Mucʼʌch (Romanos 15:4). Cabʌl lac piʼʌlob woliʼ ñusañob tsʌts tac bʌ wocol yicʼot mach tijicñayobic miʼ yubiñob i bʌ, i an i tajayob i ñuqʼuesʌbentel i pusicʼal yaʼ ti Biblia.

Ti ili tema mi caj lac qʼuel chaʼpʼejl uxpʼejl versículo muʼ bʌ i mejlel i coltañet ti ili wocol tac:

•  Tsʌts tac bʌ wocol

•  Cheʼ bʌ an majqui miʼ chʌmel a chaʼan

•  Cheʼ wen an a mul maʼ wubin

•  Chʼijyemlel

•  Cʼamʌjel

•  Cʌlʌx pensar

•  Guerra

•  Cheʼ maʼ wen pensarin jiñi talto bʌ qʼuin

 Filipenses 4:13: «An c pʼʌtʌlel chaʼan chuqui jach mic mel wocolix i yʌlʌ jiñi muʼ bʌ i yʌqʼueñon c pʼʌtʌlel».

 Yom bʌ i yʌl: Dios miʼ mejlel i yʌqʼueñet a pʼʌtʌlel chaʼan maʼ lʌtʼ baqui jach bʌ wocol.

 Hechos 24:15: «Mi caj i chaʼ chʼojyelob».

 Yom bʌ i yʌl: Dios miʼ mejlel i chaʼ cuxtesan jiñi tsaʼ bʌ chʌmiyob a chaʼan.

 Salmo 103:12: «Cheʼ bajcheʼ i ñajtlel pañimil cʼʌlʌl tiʼ pasibal qʼuin cʼʌlʌl tiʼ bʌjlibal qʼuin, cheʼʌch tsiʼ chocbeyonla lac mul».

 Yom bʌ i yʌl: Cheʼ bʌ Dios miʼ ñusan lac mul, maʼañic miʼ chʌn cʼajtesan chaʼan miʼ yʌqʼueñonla la cubin lac chʼijyemlel o chaʼan miʼ yʌqʼueñonla lac toj lac mul. Mucʼʌch i junyajlel ñajʌtesan.

 Salmo 34:18: «Lʌcʼʌl an lac Yum baʼan chʼijiyemoʼ bʌ i pusicʼal. Miʼ coltan jini woli bʌ i melob i pusicʼal».

 Yom bʌ i yʌl: Dios miʼ yʌcʼ i tʼan chaʼan maʼañic mi caj i cʌyet cheʼ bʌ chʼijyem maʼ wubin a bʌ. Miʼ mejlel i yʌqʼueñet a pʼʌtʌlel chaʼan maʼ lʌtʼ jiñi a chʼijyemlel.

 Isaías 33:24: «Maʼanix mi juntiquilic muʼ bʌ caj i yʌl: «Cʼamon».

 Yom bʌ i yʌl: Dios miʼ yʌc i tʼan chaʼan ti jumpʼejl bʌ qʼuin pejtelel jiñi lac piʼʌlob ila ti Lum cʼocʼ mi caj i yajñelob.

 1 Pedro 5:7: Acʼʌla «pejtelel chuqui mi laʼ cʼojoʼtan tiʼ tojlel, come Dios mucʼʌch i ñaʼtañetla».

 Yom bʌ i yʌl: Dios i wentajʌch jiñi muʼ bʌ lac ñusan, jin chaʼan yom chaʼan mi lac suben pejtelel muʼ bʌ lac pensarin.

 Salmo 37:11, 29: «Jini utsoʼ bʌ i pusicʼal mi caj i yʌqʼuentelob i wenlel. Tijicña mi caj i yubiñob cheʼ ñʌchʼʌlob i pusicʼal». «Mi caj i yʌqʼuentelob jini pañimil jini tojoʼ bʌ. Mi caj i yajñelob tiʼ pejtelel ora».

 Yom bʌ i yʌl: Jiñi lac piʼʌlob weñoʼ bʌ i pusicʼal ñʌchʼʌl mi caj i chumtʌlob tiʼ pejtelel ora ila ti Pañimil.

 Apocalipsis 21:4: «Mi caj i sujcubeñob i yaʼlel i wut, maʼañix miʼ cajel chʌmel, mi muqʼuicto i cajel chʼijyemlel, uqʼuel yicʼot cʼuxyajiyel. Jiñi an tac bʌ ti ñaxan tsaʼix jili».

 Yom bʌ i yʌl: Dios miʼ yʌl chaʼan mi caj i jisan jiñi jontolil am bʌ ila ti pañimil.