yilal i colorlel jiñi lac piʼʌlob i wolʌch i ticʼlan jiñi organización tac, jiñi lac piʼʌlob yicʼot bajcheʼ miʼ ñusañob ti jujumpʼejl qʼuin. I jiñʌch junchajp chucoch mach junlajal wen miʼ qʼuelob i bʌ jiñi lac piʼʌlob» (António Guterres, secretario general chaʼan jiñi Naciones Unidas).
¿Muʼ ba caj i cʼotel i yorajlel junlajal wen mi laj qʼuel lac bʌ? ¿Chuqui miʼ yʌl jiñi Biblia?
¿Bajcheʼ yilal miʼ qʼuel Dios iliyi?
Jiñi Biblia miʼ yʌl bajcheʼ yilal miʼ qʼuelonla Dios ti jujuntiquilonla.
«Tiʼ tojlel juntiquil wiñic [Dios] tsiʼ mele jujunmojt lac piʼʌlob chaʼan miʼ chumtañob pejtelel pañimil» (Hechos 17:26).
«Dios junlajal miʼ qʼuel pejtelel lac piʼʌlob, miʼ chʼʌm pejtelel muʼ bʌ i bʌcʼñan yicʼot muʼ bʌ i mel chuqui wen, mach yʌlʌyic baqui chʼoyol» (Hechos 10:34, 35).
Jiñi Biblia miʼ yʌl chaʼan jumpʼejl familiajonla ti lac pejtelel, mach yʌlʌyic bajcheʼ yilalonla.
¿Chuqui mi caj i mejlel chaʼan junlajal wen mi laj qʼuel lac bʌ?
Jiñi i Yumʌntel Dios mi caj i mejlel i mel chaʼan junlajal wen mi laj qʼuel lac bʌ. Mi caj i cʌntesan lac piʼʌlob chaʼan maʼañic miʼ tsʼaʼleñob yañoʼ bʌ. Jiñi lac piʼʌlob mi caj i cʌyob tsʼaʼleya.
«Mi caj i ñopob chuqui toj» (Isaías 26:9).
«Cheʼ toj miʼ melob winicob ñʌchʼʌl mi caj i yajñelob. Chaʼan tiʼ caj miʼ chaʼleñob chuqui toj, tijicñayob mi caj i cʼajob i yo. Maʼanix bʌqʼuen tiʼ pejtelel ora» (Isaías 32:17).
Ili ora, yonlelobix woli bʌ i cʌñob ti Biblia bajcheʼ yilal yom miʼ qʼuelob jiñi yañoʼ bʌ.
Mi a womto a bej cʌn, pejcan jiñi revista ¡Jamʌx a wut! am bʌ i cʼabaʼ «¿Muʼ ba caj laj cʌy lac tsʼaʼlen lac bʌ?»
Chaʼan maʼ ñaʼtan bajcheʼ miʼ mejlel a wʌl a wicʼot a walobilob iliyi, pejcan jiñi tema «¿Cómo hablar con sus hijos sobre el racismo?».