I yochib tʼan chaʼan jiñi libro tac am bʌ ti Biblia

I yochib tʼan chaʼan jiñi Biblia

Qʼuele bajcheʼ jujumpʼejl libro am bʌ ti Biblia mi taj ti tʼan bajcheʼ Jesús mi caj i cʼʌn jiñi Yumʌntel chaʼan miʼ sʌqʼuesʌben i cʼabaʼ Jehová.

I yochib tʼan chaʼan Génesis

Génesis miʼ subeñonla i tejchibal jiñi quixtañujob yicʼot bajcheʼ tsaʼ tejchi jiñi wocol yicʼot jiñi chʌmel.

I yochib tʼan chaʼan Éxodo

Jehová tsiʼ colta loqʼuel ti Egipto jiñi israelitajob yicʼot bajcheʼ tsaʼ ochiyob tiʼ tejclum.

I yochib tʼan chaʼan Levítico

Jiñi libro chaʼan Levítico miʼ yʌl chaʼan Dios chʼujulʌch i miʼ tsictesan chuqui ñuc i cʼʌjñibal cheʼ chʼujulonla jaʼel.

I yochib tʼan chaʼan Números

Laʼ laj qʼuel chucoch ñuc i cʼʌjñibal mi lac jacʼben i tʼan Jehová yicʼot chaʼan mi laj qʼuelob ti ñuc jiñi waʼchocobiloʼ bʌ i chaʼan.

I yochib tʼan chaʼan Deuteronomio

Qʼuele bajcheʼ jiñi Mandar tsaʼ bʌ i yʌqʼue Jehová jiñi israelitajob miʼ pʌs chaʼan mucʼʌch i wen cʼuxbin jiñi tejclum.

I yochib tʼan chaʼan Josué

Qʼuele bajcheʼ jiñi israelitajob miʼ chʼʌmob yicʼot miʼ tʼoxbeñob i bʌ jiñi lum tsaʼ bʌ aqʼuentiyob ti Jehová.

Ili libro cʌmbil bajcheʼ Jueces come miʼ taj ti tʼan bajcheʼ tsiʼ pʌsʌyob i chʼejlel jiñi juezob ti Israel. Dios tsiʼ cʼʌñʌ ili xucʼul bʌ wiñicob chaʼan miʼ coltan i tejclum tiʼ tojlel jiñi i contrajob.

I yochib tʼan chaʼan Rut

Jiñi libro chaʼan Rut miʼ taj ti tʼan juntiquil xchʼoc tsaʼ bʌ i chʌmi i ñoxiʼal i tsiʼ pʌsbe cʼuxbiya jiñi i suegra, chʌmeñix bʌ i ñoxiʼal jaʼel. Jehová tsiʼ yʌqʼue i majtan tiʼ chaʼticlelob.

I yochib tʼan chaʼan 1 Samuel

Qʼuele chuqui tsaʼ yʌjñi cheʼ bʌ jinto jiñi juezob miʼ melob i yeʼtel yaʼ ti Israel, i chuqui tsaʼ yʌjñi cheʼ bʌ jiñix jiñi reyob.

I yochib tʼan chaʼan 2 Samuel

Cʌñʌ chucoch jiñi Biblia miʼ taj ti tʼan chaʼan David tsaʼ wen cʌjñi yicʼot tsaʼ cʼuxbinti come tsiʼ pʌsʌ i pecʼlel yicʼot i ñopoñel.

I yochib tʼan chaʼan 1 Reyes

Qʼuele bajcheʼ Israel tiʼ sʌtʌ i tijicñʌyel cheʼ bʌ woli ti yumʌntel Salomón i miʼ taj wocol cheʼ miʼ tʼox i bʌ, i miʼ loqʼuel jiñi yumʌntel chaʼan Israel yicʼot Judá.

I yochib tʼan chaʼan 2 Reyes

Qʼuele chaʼan jiñi apostasía pujquemix ti jiñi yumʌntel am bʌ ti nortejlel Israel, pero Jehová miʼ yʌqʼuen i bendición jiñi xucʼulobto bʌ tiʼ tojlel.

I yochib tʼan chaʼan 1 Crónicas

Cʌñʌ majqui jiñi i ñojteʼelob jiñi rey David yicʼot chuqui tac tsiʼ ñusa o tsiʼ mele cheʼ bʌ tsiʼ teche yumʌntel ti Israel cʼʌlʌl cheʼ bʌ tsaʼ chʌmi.

I yochib tʼan chaʼan Esdras

Jehová miʼ yʌcʼ i tʼan chaʼan mi caj coltan i tejclum i mi caj i chaʼ tsijibtesan jiñi isujm bʌ chʼujutesaya yaʼ ti Jerusalén.

I yochib tʼan chaʼan Nehemías

Jiñi libro i chaʼan Nehemías miʼ chʼʌm tilel ñuc tac bʌ cʌntesʌntel chaʼan jiñi i wiñicob Dios ti ili ora.

I yochib tʼan chaʼan Ester

Jiñi tsaʼ bʌ ujti tiʼ yorajlel Ester miʼ pʼʌtʼesan lac chʼujbiya chaʼan Dios miʼ mejlel i coltan i tejclum ti ili ora cheʼ bʌ miʼ ñusan wocol.

I yochib tʼan chaʼan Job

Muʼ bʌ i cʼuxbiñob Jehová miʼ cajelob ti ñojpel. Jiñi historia i chaʼan Job miʼ pʌsbeñonla chaʼan xucʼulʌch mi lac mejlel ti ajñel yicʼot lac pʌs chaʼan añʌch tiʼ wenta Jehová miʼ chaʼlen yumʌntel.

I yochib tʼan chaʼan Salmos

Jiñi libro i chaʼan Salmos miʼ coltʌben i yumʌntel Jehová. Miʼ coltan jaʼel yicʼot miʼ tijicñesʌben i pusicʼal jiñi muʼ bʌ i cʼuxbiñob Dios i miʼ yʌl chaʼan jiñi i Yumʌntel Dios mi caj i wenʼesan ili Pañimil.

I yochib tʼan chaʼan Proverbios

Taja a ticʼol tilem bʌ ti Dios chaʼan choñoñel yicʼot chaʼan familia tac.

I yochib tʼan chaʼan Eclesiastés

Jiñi rey Salomón miʼ taj ti tʼan chuqui tac ñuc i cʼʌjñibal tiʼ sujm i miʼ pʌs chaʼan mach lajalic yicʼot i ñaʼtʌbal ili pañimil.

I yochib tʼan chaʼan Cantares

Jiñi cʼuxbiya mach bʌ yujilic jilel chaʼan jiñi xchʼoc chʼoyol bʌ ti Sulam tiʼ tojlel jiñi xcʌnta tiñʌmeʼ miʼ lajintel bajcheʼ cʼajc tilem bʌ ti lac Yum ¿chucoch?

I yochib tʼan chaʼan Isaías

Jiñi libro chaʼan Isaías jiñʌch jumpʼejl profecía muʼ bʌ i yʌqʼueñonla lac ñop chaʼan Jehová miʼ tsʼʌctesan i tʼan yicʼot chaʼan jiñʌch lac Dios muʼ bʌ i coltañonla.

I yochib tʼan chaʼan Jeremías

Jeremías tsiʼ chʌn chaʼle bajcheʼ xʼaltʼan anquese an wocol tac. Ñaʼtancu bajcheʼ jiñi wem bʌ i melbal miʼ mejlel i coltan jiñi xñoptʼañob ti ili ora.

I yochib tʼan chaʼan Lamentaciones

Ili libro tsaʼ bʌ i tsʼijbu jiñi xʼaltʼan Jeremías miʼ pʌs jiñi chʼijiyemlel tsaʼ bʌ ubinti tiʼ caj i jisʌntel Jerusalén yicʼot miʼ pʌs chaʼan cheʼ mi laj cʌy lac mul miʼ mejlel i coltañonla chaʼan mi lac taj i pʼuntaya Dios.

I yochib tʼan chaʼan Ezequiel

Ezequiel tsiʼ pʌsʌ pecʼlel yicʼot chʼejlel ti baqui jach bʌ eʼtel tsaʼ bʌ subenti, mach yʌlʌyic mi wen wocol o maʼan. Tsaʼ bʌ i mele wen ñuc i cʼʌjñibal chaʼañonla ili ora.

I yochib tʼan chaʼan Daniel

Daniel yicʼot i piʼʌlob xucʼul tsaʼ ajñiyob ti Jehová ti pejtelel. Tsaʼ bʌ i ñusayob yicʼot i tsʼʌctesʌntel jiñi profecía miʼ mejlel i coltañonla ti ili cojix tac bʌ qʼuin.

I yochib tʼan chaʼan Oseas

Tsaʼ bʌ i tsʼijbu Oseas miʼ pʌsbeñonla ñuc tac bʌ laj cʌntesʌntel chaʼan i pʼuntaya Jehová tiʼ tojlel xjontolilob muʼ bʌ i cʌyob i mul yicʼot chaʼan bajcheʼ yom mi lac chʼujutesan.

I yochib tʼan chaʼan Joel

Jiñi xʼaltʼan Joel tsiʼ wʌn alʌ chaʼan jiñi i qʼuiñilel Jehová i tsiʼ yʌlʌ chuqui yom mi lac mel chaʼan cuxul mi la cajñel. Tsaʼ bʌ i yʌlʌ ñumento an i cʼʌjñibal ili ora.

I yochib tʼan chaʼan Amós

Jehová tsiʼ cʼʌñʌ ili wiñic mach bʌ cabʌlic i chubʌʼan chaʼan jumpʼejl ñuc bʌ eʼtel. ¿Chuqui ñuc tac bʌ cʌntesa miʼ mejlel laj cʌn tiʼ tojlel Amós?

I yochib tʼan chaʼan Abdías

Jiñi libro chaʼan Abdías jiñʌch ñumen chʼoʼchʼoc bʌ ti jiñi Tsʼijbujel hebreo o jiñi Antiguo Testamento. Jiñi profecía miʼ yʌqʼueñonla pijtaya yicʼot miʼ yʌl chaʼan Jehová miʼ caj i pʌs chaʼan jin yom miʼ chaʼlen yumʌl.

I yochib tʼan chaʼan Jonás

Jiñi xʼaltʼan Jonás tiʼ tsʼijbu chaʼan bajcheʼ tsaʼ tojʼesʌnti, bajcheʼ tiʼ tsʼʌctesa i yeʼtel, i tsiʼ cʌñʌ chaʼan jiñi cʼuxbiya yicʼot i pʼuntaya Jehová. Tsaʼ bʌ i ñusa miʼ caj i ñijcan a pusicʼal.

I yochib tʼan chaʼan Miqueas

Ili profecía tilem bʌ ti Dios miʼ yʌqʼueñonla lac ñop chaʼan Jehová maʼañic baʼ ora miʼ cʼajtin mach mejlic lac mel yicʼot miʼ yʌqʼueñonla cabʌl wenlel.

I yochib tʼan chaʼan Nahúm

Ili profecía miʼ pʌs chaʼan Jehová ti pejtelel ora miʼ tsʼʌctesan i tʼan i miʼ ñuqʼuesʌben i pusicʼal majqui jach miʼ sʌclan ñʌchʼtʌlel yicʼot i coltʌntel tiʼ Yumʌntel Dios.

I yochib tʼan chaʼan Habacuc

Miʼ mejlel lac ñop chaʼan Jehová yujil bajcheʼ yicʼot baqui bʌ ora ñumen wen chaʼan miʼ coltan i wiñicob.

I yochib tʼan chaʼan Sofonías

¿Chucoch mach yomic mi lac ñaʼtan chaʼan maʼañic mi caj i tilel i qʼuiñilel Jehová?

I yochib tʼan chaʼan Ageo

Ili video miʼ pam tsictesan chaʼan i profecía Ageo, baqui miʼ pʌs chaʼan maʼañic chuqui yom miʼ mʌctan chaʼan ñaxan mi la cʌcʼ i chʼujutesaya Jehová.

I yochib tʼan chaʼan Zacarías

Cabʌl ñajal tac yicʼot profecía tsiʼ pʼʌtʼesa i tejclum Dios ti wajali. Ili ora miʼ coltañonla lac ñop chaʼan añʌch lac chaʼan i coltaya Jehová.

I yochib tʼan chaʼan Malaquías

Jumpʼejl profecía muʼ bʌ i coltan ñuc tac bʌ principio chaʼan Jehová, jiñi pʼuntaya yicʼot cʼuxbiya. Miʼ yʌqʼueñonla wen tac bʌ laj cʌntesʌntel am bʌ i cʼʌjñibal ti ili ora.

I yochib tʼan chaʼan Mateo

Taja a tijicñʌyel cheʼ maʼ cʌn dato tac chaʼan ili libro, jiñi ñaxam bʌ Evangelio.

I yochib tʼan chaʼan Marcos

Jiñi ñumen chut bʌ ti jiñi chʌmpʼejl Evangelio miʼ pʌs muʼ bʌ caj i mel Jesús bajcheʼ rey tiʼ Yumʌntel Dios.

I yochib tʼan chaʼan Lucas

¿Chuqui tac jiñi cojach bʌ mi lac taj ti jiñi libro chaʼan Lucas?

I yochib tʼan chaʼan Juan

Tsaʼ bʌ i tsʼijbu Juan miʼ jamʌ pʌs i cʼuxbiya Jesús ti tojlel wiñicob xʼixicob, jiñi i pecʼlel yicʼot chaʼan jiñʌch jiñi Mesías, jiñi yumʌl tiʼ Yumʌntel Dios.

I yochib tʼan chaʼan Hechos

Jiñi ñaxam bʌ xñoptʼañob tsiʼ chaʼleyob wersa ti subtʼan i miʼ sutqʼuiñob ti xcʌntʼan wiñicob xʼixicob. Jiñi libro chaʼan Hechos miʼ mejlel i chʼejlesañet ti subol wen tʼan.

I yochib tʼan chaʼan Romanos

Jumpʼejl libro muʼ i pʌs chaʼan Jehová junlajal miʼ qʼuel wiñicob xʼixicob yicʼot chaʼan ñuc i cʼʌjñibal mi lac ñop Jesús.

I yochib tʼan chaʼan 1 Corintios

Jiñi carta i chaʼan apóstol Pablo miʼ yʌl bajcheʼ yom temel mi la cajñel, chaʼan yom sʌconla, mi lac pʌs cʼuxbiya yicʼot yom an lac ñopoñel chaʼan jiñi chaʼ chʼojyel

I yochib tʼan chaʼan 2 Corintios

Jehová, jiñi Dios «muʼ bʌ i ñuqʼuesan lac pusicʼal», miʼ yʌqʼuen i pʼʌtʌlel yicʼot mi’ cʌntan jiñi i wiñicob.

I yochib tʼan chaʼan Gálatas

Jiñi carta i chaʼan Pablo tsaʼ bʌ i tsʼijbube tiʼ tojlelob jiñi añoʼ bʌ ti Gálatas ñumento an i cʼʌjñibal ili ora cheʼ bajcheʼ tiʼ yorajlel ti tsʼijbu. Miʼ mejlel i coltan pejtelel jiñi i sujm bʌ xñoptʼañob chaʼan chʌn xucʼul miʼ yajñelob.

I yochib tʼan chaʼan Efesios

Ili carta mi taj ti tʼan chaʼan Dios yom chaʼan an ñʌchʼtʌlel yicʼot cheʼ chʌn temel mi la cajñel, i chaʼan woliʼ cʼʌn Jesucristo chaʼan miʼ mejlel ti tsʼʌctiyel iliyi.

I yochib tʼan chaʼan Filipenses

Ili carta miʼ subeñonla chaʼan cheʼ bʌ chʌn xucʼul mi la cajñel tiʼ tojlel laj contra, miʼ mejlel laj coltan jiñi yañoʼ bʌ chaʼan chʌn xucʼul mi yajñelob jaʼel.

I yochib tʼan chaʼan Colosenses

Miʼ mejlel la cʌqʼuen i tijicñʌyel Jehová cheʼ mi lac jacʼ ti wen muʼ bʌ i subeñonla yicʼot cheʼ mi lac ñusʌben lac bʌ lac mul tiʼ pejtelel lac pusicʼal i cheʼ mi laj cʌn baqui bʌ i yeʼtel an i chaʼan Jesús.

I yochib tʼan chaʼan 1 Tesalonicenses

Yom chʌn pʼixil miʼ laj cajñel tiʼ chaʼan bʌ Dios, ‹yom mi lac wen ñaʼtan mi jiñʌch mero isujm bʌ woli bʌ lac sujbel›, yom mi lac ‹chʌn chaʼlen oración› yicʼot yom mi lac chʌn chʼejlʼesan lac bʌ.

I yochib tʼan chaʼan 2 Tesalonicenses

Pablo tiʼ tojʼesa jiñi xñoptʼañob come mach weñic bajcheʼ miʼ ñaʼtañob chaʼan jiñi i qʼuiñilel Jehová yicʼot tiʼ subeyob chaʼan chʌn xucʼul miʼ yajñelob.

I yochib tʼan chaʼan 1 Timoteo

Jiñi apóstol Pablo tiʼ tsʼijbu jiñi 1 Timoteo chaʼan mi suben chuqui yom miʼ melob jiñi congregación tac yicʼot chaʼan miʼ tsictesʌbeñob chaʼan yom tsajilob ti jiñi mach bʌ i sujmic cʌntesa yicʼot jiñi i cʼuxbintel taqʼuin.

I yochib tʼan chaʼan 2 Timoteo

Pablo tiʼ sube Timoteo chaʼan tsʼʌcʌl yom miʼ chaʼlen i yeʼtel ti subtʼan.

I yochib tʼan chaʼan Tito

Jiñi apóstol Pablo tiʼ tsʼijbu jumpʼejl carta chaʼan Tito lʌcʼʌl ti jiñi jabil 61 yicʼot 64 t.C. Tsiʼ chaʼle tʼan chaʼan bʌ jiñi wocol choncol bʌ i tajob jiñi congregación tac am bʌ ti Creta. Cheʼ jaʼel, tiʼ sube yom bʌ miʼ melob jiñi muʼ bʌ i waʼchocontelob ti anciano.

Miʼ mejlel a qʼuel jaʼel iliyi

Yajcan jumpʼejl tʼan

Chocben majlel