Jiñi ñopol bʌ c chaʼan lojon cojach yaʼ chucul ti jiñi Biblia. Jin mecu chaʼan, cheʼ bʌ mic ñumen chʼʌmben lojon majlel i sujm mij qʼuextan lojon chuqui ñopol lon c chaʼan. a

 Jiñi tʼan muʼ bʌ yʌl Proverbios 4:18 miʼ coltañon lojon chaʼan mi lon ñumen ñaʼtan chucoch an i cʼʌjñibal cheʼ miʼ qʼuextʌyel tac: «Pero i bijlel jiñi tojoʼ bʌ cheʼ yilal bajcheʼ i pasibal qʼuin, ñumen miʼ tsictiyel i cʼʌcʼal ti xiñqʼuiñil». Lajal bajcheʼ jiñi qʼuin, cʼunteʼ cʼunteʼ miʼ tsictiyel majlel i cʼʌcʼal, cheʼʌch miʼ mel Dios jaʼel tiʼ tojlel i wiñicob cʼunte cʼunte miʼ tsictesʌbeñob majlel i sujmlel. (1 Pedro 1:10-12). Jiñi Biblia tsiʼ wʌn tsictesa chaʼan tiʼ «jilibal pañimil» Dios mi caj i bʌcʼ tsictesan tiʼ yorajlel (Daniel 12:4).

 Mach yom toj sajtel lac pusicʼal chaʼan ili choncol bʌ i qʼuextʌyel majlel tac. Jiñi i wiñicob Dios ti wajali yʌñʌl tac tsaʼ i chʼʌmbeyob isujm jaʼel, jin mecu chaʼan cʼʌñʌlʌch miʼ yʌñob chuqui ñaʼtʌbil i chaʼañob.

•   Moisés tsaʼ yʌcʼʌ i bʌ chaʼan miʼ coltañob loqʼuel jiñi israelob, cheʼ bʌ anto yom 40 jab cheʼ bʌ maxto i yorajlel bajcheʼ albil i chaʼan Dios (Hechos 7:23-25, 30, 35).

•   Jiñi apóstolob maʼañic tsiʼ chʼʌmbeyob i sujm jiñi profecía tac baqui miʼ yʌl chaʼan jiñi Mesías cʼʌñʌl miʼ chʌmel yicʼot miʼ chaʼ chʼojyesʌntel (Isaías 53:8-12; Mateo 16:21-23).

•   Mach tiʼ pejtelelobic jiñi ñaxam bʌ xñoptʼañob tsiʼ chʼʌmbeyob isujm chaʼan bajcheʼ mi caj i cʼotel i yorajlel «i qʼuiñilel Jehová» (2 Tesalonicenses 2:1, 2).

 Ti wiʼil, Dios tiʼ tojesʌbeyob i ñaʼtʌbal jiñi i wiñicob ti wajali. I mi lac chʌn cʼajtiben chaʼan cheʼʌch miʼ mel ti lac tojlel jaʼel (Santiago 1:5).